Skip to main content

PASTOR PENSION TE PAWL DANGA INHMAN DAN TUR SYNOD AH THLEN DAWN

PASTOR PENSION TE PAWL DANGA INHMAN DAN TUR SYNOD AH THLEN DAWN:
Mizoram Synod hnuaia Presbyterian Kohhran inkhawmpui lian ber dawttu, Presbytery neih mek chu nizan khan a tiak a, Inrinni khan Palai rorel inkhawm neih a ni.
Champhai North Presbytery chu Vengthar Presbyterian Kohhran Biak inah Moderator Rev. R.Vanlalruata kaihhruaiin neih a ni a. Kohhran upa thlan dil kohhran hrang hrang 5 te chu an dilna pawmsak an ni a. Vengthlang Kohhran in 2 an dil chu phal sak an ni a, Venglai kohhran in 4 an dil pawh phal sak an ni bawk. Lungphunlian Kohhran in pakhat an dil chu phal sak an ni a, Ngur Kohhran in 4 an dil pawh phalsak an ni a; Vapar Kohhran in 2 an dil pawh phalsak an ni bawk.
Agenda zingah -Synod Board/Committee member zinga pakhat kaltlang tih tawp rawtna tih leh, Synod Board/ Committee member term hnih kaltlanga thu thin thu term khat thu tawh tura rawtna chu Synod-ah kal zel turin an rel a. Mizo irawm chhuak hla thenkhatte Chanchin tha puan darhna chi khat atan English leh Hindi a lehlin a, Solfa nen a bu-a chhuah chu Synod Worship Committee ah thlen ni se, tiin an rel a. Synod Bu, Tual Upa te hnena pek ve ni se tih chu Synod ah thlen ni se, an ti. Hunthar Kohhran chu Hmunhmeltha Hunthar Kohhran tia ziah ni rawh se tih chu pawmin Synod Executive Committee ah thlen ni se, an ti a. Pastor pension te pawl danga an inhman dan tur inkaihhruaina siam chungchang Vengthlang Bial atanga lut chu sawiho niin Synod-ah thlen ni se, an ti bawk. He hunah hian Upa BS Kailiana, Finance Officer hnen atangin kum 2019-2010 Presbytery Budget ngaihthlak niin, Cheng 1,15,000 an pawm a. Nakkum Champhai North Presbytery chu October ni 8-11 ah Champhai Kahrawt Kohhran ah neih a ni ang a, Rev. K. Lalchhuanawma chu Moderator a ni ang.
Ruantlang Presbyterian Kohhrana neih Champhai South Presbytery vawi 14-na rorel chuan Bulfekzawl Kohhran ten Upa pathum thlan an dilna chu pawmpui a ni a. Zokhawthar Phulmawi tlanga Biak in sak dilna pawh remtih a ni bawk. Hei bakah hian Kohhran Upa ordination kum 50 tlingte chawimawina Presbytery in pèk ni rawh se tih chu nakkum atanga hman tan tura pawm a ni a. Kohhran changtlung zawk ten kohhran harsa zawkte tanpui dan kawng zawn ni rawh se tih chu Synod-a kal zel tura tih a ni. Champhai South Presbytery hi Zirtawpni-ah tan ni rawh se tih chu kum 2021 atanga hman tura tih a ni a. Presbytery atanga Synod board emaw committee emawa member pakhat term hnih chhung thu tlang thin hi tihtawp ni rawh se tih chu Synod-a kal zel turin an dah bakah, Presbytery huapin Kohhran upaten seminar neih ni rawh se tih chu Standing Committee te bawhzui tura dah a ni bawk.
Nakkum Champhai South Presbytery chu Zokhawthar Kohhranin an thleng dawn a. Moderator-ah Rev H. Zalianchama; Secretary Senior-ah Upa Thangchhunga; Secretary Junior-ah Upa Lalruatsanga; Finance Officer-ah Upa B.Lalhmiasawna leh Statistician-ah Upa C.Lalchharliana te chu puipate an ni ang.
Nimin chawhma inkhawmah Kohhran upa thlan tharte nemngheh an ni a. Presbytery tinah Moderator-te chuan kohhran hrang hranga upa thlan tharte chu rinawm taka Pathian tana rawngbawl tura intiam tirin an nemnghet a, chawhnu lamah Lalpa Zanriah Sakramen kilhovin Upa thite sunna hun buatsaih a ni bawk а, nizan khan Presbytery Moderator kal chhuakte'n Pathian thuchah an sawi a ni, Synod Puipate chuan Prèsbytery hi hmun hrangnhrangah an hmanpui a. Mizoram Synod hnuaiah hian Presbytery 51 a awm mèk a, chung zinga 40 chu Mizoram chhunga mi niin, 11 chu Mizoram pawna awm a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…