Skip to main content

Posts

Showing posts from August 19, 2019

RUIHHLO MAN

RUIHHLO MAN : Inrinni zan dar 10:00 vel khan Excise & Narcotics staff Champhai leh 8th Assam Riffles tangkawp ten Chhungte khaw dai-ah Methamphetamine mum 4040, 404gms a rit an man a. A neitua puh hnamdang mi 3 - Arif Uddin (36) s/o Kurman Ali of Manikbond,, Patharkandi Karimganj District, Assam; Farich( Uddin27) s/o Majir Uddin of Madhurband, Karimganj District, Assam; Kabir Uddin (26) s/o Ajir Uddin of Manikbond, Patharkandi, Karimganj district Assam te man an ni a. Heng mite hi ND&PS Act hnuaiah thubuai siam sak niin, nimin khan Champhai Court-ah hruai niin, court chuan ni 14 chhung judicial custody-a awm turin thupek a siam a, Champhai District Jail-ah dahluh nghal an ni. Meth hi tualchhung hralhna rate-ah mum khat Rs. 150 a ni.

RUIHHLO TAM THAM TAK MAN

RUIHHLO TAM THAM TAK MAN : Inrinni chawhma khan Champhaia Excise & Narcotics Enforcement Staff duty-ten Champhai leh Zokhawthar inkara Maxicab  pakhat atangin tunlaia ruihhlo lar leh hlauhawm tak, Methamphetamine tam tham tak chu Zokhawthar panna kawng, Champhai District Park pengah he ruihhlo hi zin bag siam danglam chhuat hnuaiah thuhruk a niin, Excise & Narcotics Staff-ten uluk taka an enfiah hnuah he ruihhlo hi an man chhuak a. Ruihhlo neitua puh Tinsianmunga kum 50, Tinzama fapa, Tahan Pyi Daw Ta, Myanmar a cheng ni a inchhal chu man a niin, midang ta a ken sak angin a insawi thung a.  He ruihhlo hi Mum 50,500 a tam niin, tunlai tualchhung hralhna a chhutin Cheng 75,75,000 man a ni. Tinsianmunga hi ND & PS Act tlawhchhanin thubuai siam sak a ni a. Champhai District Hospital-ah a hriselna enfiah a niin, Inrinni chawhnu khan District Court-ah hruai a ni a. Champhai District Jail-ah dahluh nghal a ni. Inrinni vek khan Excise & Narcotics Enforcement Staff duty-te hian…

LITERATURE WEEK DISCOUNT

LITERATURE WEEK DISCOUNT : Ni 19-22/8/2019 chhung hian Vengthlang Branch KTP te chuan Literature Week an hmang dawn a. Hemi pual hian Synod  Bookroom chuan an bungruate an Discount dawn a. Mipui ten Thawhtanni zan, Thawhlehni zan leh Ningani zan Dar 6-9 pm chhungin man tlawm takin a lei theih ang.

LIRTHEI KE 6 NEI CHIN CHIAH

LIRTHEI KE 6 NEI CHIN CHIAH: Champhai leh Aizawl inkara lirthei tlan, kawng laka tangkhang nasa lutuk thin ti ziaawm turin Champhai SP chuan ritphur lirthei ke 6 nei aia tamte chu August ni 16 atanga September 30 thleng Champhai district kawngpuiah kal lo turin thupek a chhuah. Tarlan tawh angin kumin Fur chhung hian Champhai leh Aizawl inkarah lirthei chesual leh khawihchet zui ngam loh lirthei tang a tam hle a, lirthei tangkhang thin hian nitin nunphung a nghawng tak avangin, lirthei leh mipui him zawk nan Champhai  District SP Rex Zarzoliana Vanchhawng chuan July ni 13 atang khan ritphur lirthei bik tan ni inkardan a intlanchhawk turin thuchhuah alo siam tawh a. SP thuchhuah hian zawm hlawh viau mah se, lirthei tlanten kawng lakah harsatna an la tawh tho avangin, August-ni 7-a SP kaihhruai khawtlang hruaitu te, lirthei neitute leh bungraw neitu thukhawm rel angin SP chuan Lirthei Ke 6 nei aia tam tlan rih lo tura thuchhuah a siam bakah, ni kardan a ritphur lirthei intlan chhawk paw…

e-VISA BUATSAIH

e-VISA BUATSAIH : Champhai Bawrhsap pisa ruahmanna-in thla hnih/khat chhunga e-Visa District Facilitation Centre, DC Office kaltlanga buatsaih hman tum a ni. Sorkar thuchhuahin a sawi danin Inrinni khan Trasport Minister TJ Lalnuntluanga chuan Champhai Bawrhsap Dr Naveen Aggarwal leh District thuneitu dangte a chenna Champhai Kahrawt Vengah kawmin e-Visa chungchang hi an sawiho a. Dan ang thlapa India leh Myanmar inkalpawhna awlsam leh rang taka mamawhtuten internet kaltlanga e-visa an dil zung zung theihna tur chungchang chipchiar taka sawiho à ni a. Minister thurawn leh ngenna bawhzuiin Champhai Bawrhsap pisa a e-Visa dil theihna hi ruahman tura tih a ni ta a. Hei hian Immigration Centre leh Integrated Check Post changtlung zawk siam kawngah kawngro a sut ngei beisei a nih thu inhmuhkhawmna-ah hian tarlan a ni. Law Minister ho hian District Official-ten Zirtawpni kalta khan Myanmar Immigration Office, Khawmawi Myanmar a mi chu tlawhin thawktute hnathawh dan, hmalakna leh e-Visa chun…

POLICE REPORT

POLICE REPORT : July thla chhung khan Champhai Police te chuan ruihhlo, Heroin Cheng 34,50,000 man zet an man. Champhai Police te'n July thla chhunga Heroin an man zawng zawng hi hawng 69 niin, gram 1895.12 a ni. Heroin hi tum 9 man niin July ni 6 khan gram 312.96 an man a, Cheng Nuai 11 man a ni. July ni 26 kha an man tlem ber tum niin gram 42 an man a, tualchhung а hralhnaa chhutin Cheng Nuai 3 man a ni.

AWARD DAWNG

AWARD DAWNG : Zomuansangi Anganwadi Worker, Vengthlang, Vanlalruali A/Helper, Vengthlang; R. Zonunsiami ANM Vengsang; Ngurziki ASHA. Vengthlang North leh Vanlalchhuangi CO,  Vengthlang te chu AAAA&LS Covergence  Award (thawhhona tha) dawng tura thlan an ni a. He Award hi tun thla ni  23  khian New Delhi (Ashok Hotel)-ah hlan an ni dawn a, Award hian Citation bakah Pawisa fai Rs. 50000/- theuh a keng tel ang.

BSI AREA MEET

BSI AREA MEET : Inrinni atang khan Vengsang Presbyterian Kohhran Biak Inah BSI Area Meet neih tan a ni a, Area Meet neih chhung hian Upa  Denghmingthanga, Aizawl Auxiliary Resource Person chu Speaker atan hman a ni a, NI. Malsawmtluangi hnen atangin Pathian fakna hla ngaihthlak thin a ni bawk.

INBUATSAIH TAN

INBUATSAIH TAN : UPC Mizoram PYD General Conference vawi 25 na hmanna tur Hnahlan Playground-a Pandal sak hnatlang chu August ni 15 atang khan  Hnahlan Branch YMA te bultumin neih tan a ni a. Champhai leh Hnahlan khaw thenawm atangin Pandal sak hnatlangah  hian Mizoram UPC Kohhran mi eng emaw zat an thawkchhuak thin a ni. Hnatlangah hian mi 350 vel an thawk chhuakthei a, Pandal Structure an hlang fel tawh a, Hnahlan YMA hruaitute sawi danin hnatlang hi ni 2 vel neih chhunzawm tum a ni a, hemi chhung hian Pandal hi sa zo mai thei turah an in ngai tawh ani.

MINISTER IN BIAL CHHUNG CHHUNZAWM

MINISTER IN BIAL CHHUNG CHHUNZAWM : Inrinni khan Law and Judicial Minister TJ Lalnuntluanga chuan a bial chhung khua Dilkawn, Kelkang leh Champhai Bethel Veng te tlawhin Sawrkar Department hotute nen a bial mipui kawmin an mamawh leh harsatnate an enfiah sak. Heng khua leh veng a tlawhnaah hian Law Minister chuan mamawh leh harsatna  khawtlang zawng zawng vawi-leh-khatah a chinfel mai theih loh avangin a pawimawh dan ang zelin a tahtawla hmalak thin a nih thu a sawi a. Mipui te chu ram neitu thinlung pu thing leh mau humhalh kawnga tan la turin a chah a Kut tlingloa sum lakluh leh hlemhletna laka fihlim tura chahin, rilru puthmang dik siam hmasak phawt chuan hmasawnna dangte dik takin kalpui theih a ni, a ti a. Mamawhtute tana awlsam taka dawr theiha thuneitute an inchhawp hnai chu ram  inkaihhruaina leh inrelbawlna kawnga bung thar a nih thu a sawi a. Minister chuan  hmasawnna dik leh tluantling nei turin moral development neih hmasak a ngai a, thinlung  thianghlim, dikna, rinawmna l…