Skip to main content

Posts

Showing posts from July 3, 2019

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Champhai Pa in Champhai hmasawnna tur ngaihtuah

CHAMPHAI PA IN CHAMPHAI HMASAWNNA TUR NGAIHTUAH :  Nimin chawhnu khan Champhai DC Conference Hall-ah Champhai khawpui chhung leh Leilet zawl vawnhima enkawl zel dan tur rel a ni a. He hun  Law and Judicial etc changtu Minister leh Champhai South bialtu MLA nibawk Pu TJ Lalnuntluanga a kaihhruaina a neihah hian Sawrkar department hotute, NGO leh khawtlang hruaitute an tel tha hle a ni. Minister chuan Champhai khawpui leh a chhehvel chhiat zel lohna leh nakin zela harsatna awm theite pumpelh anih theihna tura zau taka inrawnkhawma hun siam ani thei chu lawmawm a ti a. Khawpui remfela cheibawl hna chu a bultanna mai a la nih avangin mithiam leh khawtlanga mithahnemngai te chu Champhai khawpui Master Plan leh Leilet vawnhima tihchangtlun tumna kawngah thahnemngai taka hotute  tawiawma thurawn te pe zel turin a sawm a. Ngaihdan hrang hrang awm mahse a tha ber tur kalpui anih theihna turin line department hrang hrang leh khawtlang aiawhte inthuruala thawhho angaih dawn thu a sawi bawk.

He h…

Champhai District Planning Committee thukhawm

CHAMPHAI DISTRICT PLANNING COMMITTEE THUKHAWM : Nimin  khan Champhai District Planning Committe thutkhawm vawikhatna chu DC Conference Hall ah neih a ni a. He hun hi Law Minister Pu TJ Lalnuntluanga, East Tuipui bialtu MLA Pu Ramthanmawia leh Champhai North bialtu MLA Dr ZR Thiamsanga te chuan an telpui a ni. He hun Champhai Bawrhsap Dr Naveen Aggarwal a kaihhruaiah hian Project thar hlak Champhai District chhunga hmasawnna ruhrel siamna kawnga tangkai tura ngaih te department hrang hrang ten an thlen a. Hengte hi sawiho anih hnuah Action Plan leh DPR te siama DRO kaltlanga Planning & Program Implementation department a thehluh leh tur a ni a. Nimin khan department hrang hrang ten an mamawh  leh harsatna an thlente a tul anga bawhzui zel anih theihna turin felfai takin Economic and Statistics department ten an  ziak lut zel a, thil dang thlen duh neite tan Zirtawpni thleng hian DRO Office, Champhaiah thlen theih a ni bawk. Ruahman dan chuan Champhai District Planning Committe chu…

Bike ri ring man

BIKE RI RING MAN : Champhai District Traffic Police te chuan Two Wheeler, Bike Proton vuah mi 8 an man tawh. Champhai District Traffic Police te chuan tunlai hian 2 wheeler, bike-a proton vuaha ri ring tak taka khawlaia tlan thin te endik hna ngawrh takin an kalpui mek a. Danin a phal loh proton vuaha ring tak taka khawlaia tlan thin mi 8 man tawh in an proton vuah te lakthlak tir an niin warning khauh tak pe in an chhuah tir a ni. Hei bakah hian ramdang bike, 125 Dan lova Champhai khawpui chhunga rawn tlan thin te an vai bawk a, ramdang bike 125 pali leh a khalhtute man in Champhai District Court-ah thubuai siam saka thawn nghal an ni. Zu rui chunga lirthei khalh thin te an awm leh

awm loh pawh uluk lehzuala endik zui niin mipui him zawk nan nasa lehzuala hmalak chhoh zel pawh tum a ni a, Traffic Police te hmalak mekna hi thlawp a, Dan zawm theuh turin Traffic Police te chuan mipui an ngen a ni.

Ruihhlo man

RUIHHLO MAN : Nimin zing dar 8:30 leh chhun 12:30 vel khan Excise & Narcotics Enforcement Staff,  Champhai te chuan heroin 44 gms (hawng 3) chu Ginzawmliana (27) S/o Pumzathanga, Bethel Veng, Champhai ni-a insawi leh 54.7gms (hawng 4) chu Malsawmkima (28) S/o Zoramthanga (fam) Bethel Veng, Champhai ni-a insawi kut atangin an man. An thil man hlutzawng hi local market ah Cheng 2,10,000 a ni a.Heroin neitu- a puhte hi ND&PS Act hnuai-ah thubuai siamsak an ni.

Ruihhlo phurh vangin hrem

RUIHHLO PHURH VANGIN HREM : Khawzawl Taxi Owners' Association chuan an member ruihhlo phur mi pali an hrem tawh. Khawzawl khawpui chhungah ruihhlo do hna ngawrh takin kalpui mek zel a ni a, Khawzawl Taxi Owners' Association chuan a hmaa an lo rel tawh angin an Member, ruihhlo phurh leh a kaihhnawiha man te chu Rs.500 chawitirin chawlhkar khat chhung Service thei lo turin an hrem a. June thlatir atanga nimin thleng khan mi 4 an hrem tawh a ni. Khawzawlah hian veng hrang hrang Branch YMA leh VDP ten ruihhlo do kawngah an vengchhungah hma an lak mai bakah Khawzawl Group YMA hnuaia Anti-Drugs Squad pawhin nasa takin hma an la chho mek zel Khawzawl Group YMA hnuaia Anti-Drugs Squad hian thla hlui June thla chhung khan Rakzu Litre 500 vel, bilh lai Litre 800 vel manin Za bilhna khur 20 an tichhia a, hemi hun chhung vek hian Heroin No. 4 Hawng puitling 8 leh Can 15 an man a, ADS hian niminah pawh Can 2 an man tih thu kan dawng.

Chanchintawi Lawrkhawm

GRAPE CHINGTUTE INHMUKHAWM DAWN : Vawiin chawhnu dar 2:00 hian Champhai Grape Growers' Society general body meeting, Tlangsam Winery-a neih chu khuallian niin Law Minister TJ Lalnuntluanga chuan a hmanpui ang.

ZANGAIHNA LAN TIR THLĂ€ : Tun thla, July 2019 leh August 2019 chhung khian lirthei eng chi pawh chhiah leh permit, driving licence thi tawhte tan zahngaihna hun hawn a ni a, late fee awm lo vin pek theih a ni tih thu kan dawng.

ROAD  BLOCK : Champhai SP Rex Zarzoliana Vanchhawng chuan lirthei tlan danah thupek a tichhuak. SP chuan Champhai Electric Veng VC te dil angin Chalchung Run atanga Vaihmun panna kawngi, PWD Champhai ten siamthat hna an thawh avangin nimin atanga naktuk thleng hian lirthei chitin kaltlang phal loh tih a puang a, Traffic Branch te chu hemi chungchangah hian a hmunah enfiahinhmalak ngai angte lo la turin a hriattir nghal bawk


SCIENTIST TEEN ZIRTIRNA PE DAWN : Vawiin chawhma dar 11:00 atang hian DC's Conf. Hall, Keifangtlangah Hazard risk and vulnerabili…