Skip to main content

Posts

Showing posts from May, 2019

INTHLAN DAWNA A TIAM ANGIN HMA LA TAN

INTHLAN DAWNA A TIAM ANGIN HMA LA TAN : Champhai North Bialtu MLA, Health & Family  WelfareBoard vice chairman Dr. ZR Thiamsanga chuan, MLA inthlanndawna ka lo tiam tawh ang ngeiin Champhai District Hospital tichangtlung turin theihtawp chhuaha hmalak a ni, a ti. Nimin khan Champhai North Bialtu MLA hian Champhai District Hospital tlawhin, hmalakna hrang hrangte a enfiah rualin mamawh hrang hrangte a hnenah hian lo thlen a ni a. Nimin tlai lam khan District Medical Superintendent Office ah Press Meet anei zui a. He hunah hian MLA chuan he thu hi a sawi a. Champhai  DistrictH hi Champhai darthlalang pawimawh berte zinga mi a nih avangin  atichhangtlun kawngah theihtawp chhuah mek zel a ni, a ti a. Tunah hian ICU leh Dialysis Centre dah tura chak taka hmalak mek a ni tih a sawi a. Khawl leh hmanraw mamawh hrang hrangte pawh a lo thleng tawh chin chu bun chhoh mek zel a ni a. Vawiin leh naktuk lamah pawh rawn thlen belhin, a dahna hmun turah bun fel zel a ni ang, a ti. ICU hi chu Tra…

Champhai Tualchhung Chanchinthar

CHAMPHAI ṬHALAI PAWL CHAMPHAI MIPUI TAN:Champhai leh Khawzawl inkar kawng chhe lutuk chungchangah Mizoram Sawrkarin sum awmlo chungin mipuite harsatna hriain kawng chhe zual an siam mek a min siam sak hi lawmawm an ti takzet a. Fur hmaa kawng pangngai tak neih tuma hmalak mek a nih lai hian hmun thenkhatah Contractor te inthlahdah avangin duhthusam loh lai a awm hi pawi an ti takzet a.
Champhai Ṭhalai Pawl te chuan an siam ang chhun chhun uluk leh tha taka thawk turin hemi changtu Dept. PWD National Highway Division hnenah ziakin an thlen. Dept. lam pawhin a chhe zual lai hi siam that tir nghal a ni.
Tunah hian Champhai to Khawzawl kawng siam thatna (Full Resurface) tur sum hi Central Sawrkar atangin hmuh a ni tawh a, tendar chhuah mek a ni.

SAMETI TEN CHAMPHAIAH HUN HMANG :
Nimin khan SAMETI, Mizoram Aizawl in Resource Institute atan thlan an nih angin, Mission Organic Mizoram hnuaia FPO te tan capacity building workshop, I&PR Conference Hall Champhai ah buatsaih a ni.
He programme h…

Champhai Tualchhung Chanchinthar

LONEITUTE HLAWK ZAWKA THLAI ENKAWL DAN ZIRTIR : Nimin khan ni hnih awh tur loneitute hnena an thlai chin te enkawl dan leh a kalphung inzirtirna hun chu I&PR Auditorium, CHANEM-ah neih a ni a, DAO George Lalthanngura chuan a hawng. Champhai DAO George Lalthanngura chuan thusawiin, Training hi koha nih avanga kal ve ngawt emaw, DA a awm dawn avanga kal ve sa tliah ni mai lo va, training a nih angà thiam thar pakhat tal nei turin training hlu tak an neih thin chtu rilru pe chunga hun hman tum turin a sawm a. An zir ho tur chu tunlai-a loneitu tam zawkte buaina tawh mek a nih avangin uluk taka ngaithla a, a la tawng ve lo te leh a tawng tawhte pawhin engtia tih zel tur nge a nih tih te an hriat theihna tur a nih avangin uluk taka thusawi ngaithla turin a sawm a. Thlai hrisel tha nei tura an tih tur pawimawh tak tak te an ngaihthlak tur a nih thu sawiin, ni hnih awh tur Loneitute tana zir hona hun buatsaih hi a hawng a ni. He hun hi Lalthasangi, Course Co-Ordinator chuan kaihhruaiin…

Champhai Tualchhung Chanchinthar

DIPRO IN ACCREDITED JOURNALIST CARD HLAN :Nimin chawhnu khan Champhai District atanga Mizoram Accredited Journalist atana thlan thar mi 13-te hnenah Champhai District Information & Public Relations Officer (DIPRO) Dr Lallawmkima chuan Press Accreditation Card a hlan.
Accreditation Card inhlanna hun hi DIPRO Office Chamber-ah neih niin Dr Lallawmkima chuan Chamiphai District chhunga Chanchinbumi 13 te Mizoram Accredited Journalist atana State Sawrkarin a rawn thlang chu lawmawm a tih thu leh, Accredited Journalist tharte chu thinlung taka a lawmpui thu a sawi a. Press Accreditation chu Sawrkarin Chanchinbumite a hriatpuina leh nemnghehna pawimawh tak a ni, a ti a. Sawrkarin Journalist-te tan hamthatna hrang hrang a siam sak thin thu sawiin, sawrkar policy leh hmalakna hrang hrangte mipui zirtir kawnga Chanchinbumite hnathawh chu fakin, tunhnaia Vaimim hmun suasama.
Loneitute tibuai em emtu Fall Armyworm (FAW) pangang puang dona kawnga Sawrkar an tawiawmna te chu fakawm a tih thu a s…

Champhai Tualchhung Chanchinthar

ADDL. CEO HOVIN VOTE CHHIAR TURA INBUATSAIHNA ENFIAH :Nimin khan  Additional Chief Electoral Officer Pu Krishna Mohan Uppu IAS   chuan  Champhai a rawn tlawh a, May Ni 23, 2019 a Lok Sabha inthlanpui vote tla  chhiarna tura inpuahchahna kalpui mek a rawn enfiah a ni.
Champhai District Election Officer Dr Naveen Aggarwal, IAS chuan inpuahchahna hrang hrangte NICConference Hall-ah powerpoint presentation hmangin   a sawi fiah a. Counting Center puahchah leh peihfel dante, Vote chhiar tur ruatna leh training pek tawh dante leh inbiakpawhna tur atana ruahmanna siamte a hrilhfiah a. CEO team ten Vote chhiar huna round tin report pekna tura duan Suvidha Counting Application hrilhfiahna an nei bawk a ni. Chawhnu lamah CEO Team-te hian EVM Strong Room leh  Vote chhiarna tura ruat Counting Hall pangate  an tlawh kuala, heng  an tlawh kualna hmunahte hian District Election Officer Dr Naveen Aggarwal, Champhai SP Pu Lalthiamsanga Sailo leh  District Election Official-ten an tawiawm a, ruahmanna …

Champhai Tualchhung Chanchinthar

CHAMPHAI NULA CHHUANAWM VANLALREMI :Mizoram Board of School Education chuan nimin khan Higher Secondary School Leaving Certificate Examination result a tichhuak a, Commerce Subject-ah K.Vanlalremi, Champhai chu Top 10-ah a lang.
Arts Subject-ah Champhai atang hian Govt GM Higher Secondary School chuan candidate 161 neiin, 122 an pass a, mi 6 chu distinction-ah pass a ni. Einstein Higher Secondary School chuah candidate 99 neiin 77 an pass á, an zinga mi 3 chu distinction-ah an pass bawk. Chámphai Higher Secondary School candidate 17 zinga 14 an pass a. Zokhawthar Higher Secondary School-ah exam mi 15 atangin 13 an pass bawk.
Govt Khawzawl HSS chuan candidate 61 neiin, 59 an pass a, GovtNgopa HSS atangin mi 19 an exam a, 12 an pass bawk. Govt TM HSS, Farkawn atangin candidate 16 zingah mi 13 an pass a; Govt Eastern HSS, Biate atangin mi 20 exam zingah 16 an pass a ni. Sialhawk HSS candidate 14 zinga 11 an pass a, Govt Khawbung HSS candidate 23 zingah fail an awm lo a ni. Govt Hnahlan HSS…

Champhai Tualchhung Chanchinthar

KUTHNATHAWK TUTE TIBUAITU :Nimin khan Champhai Distriet Agriculture Officer George Lalthanngura leh MJA Champhai District member-te chuan tunhnaia thlai eichhetu pangang chi khat, Fall Army Worm (FAW) in Leisenzo leh Sesih khaw thlawhhma-a thlai a tihchhiat dan an enfiah a, pangang suat hnatlang an thawk zui nghal.
Nimin fehchhuahnaah hian Leisenzo Chhungkaw 150 chuangin thlawhhmaa an neih imekna hmun "Khuaitlang Zau" a Vaimim leh thlai dang Pangangin a ei chhiat mekte an tlawh a. Loneitute hnenah Champhai District Agriculture Dept a mithiamte chuan thlawhhma a pangang puang mek suat dan leh a pung zel tur danna kawnga hmalak dan tur zirtirna uluk taka an pek hnuah pangang thahna hlo an sem nghal a. Heng hlo hmang hian Khuaitlang zau-a loneitute hian pangang suat hnatlang an thawk zui nghal bawk.
Nimina District Agriculture Department Staff te leh MJA ten thlawhhma an fankual atang hian thlai chi thlak hmasak leh thangduang ber Vaimim chu pangang hian bawm hmasak berah neiin,…

Champhai Tualchhung Chanchinthar

PANGNGANG TIHCHHIAT THLAI ENFIAH DAWN : DAO Champhai leh a thawhpuiten Leisenzo leh Sesih khua ten vaimim an chinna hmun pangang puangin a beih mek, vawiina enfiah leh a tul anga damdawi pe a, loneitute hnena pangang puang beih leh dolet dan tur zirtirna an pek tur chu tawiawm leh, ahmuna pangang puangin loneitute thlai atihchhiat dan enpui turin MJA Champhai District member-te chuan tukin hian Sesih lam an pan dawn a. Khuaitlang zau rama Leisenzo khua vaimim chinghi chhungkaw 167 leh Sesih atangin chhungkaw 109 an awm niin thu dawn a ni.
TUAL UPA THLANG : Presbyterian Kohhran thenkhat Tual Upa thlan dilte chuan May ni 4 khan Tual Upa an thlang a, hriat theih chinah Venglai Kohhran chuan F. Vanlalnghaka, TBC Rokunga, C.Hrangkunga, F. Lalrinawma leh Lalliankima te an thlang a. Bethel Kohhran chuan C. Zohmingthanga leh H. Zairemmawia te an thlang a, Electric Kohhran chuan Lalthamawia Bolchim leh C. Lalfakawma te an thlang bawk.
KAWNG DAN HNUAH BUNGRUA TO ZEL : Zokhawthar kaltlanga sumdaw…

Champhai Tualchhung Chanchinthar

VENGTHLANG PASTOR BIAL TE CHE CHHUAK :Champhai Vengthlang Pastor Bial KTP te chuan nimin khan Bial KTP Conference thurel bawhzuiin OST Centre, Champhaiah hun an hmang.
Bial hruaitute hi OST Medical Officer Dr Lalhlupuii Khawlhring chuan a lo dawngsawng a. He hun hi Bial KTP Leader HS Lalhmangaihzuala'n kaihruaiin, Upa B.Lalawmpuia, Asst. Leader hnen atangin Pathian thu ngaihthlak ani a, OST la laite atang pawhin thusawi ngaihthlak a ni bawk. OST thawktute hnen atanga thu dawn danin Champhai OST Centre atang hian OST ei tawh 527 an awm a, tuna ei lai hi Mipa 124 leh Hmeichhia 7, an vaiin 131 an ni. Heng OST la te atang hian kohhrana mi tangkai tak te, nitin eizawnna kawng tha taka zawhmek leh khawtlang tana tangkai tak tak an awm tih tarlan a ni bawk. Champhai Vengthlang Pastor Bial KTP te hian Champhaia Ruihhlo ngaite pualin Fehchhuah programme an hmang mek a. Zing leh tlai lamah ruihhlo-in a tihbuai mekte kal chilhin Pathian thu tawi hrilhin, tawngtaisakna hun an hmang thin a, ei…

Champhai Tualchhung Chanchinthar

CHIEF SECRETARY IN ZOKHAWTHAR TLAWH, CHAK ZAWKA KAWNG SIAM TURIN HRILH :Nimin chawhma khan Mizoram Chief Secretary Pu Lalnunmawia Chuaungo IAS chuan India leh Myanmar ramri Zokhawthar hmuna sawrkar hmalakna hrang hrangte a tlawh a,   Ambassador of India to Myanmar Pu Saurabh Kumar IFS nen Rihkhawdar (Myanmar)-ah an inkawm a, ram pahnih Border Point-te an tlawh a, hemi hnu hian Land Custom Station Zokhawrtharah Indo-Myanmar inlaichinna, inkalpawhna, insumdawntawnna leh tul dangte Official-te nen an sawi ho a ni.
He hunah hian India Sawrkar leh Myanmar sawrkar  inkara thawhhona hrang hrang awmte sawrkar Official-te nena sawiho a ni a. India sawrkar puihna hmanga Myanmar ram chhunga inkalpawhna  kawngpui Tiddim Road siam mek chak zawka  kalpui leh Tiau lui kana Lei lian leh rinawm zawk Indo-Myanmar Friendship Bridge, Zokhawthar siam dan turte sawiho a ni a. Mumal zawka Indo-Myanmar Trade kalpui anih theihna turin remchang hmasa berah Ministry of External Affairs, Govt of India  kaltlanga…

Champhai Tualchhung Chanchinthar

CHAMPHAI TLANGVAL CHAMPHAI TAN : Aizawl leh Champhai inkar Helicopter Service, chawlhkar khata vawi 2 thlawk thin chu vawi 5 thlawk tawh turin ruahmanna peihfel a ni. Aizawl leh Champhai inkar kawngpui a la  that tawk rih loh avanga Champhai leh a chheh vela dam lo, upa te leh zin mite’n  harsatna an tawh mek chu sutkian a tul thu Transport Minister Pu TJ Lalnuntluanga’n Chief Minister, Pu Zoramthanga hnena tawngka leh ziaka a thlen chu Chief Minister-in lo ngai pawimawhin mipui zin veivakte harsatna sutkian a nih theihna turin ruahmanna thar hi siam a ni. Helicopter thlawh dan tura ruahmanna an siam  thu hi GAD Civil Aviation Principal Consultant, Wing Commander, Pu J. Lalhmingliana’n vawiin khan  Transport Minister hrilhin, karleh Thawhlehni atangin Thlawhtheina hi thlawh belhtir tan a nih tur thu te, hemi chungchanga hriattirna pek chhuah ngai te pe chhuakin hma lak nghal a nih tur thu te a sawi a. Principal Consultant chuan Helicopter Service-tir hi thil namai a ni lova, darkar …

Champhai Tualchhung Chanchinthar

CAREER GUIDANCE NEI : MZP Hqrs Champhai buatsaih in nimin chawhnu khan 1&PR Conference hall ah zirlai te tán career guidance hun hman a hi. He hunah hian Lalrammawia Tlau Vice President MZP hqrs Champhai in kaihruai in Champhai mi, C. Lalthazuala, Asst Commissioner of State Tax leh H.Lalramhluna, Advocate ten zirlaite hriat duh te hrilh hriatna TBC Lalvenchhunga hun an hmang a ni. He hun hi discussion anga hmangin a lokal apiang te zawhna uluk taka chhangin tum mumal tak neia lehkha zir turin an lo fuih zel a ni. Mahni zir chhunzawm tur leh hnathawh tum mila lehkha zir dan tura zawhfiah duh nei chuan MZP Hqrs Champhai Office chu inthlahrung lo a pan zel turin an sawm a ni.
IN SAK SAK : Nimin khan Tlangsam khawtlang chuan Inrinnia bungrua engmah chuh hman loha kang ral Pu Hrangkianlova In chu hnatlangin an sak tha. Tlangsam VC te kaihhruaiin nimin khan insak hnatlang hi neih niin, hnatlanga thawk chhuakte hian in sakna chak an neih ang ang an ken khawm bakah tanpuina lut hrang hran…

Champhai Tualchhung Chanchinthar

SYMA IN KAWNGPUI THA NEI TURIN HMALA DAWN: Inrinni khan YMA Sub-Headquarters Champhai chuan kum 2018-2019 a a vawi hnihna atan Executive Meeting an nei. He hun hi VL Chama Hnamte, President SYMA kaihhruaina hnuaiah SYMA Office, Tlangrawtah neih a ni a VL Chama chuan member in auhkhawm a ngaih niah an member te an chhuak tha lo fo thin chu kawng tam takah hruaitute'n mawhphurhna an neih thu a sawi a, hruaitute'n an zir chuan an member te an phur mai thin ani, a ti a. Thuthmun Branch te hian Group YMA te hi kan pha thei meuh lo a ni, a ti bawk. VL Chama chuan thangthar te'n kan hnam humhim duhna thinglung lian tak an neih mek lai hian an thinlung duhna hi a hlawhtlin theihna tura theihtawp kan chhuah a ngai a ni, a ti a. Hmun hrang hranga zofate kan inunau zel theihna turin kan YMA na hi kan vawn nun zel a ngai a, tan kan lakzual a ngai a ni, a ti. Hnam inpumkhatna kan neih zel theihna tur hian District hrang hrangte chuan an entawn ber chu Champhai, Zokhawpui hi a ni tih s…

Champhai Tualchhung Chanchinthar

FLAGSHIP PROGRAMME CHUNGCHANG SAWIHO: Nimin chawhma khan Prime Minister Flagship Programme sawihoin Champhai DC Conference Hall, Keifangtlangah Champhai DC hovin Head of Office hrang hrangte an thu khawm.  He meeting, Champhai DC Dr.Naveen Aggarwal, IAS kaihhruaiah hian Champhai District chhunga Head of Office hrang hranğte chu anmahni Dept hnuaia awm leh hmalakna awm tawh te sawiho a ni a. Hei bakah hian Scheme danga hmalakna te pawh sawiho niin hmalakna awm theite sawi a ni bawk. Dept hrang hrangte'n an hnathawh te report pe in harsatna an tawh te leh an hmabakte an report bawk. Champhai DC chuan hetianga sawihona hun zau tak neih theih a ni chu lawmawm a tih thu sawiin, nasa lehzuala hmasawna kalpui zel turin Dept hotu kalkhawmte chu a chah a. Harsatna an nei emaw hmalakna thar an duan te emaw puih theihna awm ang anga puih a in huam thu a sawi bawk.
OFFICE RAWK : Nizan hmasa khan tu tih hriat loh te chuan DIET office, Zotlang a mi chu rawk. DIET Office rawk a ni tih hi nimin z…

Champhai Tualchhung Chanchinthar

BETHEL MISSION SCHOOL TE MISSION ROPUI : Nimin khan Mizoram Board of School Education chuan High School Leaving Certificate Exam 2019 Result a tichhuak a, Champhai atangin mi pahnih CL Kimteii leh R.Lalrinmawii te chu top 10-ah an lang.
Nimina HSLC exam result tihchhuahan hian Larinnung, St Joseph Higher Secondary School, Aizawl chu pakhatna a ni a, mark 500-ah mark 486 a hmu a ni.
Top 10-ah hian Bethel Mission School zirlai pahnih CL Kimteii, B.Zelkhangoa fanu leh R.Lalrinmawii, R.Ramtharnghaka fanu, Champhai Bethel Venga mite chu 10-na ve ve an ni a, mark 464 ve ve an hmu a ni.
HSLC exam hi Mizoram pumah candidate
17,346 an awm a. Mi 11,783 an pass-in pass percentage hi zaa 67.93 a ni. Pass zinga mi 1177 chu distinction-ah pass in, 1st division-ah mi 3280; second division-ah mi 4051 leh 3rd division-ah mi 3275a n pass a ni. Exam zinga 8328 hi mipa niin 9018 chu hmeichhia an ni a, mipa hi 5778 an pass a, hmeichhia 6005 an pass bawk a, mipa pass percentage hi 69.38 a ni a, hmeichhe p…

Champhai Tualchhung Chanchinthar

DUAL CITIZENSHIP NEIH KAWP THEIH A NILO - LARSAP :Mizoram Larsap Professor Jagdish Mukhi chuan Indo-Myanmar Border Trade Point-a insumdawn tawn leh intlawh pawh tawnna chu Free Movement a nih rualin, dan in a phal loh (Illegal goods) hmanga sumdawnna kalpui a thian loh thu nimina lehlanga Champhai lehIndo-Myanmar Border Trade Point a tlawhnaah a sawi.
Larsap hian sorkar laipui flagship programme : RGGVY, Swachh Bharat Mission leh PMUY hamthatna dawngtu chhungkuate a tlawhkual bakah Indo-Myanmar Border Trade Point-a ramri a enfiah bakah ramri venghimtu Assam Rifles in an hmalak dan tlangpui Larsap hi an hrilhfiah a ni. Governor hi nimin chawhma lam khan Champhai Helipad-ah sorkar hotuten lo dawngsawngin, ram pa nih insumdawn tav nnahmuna ramri lei atļawh bakah ram ri venhim hnathawktu 10 Assam Rifles Major Sunil Patel chuan Zokhawthar-a AR Sipai hmunah an hmalak dan tlangpui a tarlang a. Larsap Professor Jagdish Mukhi chuan thahnem ngaihna avangin ramri kianga mipui te thlamuang takin …

Champhai Tualchhung Chanchinthar

MINISTER CHAMPHAI TLANGVAL IN CHAMPHAI HMASAWNNA : Nimin chawhnu lam khan Transport Minister, TJ Lalnuntluanga chuan Champhai District hma sawnna hrang hrang sawipuiin Chief Minister Zoramthanga chu a Office ah a hmu. Champhai South Bialtu MLA leh Minister hian Champhai District hmasawnna tura ruahmanna a duan point hrang hrang a thlen te chu theihtawp chhuaha hmalak pui a tum thu Chief Minister chuan a lo hrilh a. District hmasawnna tura ruahmanna siam hrang hrangte hi chipchiar taka an thlirdun bakah hmalak zui dan tur an sawi dun a. Tunhnaia tihhlawhtlin theih mai tura beisei zingah, khualzin leh damlote chhawk zangkhaina atana Champhai leh Aizawl inkara Helicopter service chu regular zawka neih a nih theihna turin thuneitute lo sawipui nghal a tum thu Chief Minister hian a lo hrilh bawk. Tun dinhmunah Champhai leh Aizawl inkar Helicopter service hi thla khat chhunga darkar 80 service tura ruahman a nih laiin, ruahman ang hian a service theih loh bakah, mipui mamawhna a san avangin…