Skip to main content

Posts

Showing posts from July 1, 2019

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Khehpuam Kg 595 khehpuam hmanlo

KHEHPUAM KG 595 KHEHPUAM HMANLO :
Inrinni khan Champhai police te chuan Khehpuam ti-a hriat lar thin Pseudoephedrine Kg 335 chu hmun hnih atangin Mizoram PĆ³lice leh Assam Rifles tangkawpte chuan Inrinni zing khawvar hma deuh khan Zokhawthar Land Customs Station bulah Pseudoephedrine Kg 95 an man a, damdawi phurtu mi pathum Myanmar mi vekte chu man tel nghal an niin, an thil man hlut zawng hi tualchhung hralhna a chhutin Cheng Nuai 145.92 man a ni. Champhai Police hotute hnen atanga thu dawn danin, heng damdawi Myanmar-a chhohpui tum man takte phurtu Chungliankima kum 42, s/o Ramsuma, Khawmawi Myanmar nia insawi leh kum tlinglo pahnih, Myanmar lam mite chu man tel an ni a. Champhai Police Station-ah ND&PS Act leh Foreigner Act tlawhchhana thubuai siamsak an ni a, Inrinni khan Champhai District Hospital-a Medical an nih hnuah District Court-ah hruai an niin, Chungliankima hi Champhai District Jail-ah dahluh nghal a nih bakah rawlthar pahnihte chu Champhai District JJB kutah hlan ng…

Champhai Oil leh Gas zia

CHAMPHAI OIL LEH GAS THA: Champhai District Legal Metrology leh Champhai Police tangkawp chuan Inrinni khan Champhai khawpui chhung Filling Station 3-a Oil awmte an endik bakah Mizofed Office-a Eirawngbawlna Gas an enfiah. Endiktute hnen atanga thudawn danin Filling Station tina Oil te chu a that thawkhat bakah Mizofed a Eirawngbawlna Gas te pawh buk a dik thawkhat bawk. Sorkar Department pahnih tangkawpte hian Mizofed Filling Station bakah mimal Filling Station pahnih te chu kalchilhin,Oil dinhmun chik takin an endik a. Tehna hmanga enfiah a nih hnuin Mizofed a Oil te chu a tha thawkhawt tih dawn a nih rualin, mimal Filling Station pahnih RD Filling Station leh RC Filling Station-a Oil te phei chu a tha hle tih thu dawn tel ni. Mizofed Office-a Gas bur te pawh buk a nih hnuah an enfiah chinah chuan a dik thawkhat tih thu dawn tel a ni bawk.

LAMPS Annual General Assembly

LAMPS ANNUAL GENERAL ASSEMBLY : Inrinni khan  Large Size Agriculture Multipurpose Co-operative Society (LAMPS) Ltd  Champhai chuan Annual General Assembly vawi 38 na Champhai Venglai Community Hall-ah an hmanga, he hun hi  Dr. Naveen Aggarwal, District Bawrhsap chuan khuallian niin a hmanpui a, Pu C. Lalbethlehema, ARCS, Champhai chuan khualzahawm niin a hmanpui a ni. Thusawiin khuallian chuan Agriculture leh a kaihhnawih thil hi Mizoramah chuan kan eizawnna tam ber a ni a, State thenkhatah chuan lo neih hi eizawnna atan an hmang a, Mizoram ah erawh chuan lo neih te hi kan ram zawl in a daih loh vang te, a enkawlna kan neih that tawkloh avangin eizawnna tak tak atan a hman theih lova, chutiang a ni chung chuan Champhai hi buh thar hnem ber pawla sawi a ni thei zel a ni, a ti a. Bawrhsap chuan loneituten an buh leh thlai hmang a sum tam zawk an lakluh theihna tura tanpui chu an tum ber a nih thu a sawi a.  Buh leh thlai chawmna tur tuilakna pawh siam tura hmalak mek a nih thu leh tui…

College zirlaite Sawrkar an ngenna bawhzui

SAWRKAR A NGENNA BAWHZUI : MZP Headquarters Champhai hruaitute chuan Gov't Champhai College a zirtirtu indaih lo dah belh tura sorkar an ngenna bawhzuin H&TE changtu minister Dr. R. Lalthangliana an hmu. Minister hian College zirtirtu lak thara ni dawn tih leh a rang thei ang bera a rawn bawhzui tur thu in a lo chhang a, ram pum huap indaihlohna a nih vangin hemi hma pawha Champhai bialtu, Minister leh MLA te nen theihtawp an lo chhuah tur thu an sawi. Minister hnena ngenna thlen hi Champhai North MLA Dr. ZR Thiamsanga leh Champhai South Bialtu TJ. Lalnuntluanga te copy pek tel ve ve an ni bawk. Champhaia Nursing School, Polytechnic leh ITI building te a nih dan tur anga a function vat theihna tur in Minister hi an sawi pui bawk a. Minister hian sorkar hmalakna kal mek a nih thu leh sorkarin an ngaihpawimawh tur thu in a lo chhang bawk a, Chief Minister hnenah pawh ngenna thlen in Adviser to CM, C. Lalramzaua sawipui a ni bawk.


Lawrkhawm

REMNA NI : Vawiin hian MZP Hqrs Champhai huaihawtin vawiin chawhnu dar 1:00 hian Remna Ni pualin Gov't Champhai College Multipurpose Hall-ah hun hman a ni dawn a.Transport Minister TJ Lalnuntluanga chuan khuallian niin he hun hi a hmanpui ang.

DOCTORS DAY PUAL : Vawiin, Doctors' Day pualin chawhnu dar 1:00 hian Doctor seminar room, District Hospital, Champhai-ah Voluntary Blood Donation  hawnna hun hman a ni dawn. Dr. BC Roy piancham leh thihcham denchhen-in India ramah chuan Doctors' Day hi July ni 1-ah hman thin a ni.

MLA CHAMPHAI-AH : Dy Gov't Chief Whip Lalrintluanga Sailo chuan ni 3 cham turin tukin hian Champhai a rawn pan dawn a. Naktuk hian Zotlang leh Zokhawthar a Vety chekcgate tlawhin, Champhai-a Sailo Lal thlah zinga MLA a nih chawimawina Zote khuaa neih leh MLA-a a tlin lawmna hun MNF  Champhai North Block-I in Ngur khua an neih tur a hmanpui hnuah tunkar Zirtawpni zing khian Aizawl panina kir thla leh ang.

THISEN PE : Inrinni khan Chhura hmun welfare te chua…