Skip to main content

SARAS FAIR 2019 ROPUI TAKA HAWN A NI

SARAS FAIR 2019 ROPUI TAKA HAWN A NI :
Regional Sales of Rural Artisans Society (SARAS) Fair 2019 chu nimin khan RD Department changtu Minister Lalruatkima'n Vanlallawma Indoor Stadium-ah Ribbon chepchatin a hawng.
Hawnna pual hian Kahrawt Community Hall-ah hun hman niin, he hunah hian Lalhmingthanga, IAS State Mission Director, MZSRLM, Commissioner & SecretaRy RD Dept, Sawrkar Official, SHG member, Chanchinbumite leh khawtlang hruaitute an tel a.
Khuallian chuan SARAS Fair buatsaih thin chu Sawrkar laipuia Ministry of Rural Development hmalakna pakhat thingtlanga chengte thil siam chhuah pholanna leh chawisanna tura duan hun pawimawh tak a ni a. India ram pumah ngaihhlut a hlawh hle tawh a, he hun hlu tak chhim tur hian India ram mai bakah ram pawn lam atang pawhin mi tam tak an lo kalkhawm thin a ni, a ti a. SARAS Fair hian India hnampa Mahatma Gandhi suangtuah leh duhthusam-Kan ram thar leh siamchhuahte chauh tihhmasawn leh hman tangkai a tulzia a rawn pholang chiang hle a ni, a ti bawk.
Minister chuan Mizote chu hotute thu ngaichang thiam leh a huhova hnathawk thiam tak kan ni tih sawiin, Self Help Group dina intelkhawm kan thiam a, thavwhhona rah chu hmasawnna dang ang lo takin a lan nghal mai thin loh avangin member-ten thawhhona tha, rinawmna, beih hram hramna, tumruhna leh taimakna vawn tlat a tul a ni, a ti. SARAS Fair chu nakin zelah pawh huaihawt zel a tha dawn tih sawiin, SARAS Fair a tel leh chhimtu zawng zawngte duhsakna hlan chungin he Fair hi Ribbon chepchatin ahawng a ni. Lalhmingthanga, IAS State Mission Director, MZSRLM leh Secretary and Commissioner, RD Dept chuan miretheite chawikanna tura duan National Rural Livelihoods Mission chu kum 2011 a dina nih thu leh NRLM hnuaiah State tinah SHG te enkawltu tur dinin, Mizoramah pawh
Mizoram State Rural Livelihoods Mission chu kum 2013 khan din a ni, a ti a. MZSRLM hian tun dinhmunah Kolasib, Serchhip, Mamit, Lawngtlai, Champhai leh Siaha District-a Block tinah hma ala mek a, a tahtawla hma zauh chho zelin, thla hmasa atang khan NERLP hnuaia enkawl Aizawl
leh Lunglei District chu MZSRLM enkawl tura dah a nih thu leh Kum 2022 ah chuan Mizoram chhunga District a khua zawng zawnga intin tuam chhuak turin ruahmanna siama ni, a ti.
Nimin SARAS Fair hawnnaah hian Ethel Rothangpuii, Projećt Director DRDA Champhaiin kalkhawmte lawmna thu sawiin, H.Lalchhandami, CEO, MZSRLM in report a pe a. Bank Branch hrang hrang 9 te kaltlanga Self Help Group 148 te hnenah tanpuina loan Cheng Nuai 231 pekchhuah niin, an kutah Minister leh Commissioner ten an hlån a. Bank Branch 11 te hnenah MZSRLM an thawhpui that avang leh SHG hmalakna an thlawp tlat avanga lawmthu sawina certificate pek an ni a. Zoremthara Ralte, SDO Sadar-in lawmthu sawiin hawnna hun hi a khar a ni.
Regional SARAS Fair Champhaia neih mekah hian Mizoram hmun hrang hrang atangin SelfHelp Group Member 100 an tel a. Stall 50 awmin, District 5 atanga RD Block 14 te an tel a ni. Nimin atanga November Ni 8, 2019 thleng SHG te thil thar leh siam chhuah tha tak takte he hunah hian lei theih a ni ang.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…