Skip to main content

Posts

Showing posts from September 3, 2019

CHHUNGKAW KAR HMANG

CHHUNGKAW KAR HMANG : Khawvel puma Seventh Day Adventist te chuan tunlai hian Family Togetherness Week an hmang mek a. Champhai North bial vawngtu Pastor Zosangkima Tlau chuan Inrinni khan Champhai Kohhran Biak Inah hun a hmang. Pastor hnen atang hian chhungkaw pawimawhna lam hawi thuchah ngaihthlak thin a ni.

TLEIRAWL TE HRISELNA ENFIAH

TLEIRAWL TE HRISELNA ENFIAH : Nimin khan Champhai DC Dr. Naveen Aggarwal chuan MJA Champhai District member-te lengah sawmin tunhnai maia POSHAN Abhiyaan kalpui tha lawmman 2018-19 Champhai District-in a lak tak leh High School kal Zirlaite hriselna zirchianna Haemoglobin Test kalpui dante leh hmalakna tulte DC Conference Hall-ah a sawipui.  Dr Naveen Aggarwal chuan POSHAN Abhiyaan chungchang sawizauin, POSHAN Abhiyaan chu  Nu naupai, Nutling leh naupangten an mamawh ang eitur tha an dawn theihna tura hmalakna niin,  eitur tha   ei chuan mi a ti hrisel a, nau hrisel  tak hrin kawngah hma thui tak a su a ni, a ti a. School-ah Mid Day Meal-te sem anih bakah Anganwadi-ah Naupang leh Nu tana chawtha leh damdawi Iron, Vitamin leh  thil dangte pekchhuah thin a nih thu leh POSHAN Abhiyaan hnuaiah   chaw tha  leh damdawi pekchhuahte felfai taka digital hmanga ziahluh thlap zel a ni, a ti a. Champhai District-in POSHAN Abhiyaan hnuaia Mizorama District titha ber ani chu chhuanawm a tih thu leh h…

EVP CHUNGCHANG MEDIA-TE HRILHFIAH

EVP CHUNGCHANG MEDIA-TE HRILHFIAH : Nimin chawhma khan Champhai DC Conference Hall-ah Special Summary Revision of Electoral Rolls, 2020 kalpuina tura ECI in a duan thar programme pawimawh tak Electors Verification Programme (EVP)   chungchang Media-te hnena hrilhhriatna neih niin,  he hun hi District Election Officer Dr. Naveen Aggarwal chuan a kaihruai a ni.
Dr.Naveen Aggarwal chuan Electors Verification Programme  chu ECI in a duan thar Electoral Roll hrisel, felfai leh dik tak siam theihna tura hmalakna pawimawh tak a ni, a ti a. EVP hmang hian khua leh tui vote nei tawh phawt chuan ECI pawmpui document kengin  Electoral Roll-a an chuanna enin, a dik lek dik loh an finfiah thei a,  ECI lam endikna leh mimal inendikna a ni thei ve ve a ni, a ti a. Vote nei thar tur, siam that ngai leh paih ngaite thlenga thlen theihna ani tiin, Rualbanlo/ Vohbikte tan Toll Free Number-1950 kaltlangin harsatna thlen theih anih thu a sawi a.  DEO chuan EVP hmangin Polling Station  leh Voter-te an chenna…

HEALTH CARE SCHEME THAR ZIRHO

HEALTH CARE SCHEME THAR ZIRHO : Nimin khan Champhai District chhunga Health Worker, VC leh YMA tan Mizoram Health Care Scheme thar chungchang inzirtirna hun hman a ni. He hun hi I&PR Auditorium, CHANEM-ah neih niin Dr. Lalawmpuia, CMO chuan a kaihhruai a. Resource Person Dr.C.Lalthanpara, Mizoram Health Care Society Officer on Special Duty, SMO Aizawl ni bawk chuan kalkhawmte hnenah Health Care Scheme thar chungchangah zirtirna a pe a.Dr C. Lalthanpara  chuan he Scheme thar hian AB-PMJAY ang tho in chhungkaw harsa zawkte a thlawna inenkawlna an dawn theihna tur chu a tum ber a nih thu a sawi a. He scheme tharah hian chhungkaw member zat bithliah a awm lo tih sawiin, sawrkar hnathawk MR Bill thei lo te tan pawh hamthatna a awm tih a tarlang tel bawk. He scheme hi kumin October ni 1 atanga hman tan tura duan niin, AB-PMJAY hmang thei lo - BPL, APL leh sawrkar hnathawk te'n sawrkara an bill sak theih loh chhungkaw member zawng zawng an in ziaklut thei a Health Care hamthatna an hmang tan…

HNAMDANG NEILO TURIN INTIAM

HNAMDANG NEILO TURIN INTIAM : MZP Headquarters Champhai hmalakna-in nimin khan Gov't GM HSS Champhai-ah hnamdang nupui/ pasal a neilo tur a intiamna hun hman a ni. He hunah hian H.Lalramhluna, President MZP Headquarters Champhai chuan thu sawiin, kan ram leh hnam humhalh a tulzia leh nupui pasala Mizo ngei neih hi ram leh hnam humhimna atanpawimawh tak a nih thu leh, Mizo hnam dan kan neiha hnamdang nei te dinhmun a tarlang a. Mizo te chuan mahni Mizo pui ngei chauh nupui pasal a nei tur hian a sawm bawk a. Zirna an chhunzawm hunah pawh hnamdang ngaihzawn chungchanga fimkhur a, Mizo hnam timualphotu nilo turin a chah bawk a. Zirlaite hi hnamdang nupui pasal a nei lo turin an intiam nghal bawk.

BLO TRAINING

BLO TRAINING : Vawiin chawhma dar 11:30 hian I&PR Auditorium, CHANEM Building-ah Champhai North, South leh East Tuipui Assembly bial chhunga Booth Level Officer (BLO) te tan E/Roll ennawn kalpui tur chungchangah training buatsaih a ni dawn.