Skip to main content

VIGILANCE WEEK

VIGILANCE WEEK :
Rampum huap a Vigilance Week
hman mek pualin nimin chawhma
dar 10:30 khan Khawzawl Zaingen YMA Hall-ah hun hman a ni a, District Bawrhsap H.Lianzela'n a kaihruai a ni.
He hunah hian thu sawiin DC chuan, Sawrkar Laipuiin New India siam tura hma a lakna kal zelah Sawrkar peng hrang hrangten anmahni zawn theuhah hma an la tih a sawi a. Central Vigilance Commission pawhin vantlang zingah inpumkhatna te, rinawmna te, langtlang a thil tih te leh mawhphurhna te chawikan a nih theihnan  a kalpui a ni, a ti a. Vigilance Commission hmalakna in Vigilance Week hi  a nih thu leh hlemhletna do tura zirtirna hi Commission in a ngai pawimawh tih sawiin, kumin thupuiah pawh 'Rinawmna, nunphunga neih' tih chu hman a ni, a ti. He hmalaknaah hianSawrkar hnathawkte chauh ni lovin zirlai, NG0 leh mipui nawlpui te an tel vek a ni, a ti a. Kalkhawmte chu miten an hmuh loh lai pawha zahawm tak leh dik taka nung turin a chah a.
Nunphung dik leh Principle nei tlat mihringte hi 'People with integrity' tia sawi thin an ni a; mawhphurhna hlen mi, mi rintlak leh rinawm te hi Integrity thaah kan ngai thin a ni, a ti.
Nimin hun hmanah hian Inspector Joseph Lalremmawia, ACB, Vigilance Department in Vigilance Week hman a nih chhan te, Vigilance Department hnathawh leh mawhphurhna te a sawi a. Eirukna leh hlemhletna veng tur leh a kaihhnawih Dan leh hrai chi hrang hrang te kalkhawmte hmaah a sawifiah a. Eirukna leh hlemhletna do hna chu mitin mawhphurhna a ni, tiin eirukna leh hlemhletna-in ram dinhmun a tih chhiat dan te a sawi tel bawk.
Nimin hun hmanah hian Khawzawl khawpui chhunga Sawrkar hnathawkte bakah College zirlai, NGO hruaitute
leh VC te an tel a, zawhna leh chhanna hun hmanho a ni bawk.n eirukna leh hlemhletna-in ram dinhmun a tih chhiat dan te a sawi tel bawk.
Nimin hun hmanah hian Khawzawl khawpui chhunga Sawrkar hnathawkte bakah College zirlai, NGO hruaitute
leh VC te an tel a, zawhna leh chhanna hun hmanho a ni bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…