Skip to main content

Posts

Showing posts from July 6, 2019

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

North-east a Police Station tha ber Champhai PS

NORTH-EAST A POLICE STATION THA BER CHAMPHAI PS : Kum 2018-2019 chhunga Champhai District chhunga dan bawhchhiatna chi hrang hrang Mizoram Police-in a chhinchhiah dan thlirletna 'Crime Review Meeting' chu nimin khan Champhai District SP Rex Zarzoliana Vanchhawng hovin Champhai Police Station Conference Hall-ah neih a ni. He thlirletna huna tarlan a nih dan chuan kum 2018 chhung khan Champhai District chhung Police Station hrang hranga thubuai ziahluhzat hi 104 niin, kumin June thla thlenga thubuai ziahluh hi 93 a ni thung. Kumin January atanga June thla thlenga Ruihhlo leh a kaihhnawih  an man zat tarlanah : Heroine Gram 878.03 Cheng 3,26,800; Methamphetamine Kg 29.228, Mum 2,60,000, Cheng Nuai 390 man, China Dawidim Bag 2, Rakzu litre 138,    Pseudoephedrine Kg 335, Cheng 5,14,56,000 man leh Ganja Kg 108, Cheng 5,48,000 BEDC Litre 1186, Canned Beer 480; a vaiin Rs. 7,61,200 man chu an man a. Ruihhlo leh a kaihhnawih an man hlut zawng hi a vaiin Cheng 9,49,72,000 a ni. Heng ba…

Loneitute tan training buatsaih

LONEITUTE TAN TRAINING BUATSAIH : Nimin khan Farmer Friend te tan refresher Training 1&PR Conference Hall, Chanem ah buatsaih a ni. He training hi ATMA Champhai District bultuma buatsaih niin ATMA Champhai District huamchhunga ATMA Scheme hnuaia Farmer Friend mi 50 te tan refresher training hi buatsaih a ni. C. Lalhriatpuia, Project Director ATMA chuan he hun hi kaihruaiin kalkhawm te chu lo neitute an puihna kawng a hlawhtlinna kawng awlsam ber chu taimakna a nih avanga inthlahdah lo va, hlawhtling ngei tura taimak chhuah deuh deuh turin a sawm a ni. Dr. Chinlampianga, Dy. Project Director leh Training Convener ni bawk chuan nimina training buatsaih a nih chhan a sawifiah a, kum kalta a ATMA lakna Achievement Report a pe nghal a, Block tina BTM ten kum 2018-2019 chhunga Fund an hmuh atanga Block tina an hmalak turte a tarlang tel bawk. Lalzarzovi, AEO leh Convener Champhai block chuan kalkhawm te fuihna thu an sawi bawk. Daniel Lalthlamuana, BTM Champhai Block hnen atangin ATMA k…

Ruahtui tlak tlem avanginharsatna tawk

RUAHTUI TLAK TLEM AVANGIN HARSATNA TAWK: Ruahtui a tlak that loh avangin Champhai zawla loneitu thahnem takin buh an la phun thei lo. Kum dang anga kumin hian ruahtui a tlak that loh avang leh ruah a tlak har avangin Champhai zawla loneitu tam tak te chua kum danga buh an hunah buh an la phunthei lo va, kum dangah chuan July thla tirah buh phun hma pawlte chuan hlo an thlo hial tawh thin a, kuminah erawh buh phun lo an la tam hle a ni. Ruahtui a tlak har avang hian Buh chi ahun takah kui theih a ni lo va, buh phun  turin phai sawngbawl hleihtheih a nih loh bawk avangin loneitu thenkhat chuan buh hi thingtlang lo angin tuhin an tuh hial a ni. Buh phun theite pawhin kum dang anga phun tlai avang leh buh la phun thei lo tam tak an awm phun bialte an avang hian kumin hian Champhai zawlah kum dang angin buh thar tam theih a

beiseiawm loh hle a ni.

Chanchinthar tawi zual

MOTOR CHESUAL AH BORAL : Nimin tlai dar 4:00 vel khan Kawtchhuah ropui en tura kal Car chesualin, a khalhtu Lalbiakmawia, Bungzung khua chu ahmunaha boral a, pakhat hliam na deuhin, midang 3 chu an him niin thu kan dawng.
BANK LAMIN INTERVIEW : Nimin khan UD&PA hnuaia Loan dil tute chu Bank hrang hrang te'n Personal Interview an neih pui. He hun hi UD&PA Office ah neih niin Bank hrang hrang, United Bank of India, Mizoram Co-operative Apex Bank, Axis bank, Mizoram Rural Bank, Canara leh IDBI Bank te chuan a hmunah thutchilh in interview hi an la a, zawhna chi hrang hrang zawtin Loan diltu in Loan a dil chhan leh enga tana hman tur nge a nih tih te chu chik taka zawhfiah an ni. Mirethei Loan hi June thla khan dilna hun hawn niin, Champhai khaw chhunga veng hrang hrang a mi 196 ten an dil a ni.


DFO SAWN : Nimin khan Mizoram Forest Service Officer awmhmun siksawi a ni a. Champhai DFO C.Lalbiaka chu DCF0(Wildlife) Aizawl hna chelh tura sawn a ni a. A hmunruak hi DFO Thenzawl hna …