Skip to main content

Posts

Showing posts from July 4, 2019

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Tlangsam aieng herna hmun tlawh

TLANGSAMA AIENG HERNA HMUN TLAWH : Zanin tlai khan Forest  Minister leh Champhai South bialtu MLA ni bawk Pu TJ Lalnuntluanga chuan Champhai Tlangsam hmuna Aieng herna khawl  chu Sawrkar Official te nen a hmunah kalin an enfiah. Tlangsam Turmeric Processing Centre  hi Mizoram Rural Bank leh Horticulture Department-te bultuma siam niin,  December Ni 18,  2014  khan hman theih tura hawn a ni a. Khawl lam fellohna avangin kum 2016 atang khan a chhawr theih tawh lova, harsatna awm leh hmalak zel dan tur Minsiter leh Horticulture Department lama hotuten an enfiah a ni. Official-te hi Tlangsam Turmeric Growers Society hotuten lo dawngsawngin harsatna an lo thlen a, horticulture department leh Aieng chingtute chu a tul anga  inrawnkhawmna neia hmunhma leh khawl enkawl  kawnga  inrawn  zel turin Minister chuan a chah  a ni. Minister hi Pu Zoremthara Ralte,  SDO Sadar;  Pu CH. Lalmuanpuia, Deputy Director Horticulture Department; Pu R.Lalremliana, DHO Khawzawl; Pu Vanlalvuana  Rokhum SDHO Champha…

Champhai Grape Growers General Body Meeting nei

CHAMPHAI GRAPE GROWERS SOCIETY GENERAL BODY MEETING  NEI : Nimin khan Champhai Grape Growers Society chuan General Body Meeting vawi 12 na chu Tlangsam Winery ah an nei a, he hun hi Environment & Forest etc changtu Minister Pu TJ Lalnuntluanga chuan Khuallian niin a hmanpui.  Khuallian chuan MIP sum hmanga bultan tawh Tlangsam Winery chu  theihtawp chhuaha tihhmasawn leh tum a ni a,  Zu khapna dan siamah Winery ngaihhnathiam anih theihna turin hmalak a ni, a ti a. Champhai Grape Growers Society member-te chu neitu thinlung pu chunga hnathawk tur leh taihmakna, rinawmna leh beidawng mai lova tih tak takna nena hmalam pan turin a fuih a.  Intodelh tura tanlak kawngah  zau taka a inhawn thu leh  mimal taka finchhuah a tawiawm turin a sawm bawk.  Minister chuan  Grape Winery tundin zelna tura hruaitu fel,  thahnemngai tak takte leh Horticulture Department-te hnathawhah lawmthu a sawi a.  Hmun nghet siama grape huan enkawl  chuan thing leh mau chereu tur a veng tel avangin hetiang zawnga …

Khuarel chhiatna lakah Champhai dinhmun thlir ho

KHUAREL CHHIATNA LAKA CHAMPHAI DINHMUN ZIRHO A NI : Nimin chawhma khan DC Conference Hall, Champhaiah MIRSAC leh DC office tangkawp buatsaihin khuarel chhiatna laka  Champhai dinhmun zirho a ni. Pu Zoremthara Ralte chuan thiamna sang zawk hmanga Champhai khawpui dinhmun zirho a ni thei chu lawmawm a tih thu a sawi a, khawtlang hruaitu kalkhawmte chu an mahni huamchhungah theuh hmun him lai leh hmun him lo laite hrechianga Champhai tan a tha zawnga  chhawr thei tura Worshop thahnem ngaitaka hmang turin a chah a.  Chhiatna thlen thulha sawrkar atanga tanpuina awm theite sawi a ni.  He hunah hian   khuarel chhiatna hrang hrang Lirnghing, Leimin leh Thlipui lakah chhiatna thleng thei laka Champhai dinhmun satellite atanga zirchianna thlirho a ni a. He hunah hian Champhai khawpui chhunga VC, YMA, MUP leh MHIP aiawhte kohkhawm niin Pu Lalramdina leh Pu R Lalfamkima, Scientist, MIRSAC te'n Hazard Risk and Vulnerability Analysis leh Digital 3-D Terrain Mapping & Modelling chungchangah Pr…

Building Regulations mumal taka kalpui a ngai tawh

BUILDING REGULATIONS MUMAL TAKA KALPUI A NGAI TAWH : He  thu hi  Law & Judicial etc changtu Minister Pu TJ Lalnuntluanga'n Champhai khawpui leh a chhehvela hmasawnna ruhrel siam dan tur Master Plan tihhlawhtlin anih  theihna tura  hmunhma hrang hrangte a enfiah tuma a sawi a ni a. Minister chuan khawpui tawt zel tur lo venlawka tihziaawmna turin Champhaiah Building regulations mumal tak  kalpui angai a, Champhai ti Champhai tu leh mi tamtak ei bel ber  Leilet phai zawl humhalh turin thing leh mau tuihna siamtu venhim angai a ni tiin, Champhai mipuite chu  Pathian malsawmna an  dawnte  midang  tana harsatna siamna atana   hmang lo turin a chah bawk a ni.
Minister hian Champhai khawpui leh a chhehvel khua Town Area-te awlsam taka inkalpawh zung zungna tur leh khawpui vet kual kawngpui Ring Road, Zotlang -Tlangsam- Zote-DC complex Keifangtlang via Hmunhmeltha to Falkawn-Khankawn-Zotlang thlenga kawngpui pawhtu turte department hotute leh khawtlang hruaitute nen  an enfiah a. Champh…

International Day For Biodiversity cum Training of BMC hmang

INTERNATIONAL DAY FOR BIODIVERSITY CUM TRAINING OF BMC HMANG : Environment, Forest and Climate Change Department hnuaia Mizoram State Biodiversity Board buatsaihin vawiin khan International Biodiversity Day leh BMC training chu I&PR Auditorium, Champhaiah neih a ni a. He hun 'Our Biodiversity, Our food, Our health'.  tih thupui hmanga neih hi Forest department changtu Minister Pu TJ Lalnuntluanga chuan khuallian niin a hmanpui a ni. Minister Pu TJ Lalnuntluanga chuan thusawiin Pathian malsawmna kan dawn nungcha leh ramngawte humhalh kawngah tan lak thar angai a, Champhai Master plan tunhnaia tharthawh mek pawh biodiversity venhimna tura tangkai tak tur leh hemi kawnga hmalakna pakhat a ni, a ti a.  Sava leh nungchate nasa taka suat ani thin chu a vei thu leh  Home Department bultumin Arms Act ennnawn mek niin Air gun te pawh mumal leh felfai zawka  licence siama khuahkhirh tum anih thu a sawi a. Forest Minister chuan nungcha, thing leh maute chu  Pathian malsawmna min pek an…

Chanchin tawi lawrkhawm

ORDER SUT : Gov't Champhai College-a History zirtirtu pahnih sawn tura hriattirna tihchhuah tawh chu, Champhai South-Bialtu MLA, Minister TJ Lalnuntluanga hmalakna zarah transfer order hi sut leh a ni tih thu kan dawng.
CASE TLAHNIAM : Kumin January ni 1 atanga June thla thleng' khan Mamit Police Station-ah thubuai 24 ziah luh a ni a, hei hi nikum January leh June thla inkara thubuai ziah luh aiin 18-in a tlem zawk. Thubuai ziah luh tam ber chu in Teh dawr rawk a ni a; thubuai ziah luh 24 zinga 17-te chu chhui chhuah a ni tawh.
SP LEH MJA : Vawiin chawhma dar 10:30 hian Champhai SP Rex Zarzoliana chuan a pisa-ah MJA te leng a sawmin, inhmelhriatna leh thingpui inpui turin a sawm a ni.
TUIALHTHEI Mizofed Pump MS : Hriat loh HSD : Hriat loh RC Filling Station MS : Service Tanky  HSD : Service Tanky  RD Filling Station MS : Nil HSD : Free Sale