Skip to main content

Posts

Showing posts from November, 2019

CHAMPHAI DISTRICT COURT P.I. ROOM RAWKTU NIA RIN MAN

CHAMPHAI  DISTRICT COURT P.I. ROOM RAWKTU NIA RIN MAN : Champhai Police, District Executive Force in thuchhuah an siam dan chuan Ni 9.11.2019 (Inrinni) zan a District Court, Champhai P.I. room chu mi tu tih hriat lohin a kalhna kawngkapui tala kar chhiain, a chhunga Steel almirah pakhat la chhuakin, kar hawn a ni a,  a chhunga thubuai file chi hrang hrang leh documents pawimawh tak tak District Court daiah ah hal ral a ni a. Tin, hemi zan vek hian Champhai District Court Canteen kawngkapui kalhna tala kar chhia in, rawk a ni bawk a, hemi chungchangah hian Champhai Police Station ah thubuai ziah luh nghal a ni. (CPI-PS C/No 121/19 Dt.10.11.2019 U/S 457/380/435 IPC & CPI-PS C/No 122/19 Dt.11.11.2019 U/s 457/380 IPC). He thil thleng chungchang ah hian Enquiry/Investigation ulauk taka kalpui a ni. Special Investigation Team (SIT) SDPO, Champhai kaihhruaina in din a ni bawk. Police te chuan thil tisualtu hi man tumin  theihtawp  an chhuah a, Dt.15.11.2019 (Friday) hian Champhai Police …

NU LEH NAUPANG VACCINE PEK DAN TUR REL

NU LEH NAUPANG VACCINE PEK DAN TUR REL : Nimin khan Champhai Bawrhsap SL Naveen, IAS kaihhruaiin District Task Force for Immunization chu an thukhawm a, Intensified Mission Indradhanush (IMI) thawh hnihna kalpui dań tur leh Vaccine pek vanga thil duhawm lo thleng thei laka hmalak dan turte rel a ni. Bawrhsap chuan Naupang leh Nu naupaite hriselna kawnga rahbi pawimawh hmasa leh pawimawh tak natna laka lo invenlawkna Vaccine-te a bikima hunbi nei thlapa lak a ngaih thu sawiin, vaccine la thei zawng zawngte chu ngaipawimawh turin a chah a. Intensified Mission Indradhanush tluang taka kalpui a nih theihna tura thawktu leh line department hrang hrangte intawiawmna fakin, hmabak la awmahte pawh tha taka thawkho zel turin a chah a ni. District Task Force for Immunization tarlan dan chuan tun dinhmunah Undivided Champhai District-ah Naupang kum hnih hnuai lam 5460 leh Nu naupai 1525 an awm mek a. IMI thawh hnihna hmang hian vaccine la ngai lo, la chhunzawm thei lo emaw, hmaih palhte tan vacc…

CHAMPHAI OPEN BADMINTON TOURNAMENT KHAR FEL TA

CHAMPHAI OPEN BADMINTON TOURNAMENT KHAR FEL TA : CDBA in a buatsaih Champhai Open Badminton Tournament chu nimin khan Final khelh niin khar ni. Kharna hun hi C.Hualdingpuia, Vice President, CDBA chuan kaihruaiin, Lalnunmawia, Chairman Champhai District Sports Committee hnen atangin thusawi ngaihthlak a ni. Champhai Open Badminton Tournament hi Thawhlehni khan khelh tan a ni a, Category hrang hrang 7 siam niin, heng Category hrang hrangah hian inel a ni. Tournament.chhung hian Match 95 an khel a, khual khua atangin Vangchhia Badminton Club leh Kawlkulh Badminton Club te chu he Tournament ah hian an tel a, Player 132 an tel a ni.

KAR LEH THAWHLEHNI AH CHILDREN'S CARNIVAL

KAR LEH THAWHLEHNI AH CHILDREN'S CARNIVAL : Karleh Thawhlehni-a Kahrawta Children's Carnival hman a nih dawn avangin Champhai SP chuan thupek chhuahin, hemi ni zing dar 7:00 atanga tlai dar 5:00 inkar chhungin Children's Park, Kahrawt pan thlakna  kawng leh Dawrkaikawn atanga helai pan chhohna kawngpui chu No Entry atan a puang a. Vengthlang atanga Vengsang, Hospital pan tur tan kawngpui pangngai (one way) zawh theih a ni ang a. Vengsang, Hospital atanga Vengthlang pan turte tan Vengsang Presbyterian Biak in kawt atangin LAD Office, Kahrawt hrula pheiin, Kahrawt Presbyterian Biak in hrul chhuah lama her liamin Dawrkaikawnah chhuah thlak tur a ni ang.


DIET AH TOBACCO CONTROL CELL IN HUN HMANG

DIET AH TOBACCO CONTROL CELL IN HUN HMANG : Nimin khan HIMNA MADAT program, District Tobacco Control Cell, Champhai chuan DIET, Champhai ah training an pe. He hun hi Rebecca Lalbiakdiki Hnamte, DIET Lecturer in a kaihruai a, Zosangzela, District Consultant, DTCC Champhai chuan COTPA 2003 Dan chungchang a sawi a Lalruatdiki Hnamte, Psychologist, DTCC Champhai chuan Vaihlo in mihring taksa a khawihchhiat dan sawiin, Dr. Elizabeth Niangtawimang chuan Substance Disorder chungchang zirtirna a pe a ni


RUIHHLO MAN

RUIHHLO MAN :  Ningani zan khan Champhai Excise & Narcotics Enforcement Staff te chuan  heroin hawng khat (12.5 gms) leh a kengtu Lalnunpianga (52) S/o Sawhkhuai (fam), Tuirial Airfield Veng chu Hruaikawn Peng, Zokhawthar Road-ah an man. An ruihhlo man hlutzawng hi tualchhung rate-ah Cheng 30,000 a ni. NDPS Act'85 hnuaiah thubuai siamsak a nih hnuah nimin khan District Court, Champhaiah hruai a ni a, District Jail, Champhai-ah dah luh a ni.


FREE CLINIC

FREE CLINIC : Nimin khan Farkawn Higher Secondary, NSS Unit leh Farkawn PHC tangkawp chuan Saikhumphai-ah Free Medical Clinic neiin, damlo inentir an thahnem hle. Free Medical Clinic hi Farkawn PHC Medical Officer, Dr. Benjamin Lalramchuana hova neih niin, damlo mipa 26 leh hmeichhia 32 an inentir a, damlote hnenah hian damdawi eng emaw zat a thlawna sem a ni bawk,

CHILDRENS' DAY LAWMNA NEI

CHILDRENS' DAY LAWMNA NEI : India ram hmun dangte rualin nimin khan Naupangte Ni, Childrens’ Day lawmna hun chu Kahrawt Field Champhaiah hman niin, naupangte pual hapta tan nghal a ni. He hun District Child Protection Unit leh District Legal Services Authority, Champhaite tangkawp buatsaihah hian Pu S.L Naveen, IAS Deputy Commissioner Champhai chu khuallian a ni a, Naupangte Ni puala kawngzawh a vailiam a ni. Bawrhsap Pu S.L Naveen chuan Champhai District chhunga naupangte Childrens' Day lawmpuina hlanin chibai a buk a. Naupangte ni chu India ram pumah kumtin November Ni 14 a hman thin anih thu sawiin, India ram Prime Minister hmasa ber  Jawaharlal Nehru hriatrengnana a  pianchamphaphak November Ni 14 hian kum tin hman thin a ni, a ti a. Naupang duhawm tak takte chu nakin lawka Mizoram mai bakah India ram tana nghahfak leh  chhenfakawm tak takte an ni tiin, nakin lawkah chuan zirthiamna hian thachakna khumin kawng engkimah hma a la hruai dawn a ni, a ti a. Naupangte chu zirna …

TANPUINA PE

TANPUINA PE : Nimin khan Champhai District Auto Rickshaw Owners' Association chuan home ah leh District Hospital ah thilpek an hlan. Champhai District Auto Rickshaw Owners' Association chuan an thurel bawhzuiin nimin khan Home pahnih : Emanuel After Care Centre-ah Rs. 3000 leh MZ Home, TNT ah Rs. 3000, an hlan a. Hei bakah hian Champhai District Hospital Poor Fund atan Rs. 4000 an pe bawk

CHAMPHAI NULA CHHUANAWM TE HMUAK DAWN

CHAMPHAI NULA CHHUANAWM TE HMUAK DAWN : Mizoram Football Association buatsaih Inter District women Football championship, Siaha-a khelh zawh takah champion Champhai District women team te chuan vawiin hian Champhai an rawn thleng dawn a. Champion team te hi CDFA huaihawtin Khankawn Police check gate-ah lo hmuah tur a ni a. A hmuak tur hian CDFA chuan mi tin an sawm a, lirthei nei leh thawh chhuak thei ten vawiin tlai lam dar 3:00 ah Khankawn check gate thleng turin an ngen.

SANGHA KHAWI DAWN ZIRHO

SANGHA KHAWI DAWN ZIRHO : Nimin chawhma dar 10:30 khan Champhai District Fisheries Development Officer Office bultumin Khawzawl Vengthar YMA Hall-ah Tuichang A/C huamchhunga Sangha khawitu mi 50 leh Lengteng A/C huam chhunga Sangha khawitu mi 50 te tan Sangha khawi tura hriat tur pawimawh hrang inhrilhfiahna buatsaih a ni. Nimin Training hi Champhai DFDO Lucy Lalrinpuii'na kaihruai a. Training hawnna thu sawiin Lucy Lalrinpuii chuan, Sangha khawitu kalkhawmte chu Training an neih chu hmang tangkai tum a, Mizerama Sangha thar chhuah tisangtute zinga tel ngei tum turin a fuih a. State pawn atanga Sangha lakluhte a lo tlem zel theihna turin Sangha khawitute chu tan la sauh sauh - turin a fuih a. Department hrang mithiamte pawh rawn hreh lo tura chahin Sangha khawitute tan an Department chu an inkau reng tih sawi a ni. Nimin Training-ah hian Lalmalsawma, Fisheries Demonstrator in Dil enkawl dan chungchangah zirtirna pe a. Lalchhuanawma, Assistant Fisheries Officer in Sangha chaw pek d…

VC THU LO IN MOTOR REGISTER THEIH LOH

VC THU LO IN MOTOR REGISTER THEIH LOH : Nimina Champhai khawpui leh a chhehvel cheibawla hmasawnna ruhrel siam dan tur rela Champhai Master Plan Committee, Transport Minister TJ Lalnuntluanga hova DC Conference Hall-a thukhawm chuan, Champhai Town huam chhunga mi, an veng VC atanga Lirthei dahna an nei ngei a ni tih hriatpuina lehkha nei lo chu Lirthei register thar tawh loh ni se, tiin an rel. Minister TJ Lalnuntluanga chuan, Champhai khawpui thanzelna leh nakin hun ngaihtuah chunga Champhai Master Plan tharthawh leh a nih thu sawiin, abul tanna chauh la ni mahase hlawhtling tur chuan a tak taka hnathawh a ngai a ni, a ti a. UD&PA Department lama mithiamte kaihhruaiin zirchianna zau zawk leh mipui ngaihdan lak a ni dawn tih a sawi a. Khawpui remfela cheibawl hna chu a bultanna mai a la nih avangin mithiam leh khawtlanga mitha hnemngaite chu Champhai khawpui Plan leh Leilet vawnhima tihchangtlun'tumina kawngah thahnemngai taka hotute tawiawma thurawnte pe zel turin a sawm a. N…

CHAMPHAI NULA THIAM BER

CHAMPHAI NULA THIAM BER : Mizoram Football Association buatsaih Inter District women Football championship Siaha-a khelh zawh takah Champhai District an Champion Champhai District Football Association Hmeichhe team te hian final lut turin an khingpuite an hnèh fai vek a, Semifinal-ah Kolasib hnehin nimin khan Aizawl district nen final an khel a, sikhat faia hnehna changin an Champion ta a ni. Goal pawimawh hi Lalhmângaihzuali, Dinthar khung ni. He championship-a match an khelh zawng zawngah а, Champhai hian hian goal khat mah chhuah lovin an champion a ni. Champhai District Hmeichhe Team te hian Fairplay award an dawng bawk a, Best Player atan Lalrawngbawli, Champhai Vengthlang North thlan a ni a. Champion-na goal khungtu Lalhmangaihzuali Dinthar chu Top Scorer atan thlan a ni a, Nubawihi hian goal 7 a khung a ni. Champion team-te hi CDFA chuan ropui taka lo hmuah an tum thu an sawi.


RUAHTUI DINHMUN

RUAHTUI DINHMUN : October thla chhung khan Champhai in ruahtui mm 50.3 a dawng. Kumin chhung hian Champhai ah ruahtui mm 1438.1 a tla tawh a, January thla khan ruahtui tla lovin July thla khan ruahtui mm 435.2 a tla a, hei hi kumin chhunga Champhai in ruahtui a dawn tam ber tum a ni. Kumin chhung hian thla tin Champhai in ruahtui mm 143.81 a dawng ziah ang a ni a Hetihlai hian kum 10 kalta. chhunga October thla chhung bikah kum 2017. October thla khan ruahtui tlak tam ber tum niin, mm 179.8 a tla a, kum 2016 khan October thla ah ruahtui mm 0.8 tla in hei hi kum 10 kalta chhunga Champhai in October thla chhung bika ruahtui a dawn tlem ber tum a ni a Kum 10 kalta chhunga October thla chhung bikah Champhai in ruahtui mm 1184.54 a dawng thung.

EXCISE REPORT

EXCISE REPORT : October thla chhung khan Champhai Excise & Narcotics Staff-te chuan ND&PS Act hnuaiah thubuai 10 an ziak lut. Champhai Excise & Narcotics Staff-te hian ND&PS Act hnuaiah thubuai 10 ziak lutin mi 10 bawk an man a. Heroin Gram 283.8 an man a, Alprazolam tablet 90 an man bawk. MLPC Act hnuaiah thubuai 22 ziak lutin mi 16 an man a, Rakzu litre 169.750 an man a,

Ram dang zu um 74 an man a. Ram dang Beer canned 29 leh Apple Juice um 2640 an man a, Ram dang mi pakhat an man bawk.

BORDER TRADE TIH HMASAWN DAN TUR NGAIHTUAH

BORDER TRADE TIH HMASAWN DAN TUR NGAIHTUAH : Champhai North bialtu MLA Dr. ZR Thiamsanga leh Indian Council for Research on International Economic Relations(ICRIER) aiawh Team, Sanjana Joshi kaihhruaiten India-Myanmar Border Trade tihmasawn dan tur nimin khan an sawiho. He inkawmhona hunah hian Champhai North MŁA chuan ICRIER te hnathawh chu ropui a tih thu leh ei leh bar zawnna tihchak leh Policy siam hna lam ngaihtuahtu an nihna chu ropui a tih thu sawin, Zokhawthar Border Trade chuan thuamthat a mamawh nasat thu a lo hrilh a. Administration lamah pawh harsatna a awm tih lo hrilhin, Sorkar ang paw'n bawhzui ngai leh hmalak zui ngai turah chuan theihtawp a chhuah dawn tih lo hrilh a. ICRIER lama mithiam Sanjana Joshi chuan Indo-Myanmar Border Trade tihmasawn nan rawtna an neih te leh hmalak tul an tihte a hrilh ve nghalook bawk. Indian Council for Research on International Economic Relation

(ICRIER) hi Aug. 1981 a din niin, India ram hmasawn nan, mithiam leh chungchuang tak tak …

CHILDREN'S DAY KARAWT RECREATION AH

CHILDREN'S DAY KARAWT RECREATION AH : District Child Protection Unit bultumin National Children's Day 2019 pualin naktuk hian Champhai Kahrawt Field ah hun an hmang dawn a, hemi atan hian inbuatsaihna kalpui mek a ni. Ni 19 khian District Child Protection Unit bultum vekin Rohmingthanga Recreation Centre, Kahrawt ah Champhai-a a vawikhatna atan Children's Carnival buatsaih a ni ang a. He hun hi World Day Against Child Abuse, 2019 denchhena hman a ni dawn a, Champhai DC chuan khuallian niin he hun hi a hmanpui ang.


RINHLELH MAN LA NEILO

RINHLELH MAN LA NEILO : Champhai District court-a lutru leh thil tichhetu chu chhui zui mek a ni a, nimin lam thleng kha chuan he thil thlengah hian rinhlelh man emaw an la nei lo. District Court-a duty Armed Police 5 te hriat miah loha pawikhawih nih vang hian ruahmannanfelfai tak nei a thil tih ni ngeia a lan thu District Court hotute chuan an sawi bawk.

MLA FAKAWM

MLA FAKAWM : Hnahlan khua Pu Zohmingmawia leh Pi Vanlalzami te fanu, Malsawmzuali, kum 10 mi, Khawsikpui vanga hun rei tak enkawl ngai leh Champhai District Hospital-ah pawh hun eng emaw chen lo awm tawh, Aizawl lama enkawl tura an hruai thlak chu nimin khan Champhai North Bialtu MLA Dr Thiamsanga chuan kan-ina hlawh atangin tanpuina Rs. 10,000 a pe niin thu kan kan dawng. Malsawmzuali hi a natna avangin hun rei tak enkawl a ni tawh a, sum leh pai an sen tam tawh avangin MLA chungah hian an lawm hle niin thu kan dawng bawk. Malsawmzuali hi Whatsapp Group Vengthlang Undivided pawhin Rs. 30,000 bawr in an lo tanpui tawh bakah mimal leh thianho tanpuina pawh a dawn nual.

STATE GAMES TURIN INBUATSAIH ZEL

STATE GAMES TURIN INBUATSAIH ZEL :
December Ni 9-13, 2019 chhunga Mizoram State Games-2019 neih tura
Champhai South Assembly Constituency tana hmala tura din, Champhai South Assembly Constituency Level Committee chu nimin chawhnu khan an Chairman TJ Lalnuntluanga, Law and Judicial Minister leh bialtu MLA ni bawk hovin
Circuit House Conference Hall-ah an thukhawm.
Minister TJ Lalnuntluanga chuan, Mizoram State Games 2019 chu infiamna chawisana hma kan sawn theihna tura chhawpchhuah, Assembly Constituency hrang hrangte inelna tura ruahman a nih thu sawiin, theihna leh thiamná nei thalaite zawnchhuah a, tihhmasawnna tur a ni, a ti a. Infiamna pui tham tak MLA bial hrang hrangte telna tur a nih angin bial leh District hmakhua ngaia theihtawp. chhuaha ngaihtuahna sen a ngai tih a sawi a. Infiammi leh mawhphurhna kengkawhtu zawng zawngte chu rilru zau tak pu a, mahni chanvo theuhte tihlawhtling thei tura ngaihtuahna seng tura chahin, mahni khua leh Constituency aiawh tur an nih angin bial t…

EI LEH IN THA INZIRTIRNA NEI

EI LEH IN THA INZIRTIRNA NEI :
Food & Drugs Administration Wing (FDA), CMO Office Champhai chuan October 2019 atang khan Champhai khaw chhunga Zirna In, High School leh Higher Secondary School hrang hrangte tlawh kualin, Zirlaite hnenah 'Food Safety & Drugs Awareness Campaign' neiin hun an hmang.
He awareness campaign-ah hian C.Ramdinmawii, Asst. Director (Food & Drugs) leh C.Zarzokimi, Asst. Drugs
Inspector, CMO Office, Champhaite'n Ei leh In thianghlimna kawnga inzirtirna bakah damdawi hrang hrang chungchang an hriattur pawimawhte leh antibiotics resistance chungchangte sawiin hun an hmang thin a ni. Food Safety & Drugs Awareness Campaign hi kalpui zel tura ruahman a ni.

JUNIOR ICON ZO FEL TA

JUNIOR ICON ZO FEL TA :
GMM Junior lcon 2019 chu Inrinni zan khan zawhfel a ni. Result puan zan hian Uaptu Dr ZR Thiamsanga, Champhai North MLA chuan, GMM-in naupangte Pathian lama kaihhruaina, rawngbawlna atana Junior Icon a buatsaih chu lawmawm a tih thu a sawi a. Zai mite an talent hai chhuakna atana hun tha an siam thei chu tha a tih thu leh, he intihsiakna hi thangtharte tan an thiamna leh finna  te, an theihna te hai chhuah mai bakah Isua Krista chuan nun kaihhruaitu atana an hman theihna remchang ni se a duh tih a sawi a.
Khawvel sualna laka fihlim turin intihsiaknaa telte chu a chah a ni. Junior Icon atan hian Lalhruaitluangi, Champhai Jail Veng chu thlan a ni a. Lalkrosmawia, Sazep chu 2-na niin Lalngaihzuali, Electric Veng chu 3-na a ni.

RUIHHLO MAN

RUIHHLO MAN :
Nimin zing dar 1:30 vel khan Champhai Excise & Narcotics Enforcement Staff leh Vaphai Khawtlang Tangrual Pawl te chuan heroin hawng 3 (38.7gms) leh a kengtu Runhmingthangi (39) D/o Thanzauva, Vaphai chu Vaphaiah an man a, Heroin an man hlut zawng hi tualchhung rate-ah Rs. 90,000 man vel a ni a, Runhmingthangi hi NDPS Act'85 hnuaiah thubuai siam sak a ni a, District Court, Champhaiah hruai a nih hnu in District Jail, Champhaiah dah luh nghal a ni.

MINISTER IN TLAWH

MINISTER IN TLAWH :
Nimin tlai khan Law & Judicial Minister,
Champhai South bialtu MLA ni bawk TJ
Lalnuntluanga chuan Med-Aim Hospital sak thar, New Champhai michu tlawhin mamawh hrang hrang an thlente
theihtawp chhuaha hmalakpui a inhuam thu a hrilh. Hemi hnu hian MLA fund hmanga New Champhai Unit-te hnathawh leh Supply Deptt. Kudam sakna tura ruahman hmunte a tlawh nghal bawk.

THI IN CHHAR

THI IN CHHAR :
T.Vanlalhnema kum 27 hi nimin zing dar 9:30 vel khan a chenna inah thia hmuh a ni a, T. Vanlalhnema hi Mahindra Workshop-ah Cashier hna thawk niin, Mahindra Workshop bul New Champhai ah amaha in luahin a cheng a. Champhai Police-te hnenatang thu dawn danin T. Vanlalhnema hi Electric in a man hlum nia hriat a nia, aruang an hmuh lai hian Electric hrui a lo la vuan a, a in bula Sangha a khawinaah Electric pek a tumna lamah Electric hian a man ta ni a rin a ni. A ruang, hi nimin khan an khua Kawlkulha vui turin lakthlak nghal ani

CHAMPHAI NULATE FINAL LUT

CHAMPHAI NULATE FINAL LUT :
Nimin khan MFA buatsaih Inter District Women Football Tournament semi final chu khelh zawh a ni a. Champhai district leh Aizawl district ten Final an lut.
He tournament hi Siaha khawpui-ah khelh a ni a, semi final hmasa zawkah Aizawl district chuan a thlengtu Siaha district chu 1-0 in an hneh a, semi final hnuhnung zawkah Champhai district hian Kolasib district chu 1-0 bawkin an hneh a. Champhai district team hi coach Lalfakzuala ho in Siaha ah hian an kal a, Pool match ah Lawngtlai dist leh Siaha district hnehin pool champion ni chungin semi final an lut a. Semi final-ah team tha bera ngaih leh champion tura rin Kolasib district nulate hnehin final an lut ta a ni.
Final luhna goal hi captain Lalhmangaihzuali, Dinthar in minute 20-naa a khung a ni. Champhai hmeichhe team hian hnehtu an la tawng lo mai ni lovin tun dinhmunah an goal hi an la venghim vek rih a ni. Final hi naktuk chawhnu dar 2:00 ah khelh a ni ang.

HUMSUAL DAITE KAWNG DIK ZAWH NAN JAIL SIAM A NI

HUMSUAL DAITE KAWNG DIK ZAWH NAN JAIL SIAM A NI :
Champhai Additional District and Session Judge R.Vanlalena chuan hmangaihna avang zawkin, India danpui hnuaiah humsual dai palhten kawngdik an zawn leh theihna tura Jail tang mekte chu insiamtharna hmuna dah lailawk rih an ni, a ti.
District Legal Services Authority bultumin Inrinni khan Champhai District Jail-ah National Legal Day hman a ni a, he ni denchhen hian Champhai District Jail-a tang mekte hnenah dan hnuaia mitin chanvo inhrilhfiahna hun hman a ni. District Legal Services Authority Secretary & CJM Lalrochami Ralte kaihhruaiah hian Additional District & Session Judge R.Vanlalena chuan, Lung in hi misualte tawmkhawmna atana sorkarin a din ni lovin, bumtu bumna avanga tlupalh, tihpalh vanga humsual daite awmkhawmna a ni, a ti a. Chungtiang mite in dinthar lehna tur leh an kalpenna lak ata nunkawng dik an zawh theihna tura India danpurin a phut vanga Dan kengkawhtuten dan hmanga an dahkhawm rih an nih
thu a sawi a. Humsua…

HOSPITAL VENG BIAK IN HAWNG

HOSPITAL VENG BIAK IN HAWNG :
Inrinni khan Cheng 81,02,000 senga sak Champhai Hospital Veng Presbyterian Kohhran Biak In thar chu Synod Moderator Rev. R. Lalhmingthanga'n a hawng.
Hawnna inkhawm neih hma hian Upa Dr. J.Lalramchhuanga kaihhruaiin
kum 25 an tlin, Silver Jubilee dar vuak a ni a, Synod Moderator in hma hruaiin
Champhai South Presbytery Moderator leh Kohhran hruaituten an zui a, KTP leh Kohhran hmeichhia bakah Kohhran Pavalai Pawl hruaituten Jubilee dar hi an vua a ni. Kum 25 an tlin lawmna hi ni 6 atang khan an lo hmang tawh a. Biak In thar
hawnna chhunzawm niin Rev. R.
Lalhmingthanga, Synod Moderator chuan Biak In thar chu Pathian hruaina leh Kohhran ho te thawh hona leh thahnem ngaihna vanga ding thei a nih chu sawiin, Biak In thar chu Thlarau Thianghlim zalenna a nih theihna tura malsawmin a hawng a ni. Hawnna Inkhawm, Biak In chhungah hman zui niin, Rev. PC Malsawmtluanga, Moderator, Champhai South Presbytery chuan kaihhruaiin Upa Dr. J. Lalramchhuanga'n Biak …

ORGANISING COMT THUKHAWM

ORGANISING COMT THUKHAWM :
Champhai South A/C hnuaia Mizoram State Games 2019 Organising Committee chu Inrinni khan an thutkhawm.
He hunah hian hmalak dan tur hrang hrang ngaihtuah a ni a, Sum mamawh hrang hrangte buapui turin Fund Raising Committee din niin, Convener-ah R. Thangseia ruatin member mi 5 dang an ruat tel bawk. Hei bakah hian Discipline hrang hrang Incharge-te'n vawiina Bialtu MLA hova meeting an neih tura pharh hman turin sum an mamawh turte Treasurer IC Hranglura emaw Fin. Secretary C.Lalrochhara emaw hnenah thehlut turin an rel ni. Mizoram State games 2019 atan Jersey neih ngei ni se tiin an rel a. Discipline hrang hrangte'n a rem chan dan angin mahni discipline jersey tur hi Sponsorship zawn ni se, an ti a. Constituency Flag siam nise tiin, Jersey leh Flag buaipui tur hi an inruat fel nghal bawk a ni.

DISTRICT COURT RAWK

DISTRICT COURT RAWK :
Champhaia District Court chu Inrinni zan khan misualin an rawk a, Excise leh Police ten Case chi hrang hrang record an dahna, Prosecution branch chhunga thir awm khauh, Steel almira te la chhuakin, a chhunga lehkha pawimawh an halh chhia a Court lehkha hi Excise lam lehkha erawh halchhiat a ni lo niin thu dawn a ni a. Nimin zing lam khan he thil thleng hi hriat niin, Champhai Police ten theihtawp
chhuahin an chhui zui mek tih thu kan dawng.

MINISTER PROGRAMME

MINISTER PROGRAMME :
Ruahman lawk ang chuan, Champhai-a hun hmang mek Champhai North bialtu MLA Dr
ZR Thiamsanga chuan vawiin hian Aizawl lam a pan ang a. Hetihlai hian Champhai South Bialtu MLA, Minister TJ Lalnuntluanga chuan,vawiin chhun dar 1:00 a State Games neih tura a bial chhung inbuatsaihna leh hmalak dan tur relpui turin Champhai a rawn pan dawn a. Naktukah MNF Champhai South Block meeting a telpui ang a Nilaini-ah Champhai
Master Plan Comtt thutkhawm, DC Conf. Hall aneih tur a kaihruai ang a, chawhnu lamah Aizawl panin a kir thla leh ang.

IN KAHLUM

IN KAHLUM :
Nizan dar 6:00 vel khan Tualte khuaah naupang kum 10 mi vel, a pa in an silai hawha lamtir chu a mu awm a lo ni a,
a nau kum 5 mi a kaphlum palh a, a nu
pawh hliamin, a nu hi nizan khan Khawzawl damdawi in an panpui niin thu dawna ni

CHAMPHAI MIPUI HLUT SARAS FAIR 2019

CHAMPHAI MIPUI HLUT SARAS FAIR 2019 :
Champhai Kahrawt Venga Vanlallawma Indoor Stàdium-a MZSRLM leh DRDA Champhai buatsaih Regional Saras Fair Champhai 2019 chu nimin khan VANIS-ah khar a ni a, kharna hun hi Rex Zarzoliana Vanchhawng, Champhai SP chuan khual lian niin a hmanpui.
Khual lian chuan Champhaiah SARAS Fair buatsaih a ni chu lawmthu sawiin, SHG te siam chhuah hmun hla tak pan ngai lo va mahni khawtual ngei a, lei theiha chhawp chhuah a ni chu lawmawm a tih thu a sawi bawk. Self Help Group kalkhawmte chu an thit siam chhuah leh an thar chhuahte
eizawnna tak tak atana an hman theihna turin ram danga thawn chhuah tham siam chhuak tur leh thar chhuak tura theihtawp chhuah turin a chah a. An eizawnna hrechianga ngai pawimawh tura chahin, khawtlang leh pawl hrang hranga inhman aia eizawnna. dah pawimawh zawk fo
turin a chah a. Hna tha taka an thawh theihna tura an hriselna ngai pawimawh a, taksa hriselna khawih pawi thei zuk leh hmuam laka insum turin a chah bawk
'He hunah hi…

CHAMPHAI MAMAWH HRANG HRANG SAWI HO

CHAMPHAI MAMAWH HRANG HRANG SAWI HO :
Kumin December thlaa Mizoram State Games, Aizawla neih tur atana inpuahchahna neih mek leh Champhai khawpui mamawh hrang hrangte sawihona chu nimin khan Champhai  DC Conference Hall-ah Dr. ZR Thiamsanga MLA, Vice Chairman, Health &  Family Welfare Board hova neih a ni.
Dr. ZR Thiamsanga chuan Champhai District chu infiamna huanga sulhnu nei tha tak anih thu leh State Games neih turah pawh beiseina sang tak neih ani, a ti a. MLA Bial inelna ang ni mahse District pumpui dengchhuak inelna huhang nei tak a nih angin sawrkar department, mipui mimir leh pawl hrang hrangte chu district tihmingtha turin thahnemngai taka kan thawhho a ngai a ni, a ti a. Champhai North bialtu MLA chuan Champhai District chu Mizoram District dangte tana entawntlak District Model,  thianghlimna, faina leh mawina kawnga midangte tihhmuh theitu ni tura hmalak a ngaih thu a sawi a. Zirna  kawngah nasa lehzuala tan lak angaih thusawiin, thiam elna hrang hrang leh hnasang lakn…

LARSAP SAWM

LARSAP SAWM :
Champhai District BJP President Hrangsatkima chuan nimin khan
Mizoram Larsap thar PS Sreedharan Pillai chu hmu-in, Champhai mamawh
Kut hnathawktute'n nasa zawka hlawkna an hmuh theihna tur te leh Champhai mamawh hrang hrangte a thlen a.
India leh Myanmar border a nih anga a rang lama Champhai chu a hmun ngei a rawn kal a, Champhai mamawhte
hmuhpui turin Larsap hi a sawm bawk tih thu kan dawng.

LEMCHAN ENTIR

LEMCHAN ENTIR :
Champhai District-a Health Department, District Tobacco Control Cell leh District Education Office tangkawpin Project Himna-Madat hnuaia lemchan intihsiak "Street/Live Play Competition" a buatsaih chu Ningani khan Khawbung BRC Hall ah neih a ni.
Project Himna-Madat hnuaia lemchan
intihsiak "Street/Live Play Competition" ah hian thupui atan "Mizoram Against Drugs, Alcohol and Tobacco" hman a ni a. Ruihhlo, zu leh meizial that lohzia inzirtirna lam hawi minute 10 chhung lemchan intihsiak a ni.
Nimina Khawbung BRC Conference Hall-a lemchan intihsiak hi Khawbung RD Block huam chhung atanga District Level-a tel tur thlan chhuahna niin, a pumpuiah Gov't KM Middle School, Khawbung chu District inelnaa tel tura thlan an ni.

TOMATO CHIN ATANGIN NUAI 100 CHUANG SUM LA LUT TAWH

TOMATO CHIN ATANGIN  NUAI 100 CHUANG SUM LA LUT TAWH :
Nimin khan DHO Khawzawl leh Tomato Grower's Association Tuipui tangkawp buatsaihin Comprehensive Middle School Tuipui tualzawlah ‘Tomato Kut’ hman a ni a. He hunah hian Prof F. Lalnunmawia, MLA, Vice Chairman, Horticulture Development Board chu khuallian niin, Tuipui khua mite Tomato tharchhuah chu hralh turin a vailiam a ni.  He hunah hian Dr ZR Thiamsanga MLA, Vice Chairman Health & Family Welfare Board chu khualzahawm a ni.
Khuallian Prof F. Lalnunmawia chuan  Tuipui  khua ten Tomato Kut an huaihawt hmasak ber  hmanpui tura an sawm chu vannei a in tih thu a sawi a. Mizoram in kan ei nasat tak Tomato hlawhtling taka Tuipui khuain a rah an seng thin  chu lawmawm tiin, Tomato mai bakah Tomato atanga siamt ei theih dangte siam kawngah tan lak angaih thu a sawi a. Sawrkar flagship program SEDP hmangin thei leh thlai tharte tihpuna theihtawp chhuaha intodelh tum ani tiin, State pawn atanga lakluh thlai tam takte titawp turin …

VANGPUI KUT DUNGTLANG AH HMANG

VANGPUI KUT DUNGTLANG AH HMANG:
Tourism Minister Pu Robert Romawia Royte leh MLA 3 - Pu Ramthanmawia, Prof.F.Lalnumawia leh Pu C.Lalsawivunga te chuan ni 3 chhung thangin khawchhak tlangdung Tuipuiral leh Tuichangral khaw hrang hrang te an tlawh a. November ni 5 khan Farkawn leh Sawmkheng Tiau Kai tlawhin khawtlang hruaitute nen an inkawm a. November ni 6 khan Dungtlang 7000 khaw Lungphun kum 30-na hawngin Dungtlang khua ah hian Vangpui Kut vawi 33-na an hmanpui nghal a ni.
Vangpui Kut hi Dungtlang Zokhua ah hman a ni a. Khuallian Pu Robert Romawia chuan Dungtlang khua chu Mizo khaw lian hmasa a nih avangin khawvel hmun hrnag hranga Zofa ten hlut thiam a pawimawh tih a sawi a. Khawvel  hmun hrang hranga Zofate insuih khawma inpawh tawn chu Zofa zawng zawng te lungkham a nih avangin hemi kawnga tangkai tur leh khualzin te hip nan a kori tu tak tur a nih avangin Mizoram sawrkar chuan khawvel hmun hrang hranga Zofate awm tamna hmun 10 ah Zo hnam chi peng hrang hrangte huapzo tur, ZoKutpu…

KUM 12 JAIL TANG TURIN CHUNGTHU REL

KUM 12 JAIL TANG TURIN CHUNGTHU REL :
Nimin khan Champhai Special Judge R. Vanlalena chuan Ganja Kg. 51 leh gram 6 neitu Ralkhuma Chhangte chu hrehawm taka kum 12 Jail tang tur leh Cheng Nuaikhat chawi turin hremna a tichhuak.
Kum 2018 kumtir khan Champhai Police leh Assam Rifles tangkawpte chuan Zote Lei bulah Sumo pakhat Hnahlan lam atanga Champhai pan chu report an dawn bawhzuiin an lo chang a. He Sumo hi an han enfiah chuan Sumo chunga Holdall chhungah leh Bag dang pakhat chhungah chuan Ganja tam tham tak an hai chhuak a. He ganja hi tunge a neitu tia an han zawh chuan passenger zinga pakhat Ralkhuma Chhangte, a pa Thuamkunga, Hnahlan khua chuan a ta a nih thu a sawi.
Ralkhuma Chhangte hi police te chuan manin a lakah hian ND&PS Act tlawhchhanin thubuai an ziak lut a. He
thubuai hi Champhai Special Judge in trial a kalpui chhungin prosecution thuhretu pali an exam a, Ralkhuma thiamthu sawi sak turin mi 7 court ah an inlan bawk. Thuhretute thusawi zawng zawng ziaka record te ch…

BABY LEAGUE BUATSAIH LEH TUM

BABY LEAGUE BUATSAIH LEH TUM :
CDFA leh 8 One Foundation te chuan Baby League a buatsaih leh dawn.
Nilaini-a Champhai District Football Association Meeting chuan 8 One Foundation nena tangkawpin Baby League buatsaih leh. nise tiin a rel a, November thla-chhungin Baby league hi khelh tan tura ruahman niin hma latu turte an ruat fel nghal bawk. kum 8 hnuai lam, kum 12 hnuai lam leh kum 10 hnuai lam te tan buatsaih tur riin Player zawng zawngte'n an dawng vek dawn a, inkhel tinah Man of the Match thlan thina ni dawn bawk. Hei bakah hian November ni 11, 2019 atanga tan tur CDFA Cup chungchang pawh thlirho niin CDFA Cup ah hian CDFA hnuaia inziak lut Club a duh apiang tel theih a ni dawn a, Champion team in Rs 40,000 leh trophy an dawng ang a, Pahnihna hian Rs 20,000 leh trophy an dawng bawk ang.

JUNIOR ICON SAWN HMA

JUNIOR ICON SAWN HMA :
GMM Junior Icon 2019 result puan leh
kharna, tun thla ni 12-a neih tura ruahman chu remchan zawkna avangin sawn hma a ni a, zanin dar 8-ah neih tura ruahman a hi a. He hunah hian Dr. ZR Thiamsanga, MLA chu uaptu a ni dawn a, result puan leh lawmman sem a ni ang.

KAWNG SIAMIN MIPUI NGEN

KAWNG SIAMIN MIPUI NGEN :
Tun lai hian PWD te chuan kawngpui chhe lai an thuam tha mek а, Awmpui phei bakah Tlangsam leh New Champhai inkar kawng chei that hna an thawk mek a. Sawt zawka hna thawh anih theihna turin kawng an siam mek hi lirthei tlan tlang theih loha dan thin a ni a, PWD hotute chuan hna thawk tibuai zawnga lirthei tlan lo tur leh kawngpui a tlo zawkna atana dim turin mipui an ngen a ni.

TANPUI NGAI TANPUI HLANIN BORAL

TANPUI NGAI TANPUI HLANIN BORAL :
Nimin khan Leithum Branch YMA te chuan damlo Pu Hrangthanchhuma buh chu hnatlangin an vuak sak a, vanduaithlak takin Buh vuak hlan hian damlo hi a thi.
Leithum YMA Branch te'n damlo buh
vuak sak Pu Hrangthanchhuma hi kum 72 mi niin Cancer avangin hun eng emaw chen a na tawh a. Nimin khan Leithum Branch YMA te chuan buh vuak sakin, YMA te'n buh an vuak hlan hian a thi a. Nimin khan YMA te'n a thlan laihsak nghalin vawiinah vui ani ang. Leithum YMA te hian kar kalta khan dam lohna avanga buh vaw
thei lo Pu K.Lalzara te buh hnatlangin an lo vuak sak tawh bawk a.
Leithum Branch YMA hruaitute chuan, mahni hna tul kalsanin YMA member te'n Lo hna thawh puih ngai puiin kumin hian vawi 10 dawn lai an thawk tawh niin an sawi.

KHAWZAWL DISTRICT TIH CHANGTLUN TUM

KHAWZAWL DISTRICT TIH CHANGTLUN TUM :
Nimin zing khan Deputy Chief Minister Tawnluia chuan Khawzawl district tih changtlun nana sawrkar department hrang hrang awmna tur hmunhma an endik a, C.Lalmuanpuia, MLA chuan Deputy, Chief Minister hi a tawiawm a. Rural Development Department, UD&PA Depart, Treasuries Department, I&PR Department, Health Department, Land Revenue &
Settlement Department leh PWD a hotute leh khawtlang hruaitute he hunah hian an tel a ni.
Nimin khan Sub-district hospital leh CMO office a tlawh a, Khawzawl Kawnzar Venga Sports complex dinna tur, District Treasury Office, Mualzawm field a phul lem phah dan tur te en in, DC office complex leh SP office tur hmunhma te en a ni.
MLA Local Area Development scheme hnuaia Puanthui khawl leh rangva semna hun Bazar zawl, Khawzawl Dinthar vengah hman zui a ni a. Dy CM chuan bial chhunga tanpuina mamawhte tan MLA fund chu tangkai taka hman a nih tur thu a sawi a, a
mamawhtu dik takte hnen a thlen theih nan khawtlang h…

BAWRHSAP LEH NGO

BAWRHSAP LEH NGO : Nimin khan Bawrhsap thar SL Naveen, IAS chuan Champhai District chhunga Chanchinbumi, NGO leh Village Council hruaitute Conference Hall-ah DC inhmelhriat tawnna neihpuin a kawm. SL Naveen chuan district thuneihna leh rorelna kalpui hna chu Bawrhsap kutah chauh a awm loh thu sawiin, kan zavaia thawh hona leh intawiawmnaah thui tak a innghat a, tha taka thawkho zel tur kan nih inhriain mipui vantlang rawngbawIna kawngah pheikhai rual takin kan pen ho zel tur a ni, a ti a. Mizo khawtlang nun chuan Mizote khawsak inrelbawIna kawngah kawngro thui tak a sut thu leh hmun dang pawha an neih ngai lem loh Civil Society pawimawh tak awm chu vanneihthlak a tih thu a sawi a. Champhai hmun a rawn thlenin Chanchinbumi, NGO leh VC ten khawtlang tana hmalakna leh hmathlir thui tak an neih a hriat thu sawiin, chhawm nung zel thei tura thawhho a ngai a ni, a ti a. Bawrhsap chuan Chanchinbumite leh khawtlang hruaitute chu ram leh hnam rawngbawlna kawnga Sawrkar thawhpuitu an nih inhre …

MIDDLE SCHOOL DRAMA COMPETITION

MIDDLE SCHOOL DRAMA COMPETITION : Nimin khan Block Resource Centre, Samagra Shiksha Champhai Block bultumin Champhai Block chhunga Middle School-te tan Drama Competition buatsaih a ni. M/S Drama Competition, Kahrawt Community Hall-a neihah hian thupui atan Mizoram against Drugs, Alchohol and Tobacco tih hman niin, School 11 ten intihsiakna hi an nei a. He hun hi C.Ralkapzuava, BRC Coordinator, Champai Block chuan kaihruaiin Lallianzuali, DEO & DPC School Education Dept Champhai hnen atangin thusawi ngaihthlak a ni bawk. Drama intihsiakah hian Eastern Flower Academy chu pakhatna an ni a, PES Zotlang chu Pahnihna niin Holy Mission School chu pathumna an ni. Pakhatna hian Rs 10,000 an dawng a, Pahnihna-in Rs 7000 leh Pathumna-in Rs 5000 an dawng. Best Script Writer atan Lalnunpuia, Eastern Flower Acad emy chu thlan a ni a, Best Actor atan Lalchhandama, Vengthlang M/S thlan a ni a, Best Actress ah Lalpekhlui Varte, Holy Mission School chu thlan a ni. Mimal lawmman te hian Certificate …

VANGPUI KUT

VANGPUI KUT :
Champhai Tuipui khua chuan Vangpui Kut an hmang mek.
Vangpui Kut ah hian Professor F. Lalnunmawia chuan khuallian niin a hmanpui ang a, Satinduma, Tuipui chuan Kut Pa niin a hmanpui bawk ang. Nimin khan Tuipui Branch YMA chuan anmahni puala hun hmangin intihhlimna an neih bakah mizopa infiamna chi hrang hrang hmangin intihsiakna te neiin hun an hmang a. Nizan khan Community Hall
ah hun an hmang chhunzawm leh
a, programme hlimawm tak hmang turin an inbuatsaih a ni. Vawiin hian Vangpui Kut Pui hi hmana ni ang a, khawtlangin awmni khamin he Kut hi an hmang ang a.
He hunah hian Khuallian hnen atanga thusawi ngaihthlak a nih dawn bakah Tuipui Khua in Tomato a thar te
phochhuah a ni ang a, Kut hmang tura kal te hnenah a thlawnin Tomato te hi an sem dawn a ni.

MINISTER PROGRAMME

MINISTER PROGRAMME :
Champhai South Bialtu MLA, Minister TJ Lalnuntluanga chuan, karleh Thawhtanni chhun dar 1:00-a State Games neih tura a bial chhung inbuatsaihna leh hmalak dan tur relpui turin Champhai a rawn pan dawna. Thawhlehni ah MNF Champhai South Block meeting a telpui ang a, Nilaini-ah Champhai Mster Plan Comtt thutkhawm, DC Conf. Hall-a neih tur a kaihruai ang a, chawhnu lamah Aizawl panin a kir thla leh ang.

MI 448 IN TLAWH

MI 448 IN TLAWH :
October thla chhung khan District Library tlawhtu mi 448 an awm.
District Library ah hian October thla
chhung khan member inziaklut thar 3, puitling 2 leh naupang 1 an awm
a, tun dinhmunah member puitling 1646 leh naupang 228 awmin member 1874 an awm a. October thla chhung in District Library-ah lehkhabu thleng thar a awm lo va, tunah hian lehkhabu hrang hrang 30,171 a awm mek a, tualchhung chanchinbu 5 leh magazine 4 a awm mek a ni.

DAN BAWHCHHIA TLEM

DAN BAWHCHHIA TLEM :
October thla chhung khan Traffic Police te chuan lirthei dan bawhchhia 3 an man.
Lirthei dan bawhchhia hi October thla
chhungin 4 wheeler 3 an man a, heng an man te hi rui chunga lirthei khalh vangin 2 leh Load phurh zat tur aia tam phurh vangin 1 an man a, 2 wheeler leh 3 wheeler man an nei lo a ni. Traffic Police te chuan hetianga lirthei dan bawhchhia an man tlem hi an la tawn loh thu sawiin hmasawnna ropui tak a nih thu leh lirthei neitu leh khalhtu te'n dan ngaipawimawh a, dan zawm thar zel turin an ngen a ni.

STATE GAMES NEI TURIN INBUATSAIH

STATE GAMES NEI TURIN INBUATSAIH :
Mizoram State Games, 2019 lo awm tura 23-Champhai North A/C tana hma la tura din, 23-Champhai North Assembly Constituency Level Committee chu nimin chawhnu khan an Chairman Dr ZR Thiamsanga, Vice Chairman, Health & Family Welfare Board, bialtu MLA ni bawk hovin Circuit House Conference Hall-ah an thukhawm.
Dr ZR Thiamsanga chuan Champhai North bial chu infiamna huanga theihna sang tak nei leh beiseiawm tak bial a nih thu a sawi a. Mizoram State Games, 2019 inpuahchahna kawnga hruaitute hmalakna fakin, an hmalakna reng rengte chu district leh constituency hmel lanna tur a nih angin mipui te chu an theihna zawnah thlawp tlat turin a chah a Mizoram pum huap infiamna huanga inelna lian ber tura duan State Games a chet that chu Constituency hming chherna mai bakah nakin zela hmalak awlsam zawkna siamtu ani thei a ni, ati bawk. Committee chuan infiamna discipline hrang hrang 32 zinga medal la ngei thei tura beiseiawmte bial chhung khua leh veng hrang h…

RUANGCHAICHEH HMANGIN MISUAL MAN:

RUANGCHAICHEH HMANGIN MISUAL MAN: 
Tun hnaia Social Media lama mi bum hmang nia sawi Biakhmingthanga s/o
Biakmuana, N.Vanlaiphai chu nizan hmasa khan Khawbung dai, Swimming Pool kawn-ah Khawbung JAC te'n ruangchaicheh thlakin an man Biakhmingthanga hi Chawlhni khan Vaphai khuaah rawngbawlna neih tul anga insawiin Vaphai kohhran a bel a. Social media lam atangin achanchin an hre ru tih a hriat veleh a ruka Vaphai chhuahsanin Vaphai JAC te'n an zawng nghal a, niminpiah nilengin Samthang leh Vaphaite hian an zawng a. Tuipuiral Group YMA whatsapp-ah a chanchin inhrilh darhin khaw hrang hrang Branch YMA te beng chhi turin an inngen a.
Niminpiah tlaiah Dungtlang atangin Khawbung lam a pan nia thu dawn chu
Dungtlang Police ten um zuiin an hmuh mai loh avangin Khawbung Branch YMA leh VC te phungbawma
sawmin nizan hmasa dar 9:30 vel khan Khawbung khaw tawntirh, Swimming Pool bulah mana ni a. Nizan hmasa vek khan Dungtlang Police kutah hlan niin, Champhai Police Station lamah thu zawhfi…

TOMATO KUT

TOMATO KUT :
DHO Khawzawl leh Tomato Growers' Society, Tuipui tangkawp buatsaihin
naktuk chawhma dar 11:30 ah Comprehensive Middle School, Tuipui-ah Tomato Kut hman a ni dawn a. Horticulture Development Board vice chairman Prof. F. Lalnunmawia chu khuallian niin, Dr. Elizabeth Saipari, Director, Horticulture, Mizoram chu khual zahawm a ni ang.

BUH SENG TAN

BUH SENG TAN :
Tunlai hian Champhai zawla leilet neitute chuan buh seng runpui an nei chho mek a, hei vang hian tunlai hi chuan hna dang thawk tura hlawhfa rawih tur pawh hmuh tur a vang rih hle a.
Thenkhat erawh chuan buh an seng zo tan tawhin pawl a tla fel der tawh thung.

BIAK IN THAR HAWNG DAWN

BIAK IN THAR HAWNG DAWN :
Champhai Hospital Veng Presbyterian Kohhran chuan naktuk atang hian Biak In hawnna hun leh kum 25 an tlin lawmna hun an hmang dawn.
Tunkar Nilai zan hian Silver Jubilee lawmna hun hi hman tan a ni dawn a, Upa Dr. ZR Thiamsanga chuan Jubilee hi a hawng ang a, a hnen atangin thusawi ngaihthlakani bawk ang. Zan inkhawm banah Jubilee Meidet chhunzawm tur niin, monument hawn nghal a ni ang a Lalbiakthanga Sailo chuan Jubilee mei det in, VL Zidinga chuan Monument a hawng thung ang.
Ningani-ah KTP pualin hun hman
chhunzawm a ni ang a, zanah Jubilee lawmna inkhawm neih, chhunzawm a ni ang. Silver Jubilee lawmna pual. hian Inrinni zing dar 10 ah Jubilee dar vuak a ni ang a, Biak In thar hawnna hun hman zui a ni ang. Biak In thar hi Rev. R. Lalhmingthanga, Synod Moderator chuan a hawng ang a, Biak In sa tura an kalkawng te ngaihthlak a ni ang a, chawhnu lamah Biak In thar hawnna leh Jubilee lawmna ruai an theh nghal dawn a. Biak In hawn leh Jubilee lawmna hi Pathianni …

THLALAK INTIHSIAKNA LAWMMAN SEM

THLALAK INTIHSIAKNA LAWMMAN SEM :
Champhai Nature Conservancy leh Champhai District Photographers' Society in Landscape leh Street photography competition a buatsaih chu result puan a ni.
Thla in lak nalhsiak hi Category 4 ah then niin, Mobile Street Photography ah Moonshine chu pakhatna niin Raymond chu pahnihna a ni a, Mali Renthlei chu pathumna a ni. Mobile Landcape Photography-ah Robert Hmar chu pakhatna a ni a, Rempuia Pachuau chu pahnihna niin Moonshine chu pathumna a ni. DSLR Street Photography ah Joel Lalruatfela chu pakhatna niin, VL Nghaka Renthlei chu
pahnihna a ni a, TPa Jahau chu pathumna a ni a. DSLR. Landscape-ah Jay Eichh Jr. chu pakhatna niin, John Hruaia chu pahnihna a ni a, VL Nghaka Renthlei chu pathumna a ni. Pakhatna hian Rs. 5000 an dawng a, Pahnihnain Rs. 3000 dawngin Pathumna hian Rs 2000 an dawng bawk.

MLA RAWN KAL

MLA RAWN KAL :
Vawiin chhun dar 12:00-a Champhai
North Constituency level committee, Circuit House-a neih tur kaihruai turin H&FW Board vice chairman Dr ZR Thiamsanga chu vawiin hian Champhai-ah a rawn chho dawn a.
Zanin Champhai-ah riakin naktuka Khawzawl District thar lawmna hun a hman hnuah Champhai-a riak turin a
rawn kir leh ang Ningani-a Champhai
Hospital Veng Kohhran Silver Jubilee lawmna a hmanpui ang a, hemi hnu hian District Hospital a tlawh leh ang.

MIBO

MIBO :
Lalnuntluanga, kum 34, Pi Lalsawmi tupa Kawlkulh Saihum Veng chu kar kalta Zirtawpni zing lam dar 8:00 vela a chhuak chu hemi ni vek tlai lam khan Tuichang, Khawzawl Tui Pump-na bulah hmuh a ni a. Hemi hnu hian a chin hriat zui a ni ta lo va. A lo hmu leh a awmna chin hria chuan C.Hualhnuna, Kawlkulh emaw, Kawlkulh Group YMA President Laldinpuia hnenah hriattir turin an ngen a ni. Amah hi rilru lama chiang lo, feet 5 leh a chanve vela sang, sa tha lam, a dar thlenga sam zuah a ni.

LAWMMAN SEM

LAWMMAN SEM :
Khawbung Branch YMA executive committee chuan Branch YMA atanga sangha fuan humhalha veng tur an inruat bakah, mimal veivakten nghafuan an tawn fuh a, him taka a fuan theih nana venghim leh thlalak neite hnena lawmman pawisa fai pek ni se, tia a lo rel tawh angin, niminpiah chawhnu inkhawm ban khan lawmthu sawina hun leh lawmman hlanna hun an hmang.

TOP 3 RESULT HRIAT TA

TOP 3 RESULT HRIAT TA :
GMM Junior Icon 2019 thlanna neih mekah nizan khan Top 5 atangin top 3-a tlingte result puan a ni a. Top 3-ah hian Lalkrawsmawia, Sazep; Lalhruaitluangi, Jail Veng leh Lalngaihzuali, Electric Veng te an inhlang kai a. Tunkar Zirtawp zan dar 7:00 atangin Top 3 intihsiak hi neih tan leh a ni ang a, hla pahnih hmangin intihsiak leh a ni ang.

SANGHA FUAN VENGHIM LAWMMAN HLAN

SANGHA FUAN VENGHIM LAWMMAN HLAN :
Tuipui Tlawhchhan Joint YMA buatsaihin Tuipui lui kam, Khawbung PHED Pump House kiangah kum 2019 chhunga Tuipui Tlawhchhan Joint YMA sangha fuan ven kharna hun chu Inrinni khan buatsaih a ni a, Fisheries Department Minister K. Lalrinliana'n khuallian niin he hun hi a hmanpui.
Fisheries Départment Minister K.Lalrinliana chuan sawrkarin lui dung
nungcha humhalh tura ngaihtuahna a sen nasat thu sawiin, dan thar "The Mizoram Fisheries Conservation Rewards Scheme, 2019" pawh reilote ah hman theih beisei a ni, a ti. He dan hnúaiah hian dan phal loha luidung nungcha suat thin te hremna, luidung nungcha humhalh tura thawk nasa te /tanpuina pek dan tur te ruahman a ni
a. Mimal leh pawl anga luidung kilometre 1 aia thui humhalhte hnenah lawmman tha tak siam a nih thu te, thuneitute hnena dan bawhchhetute hriattirtu te lawmman tur te, phalna nei te chauhin fee chawi a, dan hnuaia luidung nungcha an man theihna tur te leh thil pawimawh dang tam tak…

TOP 5 ZAN 2 NA INTIHSIAK ZO TA

TOP 5 ZAN 2 NA INTIHSIAK ZO TA :
GMM Junior Icon thlan mekah Inrinni zan khan Top 5 intihsiak zan 2-na neih a ni.
Top 5 intihsiak zan 2 naah hian hla pakhat theuh hmangin intihsiak leh a Malsawmsangzela Sazep, Lalngaihzuali Electric Veng, Lalhruaitluangi Jail Veng,
Hmingthansangi Khuangleng leh
Lalkrawsmawia Sazep te chuan intihsiakna hi an nei a ni. Zanin hian Top 5 intihsiakna result puan a ni ang a, mi 2 an tla leh dawn a ni. Top 3 a tling te chuan hla pahnih bawk hmangin intihsiakna an nei leh dawn a. Nithum hla zira hun an hman hnuah ni 8, Zirtawp zan dar 7 ah Top 3 intihsiak neih leh a ni ang hemi zan hian hla pahnih hmangin intihsiakna an nei dawn a ni.
November ni 11 ah Grand Finale atan inbuatsaihna neih a ni ang a. Ni 12, Thawhlehni ah Grad Finale neih a ni ang a, GMM Junior Icon result puan a ni ang a, Icon a lo tel tawhte an zai dawn bakah sawmbik te zai ngaihthlak a ni bawk ang a. GMM Junior Icon thlanna chu a zo fel tawh dawn a ni.

KHAWZAWL DISTRICT THAR LAWM DAWN

KHAWZAWL DISTRICT THAR LAWM DAWN :
Khawzawl District lawmna November Ni 6, 2019-a neih tur atan Khawzawl District Celebration Committee chu a buatsaihna mek Khawzawl District lawmnaah hian Chief Minister Zoramthanga chuan khuallian niin a hmanpui ang a, Deputy Chief Minister, bialtu MLA ni bawk Tawnluia chu khual zaawm a ni ang. Anni bakah hian Minister leh MLA te, sorkar
mi pawimawh tak takte sawm an nih angin eng emaw zatin district thar lawmna hi an hmanpui dawn ani.
District lawmna hun hi Khawzawl playground No 1, Zuchhip vengah November Ni 6, 2019 chawhma dar 11:30-ah neih a ni ang å. K.Lalzika, Khawzawl District Celebration Committee Chairman chuan kaihruaiin, Khawzawl District Bawrhsap H.Lianzela MCS-in inlawmna thu a sawi dawn a. Lalzuiliana Ralte, Secretary, Khawzawl District Celebration Committe-in report a pe ang. Chief Minister, Deputy ChiefMinister, Chief Secretary ten thu an sawi dawn a. Tlai lam dar 3:00-ah veng hrang hrangah district thar lawmna ruai kilho a nih dawn b…

CASE 15 ZIAK LUT

CASE 15 ZIAK LUT :
October thla khan Champhai Police Station ah Case 15 ziahluh a ni. October thla khan Champhai Police Station ah Case 15 ziahluh a ni. Champhai Police Station ah October thla chhung khan Case hrang hrang 6 ziahluh a ni a; ND&PS Act hnuaia case 3 ziahluh a ni a, POCSO Act hnuaiah Case 2 ziahluhniin Rukru case 6 ziah luh ani a, kut inthlak case 2 ziah a ni a, MLPA hnuaiah Case 1 leh District Bawrhsap thupek bawhchhia man a ni bawk.

OPD HAWNG DAWN

OPD HAWNG DAWN :
Vawiin atang hian Med Aim Hospital chuan, New Champhai-a an Damdawi in tharah OPD an hawng tawh dawn a, CR Xray an neih thar pawh darkar 24 in hman theih a ni ta. Vawiin OPD hawn atang chuan damlo harsatna nei tan pan theih an ni tawh ang.

POLICE LEHKHA KHER NGAI TAWHLO

POLICE LEHKHA KHER NGAI TAWHLO :
Nimin khan Champhai District chhunga Birth & Death Registrar-te pualin Birth & Death Registration siam dan chungchangah Training buatsaih a ni.
Pu Saidingliana Sailo, District Research Officer, Champhai  chuan Birth & Death Registrar-te chu ram rawngbawltu pawimawh tak an nih thu leh thlemna tawh chang pawha rinawm taka thawk turin a chah a. Hamthatna tam zawk duh vanga kum ziah naupan chu thil thalo tak midangte thlenga nghawng thei a ni, a ti a. DRO Office  District Office fai bera thlan an nih theihna kawnga thawktute inpekna a fak bawk.
Zirtirna petu Pi C. Lalthanmawii, Research Officer, Directorate of Economics & Statistics, Aizawl chuan Registrar of Birth and Dead (RBD) te thawhrimna avangin kum  2018 ah Birth & Death Register chu za a za anih thu sawiin,  Birth Certificate siamin  address ziah uluk a ngaih thu leh an pianna hmun thlenga ziahdanah an fimkhur a tul thu a sawi a, dik lova ziah a awm thin avanga harsatna an lo ta…

SPC IN KHAWTLANG SIAMTHA TURIN THEIHTAWP CHHUAH

SPC IN KHAWTLANG SIAMTHA TURIN THEIHTAWP CHHUAH :
Nimin chawhnu  khan Champhai District Level Steering Committee on Student Police Cadet (SPC)  chu  Pu Alexander V. Chongthu, DC Champhai hovin an thukhawm.
Pu Alexander V. Chongthu chuan   Student Police Cadet pawimawhna te tarlangin, SPC chuan   naupangte puitlinna turah kawngro nasa takin a su thei dawn a ni, a ti a. SPC chuan khua leh tui tha,   khawtlang, ram leh hnam tana chhawrnahawm siamna kawngah zirtirna zau takin a kalpui theih dawn thu a sawi bawk.
He meeting-ah hian Pu Francis Lalnuntluanga Ralte, Nodal Officer, SPC & Addl SP Champhai chuan report pe in SPC chu state dangah chuan chak takin an kalpui tawh a, Mizoramah pawh district tin ah din ni tawhin , hmalak mek zel a ni a ti a. Tun dinhmunah Champhai District bikah SPC hi Govt GM High School-ah din  tawh a ni a, School dang pathum - Cornerstone School, New Champhai;  Springdale Academy, Zotlang  leh Govt. Vengthlang Middle School-ah te din tum niin, sawrkarah phalna…

STATE GAMES NEI TURIN SOUTH LAM INBUATSAIHNA KALPUI ZEL

STATE GAMES NEI TURIN SOUTH LAM INBUATSAIHNA KALPUI ZEL :
Nimin khan Mizoram State Games neih tura Champhai South A/C Organising Committee chu an thukhawm.
He thutkhawm, Circuit House-a neih hi Mizoram state Games 2019, Champhai South ATC Organising Committee OB Working Chairman Zoremthara Ralte, SDO (Sadar) chuan kaihruain Committee member-a ruat te chuan Champhai South A/C tana mahni zawn theuha theihtawp chhuah theuh turin a chah a. F. Malsawmtluanga hnen atangin report ngaihthlak a ni bawk. Mizoram State
Games 2019, December ni 9 atanga neih turah Discipline 32 in elna tura chhawp chhuah zingah Discipline 31-ah te tel tura inbuatsaih nise tih a ni a. Discipline hrang hrangah mawhphurtu tur bik insiamin November ni 10 ral hmain secretary-te hnenah report theh lut leh tura tih niin, Chairman TJ Lalnuntluanga, Bialtu MLA hovin thlir ho leh ni se, an ti bawk.

PISA TIH FAI ZUI ZEL TUM

PISA TIH FAI ZUI ZEL TUM :
Nimin khan Champhai District Court te chuan Sawrkar Pisa fai inelnaa lawmman pahnihna an lak lawmna hun an hmang.
He hun hi R.Lalnunpuia, District Court Staff Welfare President chuan kaihhruaiin, R. Vanlalena, Addl District & Session Judge chuan kumin chhung District Court chhungkua atangin chhiat vawi 4 lai an tawh thu a sawi a, lungngaihna tawk mah ila Pathian kaihhruaiin hlimna ni kan tawng leh thei a ni, a ti. Sawrkar Pisa fai inelnaa pahnihna an lak theih chhan tarlangin a hunlaia District Court Staff te tanna leh an thahnem ngaihna chu fakawm a tih thu a sawi a, Office dang ang lo takin District Court chu mi chi hrang hrang punkhawmna a ni a, felfai tak tak an awm laiin tawphnawk ve tak takte awmkhawmna hmun a nih avangin an tan chuan fai a harsat thu a sawi a.
Chutichunga lawmman pahnihna la thei khawpa Staff te tanrualna chu fakawm a tih thu a sawi a, tha thlah lova faina kawngah pawh hma la zel turin a sawm a. Chanem Building a an insawn hunah p…

BANK HMANGA INBUMNA LAKAH FIMKHUR TURIN MIPUI DUH

BANK HMANGA INBUMNA LAKAH FIMKHUR TURIN MIPUI DUH :
Bank account inbumna chungchangah Mizoram police chuan thuchhuàh an siam.
An thuchhuahah chuan tunlai hian Bank Account hmanga inbumna a tam hle a. Bank Customer ten link, phone call, SMS emaw, WhatsApp Message hmangin Bank Account-a pianni dik lo siam tha turin leh Bank Account update tura hriattirna dawng thin a. Bank Account hmanga mi bum chingte hian Customer te ATM number, PIN
leh OTP te an zawt bawk thin.
Hetianga Bank Account update tura tihna hi Bank Account hmanga mi bum chingte tih a ni thin a. Bank Customer te thawhchhuah sa sum ruksakna hmanrua a ni fo thin.
Mizoram Police chuan mimal bank account chungchang zawhna; link, pop-up, email, SMS leh phone call te chhang lo turin leh mobile number, password, ATM number te, phone, email leh SMS hmanga mi bum
chingte hrilh loh turin a ngen a. Bank-te hianhetiang information hi an zawt ngai lo, tih an thuchhuahah chuan an tarlang.

VANGPUI KUT HMANG

VANGPUI KUT HMANG :
New Champhaia NGO hrang hrangte huaihawt Vangpui Kut 2019 chu Ningani chhun atang khan human tan a ni a.
Ningani khan Chawngkhuma, New Champhai khaw sattu leh awm hmasa ber chuan kut pa niin a hmanpui a. Mizo infiamna chi hrang hrang bakah Silai inkahsiak, intlansiak, Volleyball leh Football hmangten an intihlim a. Nizan hmasa khan New Champhai Commuity Hall-ah Kut hi hman niin Kut thupui 'Tanrual hi Chakna' tih chu mi pathum hnen atangin ngaihthlak a nih bakah special item hmuhnawm tak tak thlirho a ni. Nimin khan New Champhai field-ah T.Lalhriatpuia kaihhruaiin, hun hman chhunzawm a ni a Spencer Valalchhuanga, DCSO, Champhaiin kuallian niin a hmanpui a.
Mizo hnam lam leh infiamna dang hmangin inelna neih a ni a, tlaiah khawtlang pum huapin ruai theh a ni a, kut hi a tiak zui a ni.

FIMKHUR TURIN CHAH

FIMKHUR TURIN CHAH :
Champhai Police PRO leh Addl SP Francis Lalnuntluanga Ralte chuan thuchhuah siamin, tunlai hian hian PRRS natna a leng nasa a, Vawk hri tha lo ei a hlauhawm avangin mipui fimkhur hle tura an chah tih a sawi a. Vawksa hriatchian loh lei lo ngam
turin mipui an chah tih a tarlang bawk.

RUIHHLO VANGIN KUM 7 JAIL TANG DAWN

RUIHHLO VANGIN KUM 7 JAIL TANG DAWN :
Ruihhlo, Heroin hawng 5 nena man Lalthawmmawia, Baktawng khua chu
hrehawm taka kum 7 chhung jail tang tur leh Cheng Sing 1 chawi turin Champhai Special Judge, R. Vanlalena chuan hremna a pe a. Pawisa chawi tur hi a pe thei lo a nih chuan thla 5 dang a tan belh ang.
Lalthawmmawia hnen atang hian kumin July ni 14 khan Champhai Police-te'n Khankawn Police Check Post-ah Heroin gram 70 an man a, lirtheia a chuanpui mi pahnih pawh manin thubuai an ziak lut a. An thubuai hi Court chuan rang taka rel
nghalin hremna hi niminpiah khan a puang a. Lalthawmmawia ruala man mi pahnihte erawhchu an inhnamhnawihna chiang tak hmuh a nih loh avangin Court chuan a chhuah zalena. Ruihhlo an manna lirthei neitu hi Cheng Sing 5 chawiturin Court chuan a ti a, hei hi a chawi duh lo a
nih chuan thla 5 chhung jail tang turin a ti bawk.
Hetihlai hian tunkar Thawhtanni-a Champhai Mualzena an Heroin an mansak Lalthasangi kum 38, Sawleng Hmuntha veng nia inchhal leh Jenny L…

PRIMARY ZIRTIRTUTE INHMUKHAWM

PRIMARY ZIRTIRTUTE INHMUKHAWM :
Nimin khan Mizoram Primary Teachers' Association Councillor Meeting vawi 36 na chu Champhai Parish Hall, Chhura Hmunah neih a ni.
He Meeting hi C.Biaknghinglova, President MPTA Gen. Hqrs chuan kaihhruain, school naupang 150 awm tlin lohna school ah chuan Headmaster awm theih loh tih chungchangah Mizorama school tam tak chu school naupang 150 nei tling lo an nihavangin ngaihtuah tha tura sawrkar an biak thu leh Chief Minister Zoramthanga pawh an bia tih a tarlang a. C.Biaknghinglova chuan State Award for Teacher 2019 dawngtu Rochami, Headmaster Rev. Thianga P/S Bethlehem Vengthleng hnenah chawimawina a hlan hunah hian R.Pensionthanga, Vice President, MPTA Gen. Hqrs ni. He kaihhruaiin member boralte sunna hun hman niin, MPTA member mi 15 te sun an ni 2018-09 chhungin zirtirtu pension 126 an awm a ni.
Hriat theih chinah an pawl Dan bu a Financial Rule siam that an rel a, Primary School a Electric Bill hi Tui bill anga a free theihna atan hmalak ni rawh…

STATE GAMES NEIH TURAH SOUTH LAM INBUATSAIH

STATE GAMES NEIH TURAH SOUTH LAM INBUATSAIH :
Nimin khan Mizoram State Games neih tura Champhai south A/C Organising Committee OB te chu an thukhawm.
He thutkhawm, Circuit House-a neih hi Mizoram state Games 2019, Champhai south A/C Organising Committee OB Working Chairman Zoremthara Ralte, SDO (Sadar) chuan kaihruaiin, Organising OB atana ruatsa Vice Chairman T.Thanga leh C.Lallianpuia; Secretary, F.Malsawmtluanga; Asst Secretary Jacob Lalnunhlima; Treasurer IC Hranglura te bakah an thawhpui tur OB ruat belhin Adviser atan Rex Zarzoliana Vanchhawng, SP Champhai leh R.Thangseia te ruat belh an ni a. Vice Chairman-ah Lalhlupuia leh Lucas Thangmangliana te ruat belhin Asst Secretary-ah HC Lalhmachhuana leh Fin. Secretary-ah C.Lalrochhara te an ruat bakah Committee member atan mi 25 an ruatbelh bawk a. Vawiin Chhun Dar 12:00 hian Organising Committee hi Circuit House-ah an thukhawm dawn a, OB te chuan Committee member-a ruat zawng zawngte kal vek turin an ngen a ni.

RAMDANG VAWK NIA HRIAT MAN

RAMDANG VAWK NIA HRIAT MAN :
Champhai DC thupek kengkawhin Dungtlang Police te chuan khawchhak atanga rawn phurh luh ni ngeia hriat vawk talh rual pa 6 nizan hmasa khan an man. An vawk man te hian PRRS an vei leh vei loh enfiah turin nimin khan District Vety Office-ah thawn a ni a,
Vawk neitu mi pahnih Lalmuanawmi, kum 43, Serchhip Bazar veng leh Lalpianmawii, kum 41, Serchhip Chanmari veng nia insawi te chu nimin khan Chief Judicial Magistrate thupekin District Jail-ah dah luh an ni.

BEIHRUAL KHARNA NEI

BEIHRUAL KHARNA NEI :  Champhai-a Catholic Kohhran chuan Khawvel hmun hrang hranga an kohhran mite ang bawkin nizan khan Beihrual an neih mek chu an zo fel a. Beihrual kharna ni pah fawmin Mari chawimawina hun hmangin Bati chhi-in kawng an zawh.
Vawiin hian an kohhran chuan Mithianghlim zawng zawngte puala hun hmangin, All Saints Day an hmang
ang a. Naktuk hian mitthi zawng zawng te pualin, All Souls Day an hmang leh dawn a, Thlanmualah te kalin Puithiamten thlan malsawmna hun an hmang dawn bawk a ni.

JUNIOR ICON TOP 5

JUNIOR ICON TOP 5 :
GMM Junior Icon thlan mek chu nizan khan Top 5 intihsiak zankhatna neih tan a ni.
Thawhlehni  zan khan Top 7 intihsiakna result puan a ni a, Top 7 atangin mi pahnih - Sammy Lalawmpuia, Vengthlang leh Lalruatfeli New Hruaikawn te Top 5 ah an  inhlangkai zo ve ta lo a ni, hemi zan vek hian Holy Bible hlan an ni. Top 5 ah hian Malsawmsangzela, Sazep, Lalngaihzuali, Electric Veng; Lalhruaitluangi Jail Veng, Hmingthansangi, Khuangleng; Lalkrawsmawia, Sazep te an tling a. Nizan khan hla pakhat hmangin Top 5 intihsiak zan khatna neih a ni a, zanin hian chhunzawm leh ani ang. Junior Icon hi CCN chuan Cable TV leh Champhai Cable Network Official Youtube Channel ah te Live in a pechhuak a ni.