Skip to main content

Posts

Showing posts from August 17, 2019

FAVANG CHHUNG NEIA MJA PRESS CLUB KAWNG SIAM PHUT

FAVANG CHHUNG NEIA MJA PRESS CLUB KAWNG SIAM PHUT : Inrinni khan MJA Champhai District chuan Press Club ah General Body Meeting nein kumin Favang chhung ngein hian PWD chuan an Press Club kawng chu black top sak turin an ngen. Нe Meeting hibC.Lalhnunpuia, President MJA kaihhruaia neih niin henhunah hian District Level Committee on cleanliness competition 2019 ChamphaibDistrict in Addl. DC Alexander V. Chawngthu kaihhruaina hnuai a faina hapta hman tura sawrkar Pisa hrang hrang fai leh, BDO Champhai kaihhruaina hnuaiah Hotel leh Restaurant fai endik turanChamphai District MJA te a ngenna chuntihhlawhtlin sak ngeini se tiin an rel a. I&PR Directorate in kumin November thla a India ram chhim lam fang a Study/Tour MJA te tana buatsaih turah Champhai District MJA atangin mi 2 kal turin an ruatani. MZI Headquarters Champhai in Zoawi Lelte leh Beat Contest, Champhai District MJA te nen tangkawpa thlanna nei tura rawtna an siam chu pawl pahnih hruaitute ve ve in zirchianga sawiho leh ni s…

CHAMPHAI ṬHALAI PAWL THUCHHUAH

CHAMPHAI ṬHALAI PAWL THUCHHUAH :
Champhai Ṭhalai Pawl ten Champhai Damdawiin Solar Plant chhia siam tha tura Mizoram Sawrkar vawi li lai a ngen hnuah an lehkha No. B. 11013/99/2012/SOLAR/DHME (PP) 252 a chhanna kan hmu hi kan lawm hle a.

Champhai Damdawiin Solar Plant siam that nan hian Zoram Energy Development Agency (ZEDA) hnenah a sum mamawh zat tur ruahmanna siam tirin Champhai Damdawiin Solar Plant siam that nan sum tam tak sen ngai lova Rs. 3,30,792 chauh sen a ngai lehzel tih ZEDA lehkha No.T.11082/01/2018-ZEDA in Mizoram Sawrkar an hriattir leh hi lawmawm kan ti takzet a.

Champhai Ṭhalai Pawl chuan August thla chhunga siamtha ngei turin Mizoram Sawrkar hnuaia Hospital & Medical Education, Aizawl chu a phutin a ngen tak meuh meuh a. Champhai Ṭhalai Pawl    huntiam August thla chhunga hmalakna a hmulo a nih chuan Champhai Ṭhalai Pawl chuan a remhriat angin hma ala dawn a. Engpawh lo thlengse Champhai Ṭhalai Pawl in mawh a phur lo ang.

Tin, Trauma sak mek Sawrkarin nikum 2018…

MINISTER IN A BIAL CHHUNG KHUA TLAWH

MINISTER IN A BIAL CHHUNG KHUA TLAWH : Nimin khan Law and Judicial Minister Pu TJ Lalnuntluanga chuan Zokhawthar leh Melbuk khuate tlawhin khawtlang mipui mamawhte, ramri Inkalpawhna leh insumdawntawnna te Sawrkar official-te nen an  enho a ni. Minister chuan thusawiin  Zokhawthar leh Melbuk te  chu Zoram laili Zofate inkalpawhna hmun pawimawh tak a ni, a ti a. Zofate inpumkhtna leh inpawhtawnna turin  Champhai leh Tahan inkarah Bus service tuma hmalak anih thu leh inpumkhtna leh inkalpawhna a awm loh chuan inhlat a awl thu a sawi a.  Immigration and Integrated check post leh Land Custom Station changtlung zawk siam tura hmalak anih thu a sawi bawk. Law Minister leh Champhai South bialtu MLA nibawk chuan mipui banphak awlsam taka thuneitute nena  indawrtawn theihna hun Public Interview buatsaih chuan khua leh tuite tana Sawrkar inchhawp hnaih tumna a tilang a ni, a ti a.Public interview hmangin inrawntlanna Department kaihhnawih hotute nen neih anih dawn thu leh  thil tih theih leh hmala…

BAWRHSAP IN SCHEME THAR HAWNG

BAWRHSAP IN SCHEME THAR HAWNG : Nimin khan Champhai District chhunga hman tan tur Swasth SHG Pariwar tih scheme chu Champhai Bawrhsap Dr Naveen Aggarwal an I&PR Auditorium ah a hawng. Bawrhsap chuan thusawiin  hriselna atana  sum kan hman thin te hi mitin te tan intawm leh hman tlan vek theih tawh a ni, a ti a. Dam lohna avanga pawisa tam tak kan insen thinnate chu chhungkaw tam tak min tibuaitu leh retheihna khura min hnukhlutu a ni thin a, Central Sawrkar in DAY NULM leh AB-PMJAY thawhho theihna tur kawng a hawn thu a sawi a. Mirethei leh harsa zawk te tan sawrkarin health camp a buatsaih tur thu a tarlang a, Nutrition scheme hnuaiah nu naupai mekte tan chaw tha an dawn theihna tur a hmalak mek a nih thu leh naupang hrisel zawk an lo pian zel theihna tur atana hmalak  tum ber a nih thu a sawi a, chumi atan chuan Anganwadi te hi an pawimawh em em a ni a ti.Heng sawrkarin a tum hrang hrangah te hian Department kaihhnawih te tanrual angaih thu sawiin,  Swasth SHG Pariwar hi a hawng a…

DAN KENKAWH CHUNGCHANG INZIRTIR

DAN KENKAWH CHUNGCHANG INZIRTIR : Ruihhlo leh a kaihhnawih chungchangah chiang zawka Police-ten dan leh hrai an kenkawh theihna tura zirtirna leh inhrilh hriatna chu nimin khan Champhai Police Station Conference Hall- ah neih a ni. He hun hi Champhai District Addl Session Judge R.Vanlalena'n a hmanpui a, Dr. Lalhlupuii, Ukil Jenny Lalchhanchhuahi Vandir, Clinical Psycholigist Jane Lalduhchhungi Vanchhawng leh PC Lalzuala MPS (Rtd) ten thupui thlanbik hmangin zirtirna an pe. Ruihhlo leh a kaihhnawih chungchang leh Police ten dan leh hrai an hman dan zirtirna hi Additional SP Francis Lalnuntluanga Ralte chuan kaihruaiin, Addl. Session Judge R. Vanlalena chuan thil sualtitu leh dan bawhchhetu dik takte hrem an nih theihna tura Dan hi duan a nih thu leh pawisawilo-ten hremna an tawrh ve lohna turin fimkhur leh chipchiar taka duan a ni tih a sawi a. Thil sualtitu ten an phutawk hremna an tawrh ngeina turin Police-ten an tih turah an chian a pawimawh thu leh Dan in a phut ang tih famkim tawk loh …

CHAMPHAI AH INDEPENDENCE DAY

CHAMPHAI AH INDEPENDENCE DAY : Ningani khan Chhangphut Field-ah India ram Zalenna Ni, Independence Day vawi, 73-na chu ropui taka lawm a ni. Champhai District- a zalenna ni lawmna pui berah hian TJ Lalnuntluanga, Law and Judicial Minister chu khuallian a ni a, hnam puanzar pawt pharhin parade contingent 20-te chibai buk a chhanglet a. Naupang huaisen chawimawina,- Jeevan Raksha Padak dawngtu Lalthasangzuali D/o Roluahpuia Chalthleng, Champhai Kahrawt, King Solomon's School-a Class- VIII a zirlai a a thiannu a tuitla a chhanchhuah hnenah chawimawina, Medallion leh Citation hlanin Parade Contingent tithate lawmiman a sem nghal a ni. Khuallian TJLalnuntluanga chuan, ram dang awp behna atanga India-in zalenna neia ropui tak a nih theihna tura hruaitu hmasa leh nunna hlu tak hlantute chu hriatreng an nih thu sawiin, India khua leh tuite chu ram hmasawn zel leh inpumkhatna kawngah mawhphurhna an neihte hlena theihtawp chhuah turin ram a sawm a ni. Mizoram sawrkarin kuthnathawktute leh thalai…

MINISTER LEH MJA INKAWM

MINISTER LEH MJA INKAWM : Ningani zan khan Champhai South bialtu MLA, Minister ni bawk TJ Lalnuntluanga leh MJA Champhai District te chuan Circuit House-ah inkawmhona hun an hmang. He hunah hian Minister TJ Lalnuntluanga chuan Chief Minister Zoramthanga aiawha Central sorkar huaihawt thut khawma a telna leh Union Minister te a kawm report a pe a, Champhai district leh Mizoram   hmasawnna tur hrang hrang a thlente chu lo tihhlawhtlin dan tur lo ngaihtuahin tam tak chu hmalakna hmuh theih nghal a nih thu MJA te a hrilh a, a hmalakna hrang hrangte chu Press mite nen hian an sawiho nghal a ni. MJA te hian Champhai hmasawnna atana tul leh pawimawh hrang hrang minister hnenah hian an thlen a, minister hian a theih ang tawka hmalak a tum thu a lo hrilh a ni.

OFFICE ENDIK

OFFICE ENDIK : Mizoram Taxation Department hotu ber Commissioner of State Tax, Kailiana Ralte chuan nimin khan Champhai Taxation Office a tlawh. Taxation Office-ah hian Staff meeting a neihpui a, he hun hi Champhai Taxation a an hotu ber  P. Lalrinmawia'n a kaihruai a. Kailiana Ralte chuan Champhai Taxation Office leh staff te chu, hna tha tak an thawh avanga lawmawm a tih thu sawiin, Mizoram zonal office hrang hrang zingah thawhhlawk leh thawktha ber pawl an nih thu a sawi bawk. Burma lam atanga bungraw rawn lut leh state pawna thawnchhuah chi kuhva leh thildang te mumal taka enfel a nih theih nan Checkgate hawn leh dan tur te an sawi ho a, a rang thei ang a hma lak tum a. nih thu a sawi a ni. Kailiana Ralte. hi vawiin hian amah zuitute nen Aizawl lamah an haw thla ang.

TANPUINA PE

TANPUINA PE: Champhai Buffalo (Bullet rider-te) chuan kum tin Independence Day apianga a lo tih thin angin, Ningani khan Tuipui leh Chhungte-ah Independence Day Charity Ride an nei a, khawsak harsa zawk leh tanpui ngai Chhungkaw 5-te hnenah tanpuina Rs. 17,000/- an sem chhuak ani.

DIN CHAM LAWM

DIN CHAM LAWM : Ruantlang Branch YMA chuan nimiin khan an branch din champha vawi 65 na pualin nileng. in Lersia field ah Football leh Volleyball. hmangin intihhlimna hun an hmang a, Genesaret Home, New Champhai ah Rising Day pualin tanpuina Cheng 5,000 an hlan bawk. Ruan- tlang Branch YMA hi Kum 1955 October ni 14 khan an an ding tan a, tunah hian member 557 an awm mek


RUIHHLO MAN

RUIHHLO MAN : Ningani tlai dar 3:30 vel khan Zokhawthar atanga Champhai pana tlan Sumo atangin Hringlangtlang pengah Lalthakima, Kum41, s/o T.Chhuma Khawzawl Vengthar leh Malsawmdawngliana, kum 27, s/o C.Dinthanga, Aizawl Bawngkawn Venglai hnen atangin Mizoram Police leh 8th Assam. Rifles tangkawp duty te chuan heroin hawng 30,. Gram 378.7 an man a, tualchhung hralhnaa. chhutin Cheng Nuai 15 man a ni. Heroin neitu a puh Lalthakima leh Malsawmdawngliana te hi ND&PS Act hnuaiah Case siamsak an niin nimin khan District Court-ah thawn an ni.

MZP SILVER JUBILEE LAWMNA CHIKHAT

MZP SILVER JUBILEE LAWMNA CHIKHAT : MZP Hqrs Champhai Silver Jubilee lawmna pakhat atana Career awarness neih chu Ningani khan tan a ni a. LAD Picnic Spot ah Gov't Champhai College Alumni Association nen tangkawpin Career awareness NCC, Gov't Champhai College pual aneih niin, zanriah kilho a ni. Zan lamah North Khawbung leh Hmunhmeltha-ah neih zui leh a ni. MZP Hqrs Champhai silver jubilee lawmna pui ber hi October ni 3-a neih tura ruahman niin Jubilee pual Prog. hrang hrang neih chhoh zel tum a ni.