Skip to main content

Posts

Showing posts from July 2, 2019

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Remnani Champhaiah

REMNANI CHAMPHAIAH : Nimin khan MZP HQRS Champhai buatsaihin Champhaiah Remna Ni vawi 33-na pualin hun hman TJ Lalnuntluanga, Transport Minister chuan khuallian niin a hmánpui. Remna Ni vawi 33-na puala Gov't Champhai College Multipurpose Hall- a hun hmanah hian Khuallian TJ Lalnuntluanga chuan Mizote chu mahnia ro inrel hran thin kan nih thu leh India rama kan awm ngai loh thu sawiin, 'British sawrkarin India a chhuahsan rualin India chu Mizoramah an barhluihna avangin Mizoram chu India ramah a awm zui ta a ni, a ti. Kum 1950-1960 chhung khan India hnam nihphung, nationalism leh Culture in Mizote min run a, vai thawmhnaw thlengin kan inbel a. Mizo hnamzia dah hniam ching te an lo awm ta hial a. Mizo hnam thinlung pute lo chhuakin India rama awm luih tir an nih an duh loh avangte leh Assam leh India sawrkarin Mizoram a ngaihsak loh avangin India nen an thu a inhmu ta lo va. Zalenna sual a lo ni ta a, Mizoramin zalenna a sual chu India in helah a puang zui ta a ni, a ti.   Mizo…

Selna avanga tha thulh lo turin chah

SELNA AVANGA THA THULH LO TURIN CHAH: Nimin khan Voluntary Blood Donation Day leh Doctors Day 2019 pualin District Hospital, Champhai-ah hman a ni. He hun hi Dr. Zatluanga, DMS chuan kaihhruaiin, Dr. R. Lalawmpuia, CMO chuan he ni puala hman chhan leh an tum ber tarlangin Doctors' Day hian a tum ber chu Doctor te hi mite tan an hun inpekna vantlangin an hriat theihna tur anih thu a sawia. Kum 1991 July ni 1 khan Doctor ropui tak Dr. BC Roy a thih cham pualin July ni 1 hi Doctor Day atan sawrkar laipuiin a puan thu tarlangin kumtin an hman thin a ni, a ti. Hmun thenkhatah chuan hemi ni pual hian free clinic buatsaih in an fehchhuak thin thu sawiin, IMA bultumin Mizoramah pawh free clinic hi buatsaih thin a ni a, mi chanhai te awmna hmun Home hrang hrangah te leh Jail ah te kalin Free clinic an buatsaih thin thu a sawi a. Doctor chu hna hahthlak leh hautak a ni a, englai pawha hnathawk an nih laiin chawimawina aia sawichhiatna an a dawn tam thu leh, thi ngei ngei tura an ruat tawh a…

Kum 50 chhung Court hmun tur en

KUM 5O CHHUNG COURT HMUN TUR EN: Nimin khan Justice Michael Zothankhuma, Gauhati High Court Judge chuan Champhai Zote hmuna District Court a tlawh a, hemi hnu hian kum 50 chhung atana Court hmun tura ruat thar CHANEM Building chu a tlawh nghal a ni. Justice Michael Zothankhuma hi CHANEM Building luahtu Sawrkar department hotu leh Chanchinbu miten lo dawngsawngin building enfiahpui a. Department aiawh ten harsatna an neih leh hmunhma an neih dante a hnenah hian an lo thlen a ni. CHANEM Building hi District Court tura buatsaih tuma hmalak mek a ni a, building chei danglam leh thawmthat dan turte enfiah a ni a. PWD chu ruahmanna felfai tak siam tur a tih niin chumi zulzuia hmalak tum a ni. Tun dinhmunah CHANEM Building-ah hian Sawrkar Department 6- UD&PA, I&PR, Food &Civil Supply, Treasury  Office, Champhai Main Centre, Health & Family Welfare leh KVI Office te a awm a. Heng bakah hian Kendriya Vidyalaya leh mimal dawr a awm nual bawk a ni. Justice Michael Zothankhuma hi …

Treasury Office thar tur leh hmun pawimawh tlawh

TREASURY OFFICE THAR TUR LEH HMUN PAWIMAWH TLAWH :
Nimin khan Transport, Forest, Law and Judicial leh Parliamentary Affairs changtu Minister TJ Lalnuntluanga chuan Treasury  Office Champhai Office sak mek Champhai Vengthar ami chu at lawh a, hemi hnu hian DFO Office, Champhai College leh Chhangphut Field te a tlawh zui leh bawk.Treasury Office thar sak mek tuala program tawi buatsaihah Minister chuan Sawrkar department hrang hrangte hmasawn zawk nan department kaihhnawih dangte nena intawiawm tlan a ngaih thu a sawi a. Champhai khawpui chep lutuk tur tiziaawmna turin Town planning mumal tak,mithiamte nena inrawnkhawma neih tum a ni a, hemi tur hian sawrkar in suma dah tawh a ni, a ti a. Hmasawnna hnathawh kawngah Sawrkar department mithiamte finchhuahna leh tawiawmna ngenin, hnathawk thei tura nawr thin turin a chah a. Department hrang hrangte chu an mamawh zualpui te Sawrkara thlen tur leh chungte chu a tul anga bawhzui tum a ni,a ti bawk. He hun hi Lalchhuanliana Sailo, Treasury Off…

Kum 16 hnuai lamah New Champhai thiam ber

KUM 16 HNUAI LAMAH NEW CHAMPHAI THIAM BER:
T. Khupzachin Memorial U-16 Football Tournament 2019 chu nimin khan Final khelh niin kharna hun hman a ni. Kharna hun hi Rex Zarzoliana, District SP chuan khuallian niin a hmanpui a. Thu sawiin khuallian chuan, mi rama Football Club neitute hian hlawknat am tak an nei thin a, Champhai District ah chuan mi inphalte  avangin Tournament siam a ni thin a, mi inphalte avang chauhin Champhai Football player tha, Mizoram pawn pawha khel thei an awm phah a ni, a ti a. Champhai thalai naupang te Football ah hma an sawn zel theihna tura mi inphal te ke pen zel turina  sawm a. Final khel tur te chuan theihtawp chhuah a, dik tak leh tang taka khel turin a chah Champhai Football Player tha an neih theih na tura theihtawp chhuah chhunzawm zel tura sawmin duhsaknà a hlan a ni. Final ah hian Vengthlang FCl eh New Champhai FC te an inkhel a. Hun pangngai-ah 1-1 in an-in draw a, penalty shootout ah New Champhai hian 3-2 a hnehna changin an champion ta a ni. Ch…

PHED hotute siksawi

PHED HOTUTE SIKSAWI : Nimin khan Secretary, PHED chuan hriattirna tichhuakin, Champhai SE HB Chakma chu SE(U) E-in-C Office, Aizawlah sawn a ni a, a, hmun ruak hi SE(U) E-in-C hna chelh lai mek0C.Lalhmahruaia chuan a rawn luah ang.  C.Zirkhuma,  EE(P) Champhai  WATSAN Circle chu EE, Lunglei  Water Supply Maintenance Division a sawn a niin a hmun ruak hi Allan Lalthalura, EE, Rural WATSAN Division, Lunglei chuan a rawn luah ang. SDO Champhai Project Division hna chelh mek V.Laldanmawia chu ŠDO Mamit hna chelh tura sawn a ni a, a hmun ruak hi Vanlalmuanawma, AE, E-in-C Office, Aizawl chuan a rawn luah ang a. C.Lalchawimawia, Khawbung, SDO, WATSAN Sub-Division chu SDO, AWDD 'S' Division N-II hnachelh tura sawn a ni a, a hmun ruak hi SDO, AWDD Sub-Division N-II hna chelh mek K.Rochhuma chuan a  rawn luah ve thung ang.


Lawrkhawm

ROAD BLOCK : Electric Veng kawngpui chu PWD ten an siam mek avangin vawiin atanga tunkar Ningani thleng khian Chalchung Run atanga Vaihmun Road chu zing dar 9 atanga tlailam dar 5:00 thleng khar a ni dawn a, mipuiten hei hi zawm sak theuh turin an ngen a. Road Block hian zan lam erawha huam lo ang.

CHAMPHAI MASTER PLAN CHUNGCHANG : Vawiin chawhma dar 11:00 hian DC's Conf. Hall, Keifangtlangah District Planning Committee chu Transport Minister TJ Lalnuntluanga hovin an thukhawm dawn a. Hetah hian Champhai Master Plan siam chungchang bakah Champhai leilet zawla hmalakna tur an thlirho ang.


THINGZAI LILAM : Nimin zing khan Tualcheng ram chhunga Vapar miten thin an lo tan ruk an man chu lilam a ni. Tualcheng khuate hian an ramchhu g thing leh mau te hi theihtawpin an humhalh mek a ni.  Tunlai hian Tualcheng Branch YMA te chuan an khawchhungah ruihhlo a awm loh theihna turin Section hrang hrangte Duty insiamin an duty thin a ni. 

TUIALHTHEI Mizofed Pump MS : Free Sale  HSD : Free Sale RC F…