Skip to main content

Posts

Showing posts from September 4, 2019

FAVANG CHHUNG NEIA MJA PRESS CLUB KAWNG SIAM PHUT

FAVANG CHHUNG NEIA MJA PRESS CLUB KAWNG SIAM PHUT : Inrinni khan MJA Champhai District chuan Press Club ah General Body Meeting nein kumin Favang chhung ngein hian PWD chuan an Press Club kawng chu black top sak turin an ngen. Нe Meeting hibC.Lalhnunpuia, President MJA kaihhruaia neih niin henhunah hian District Level Committee on cleanliness competition 2019 ChamphaibDistrict in Addl. DC Alexander V. Chawngthu kaihhruaina hnuai a faina hapta hman tura sawrkar Pisa hrang hrang fai leh, BDO Champhai kaihhruaina hnuaiah Hotel leh Restaurant fai endik turanChamphai District MJA te a ngenna chuntihhlawhtlin sak ngeini se tiin an rel a. I&PR Directorate in kumin November thla a India ram chhim lam fang a Study/Tour MJA te tana buatsaih turah Champhai District MJA atangin mi 2 kal turin an ruatani. MZI Headquarters Champhai in Zoawi Lelte leh Beat Contest, Champhai District MJA te nen tangkawpa thlanna nei tura rawtna an siam chu pawl pahnih hruaitute ve ve in zirchianga sawiho leh ni s…

TLAWMNGAI PAWL LEH THAWKTU DANGTE HNENAH ZIRTIRNA PE

TLAWMNGAI PAWL LEH THAWKTU DANGTE HNENAH ZIRTIRNA PE : Nimin khan Mizoram State Health Care Society buatsaihin Champhai Venglai Community Hall-ah MSHCS leh AB-PMJAY chungchang Health Worker, Asha leh NGO hruaitute zirtir an ni He hunah hian Champhai District chhunga PHC, CHC leh District Hospital hnuaia Health Worker leh ASHA te bakah NGO hruaitute kohkhawm an ni a. He hun hi Dr. R. Lianmawia, SMO Champhai chuan kaihruaiin Health Care Scheme thar chu kan khua leh tuite hamthatna a ni tih hriaa a, midangte hnena hrilhchhawng thei tura uluk taka ngaithla turin trainee te chu a chah a Resource Person Dr. C Lalthanpara chuan, Health Care Scheme hi Khawvelin-a buaipui leh khawvel ram ropui zawkte pawhin an kálpui mek a ni, a ti a. Kan hrisel lai chuan thil a kaltluang viau pawh a ni thei a, damlohna kan han tawk chiah a, chhungkaw thenkhat chuan pawisa khawlsa kan lo neih loh avangin harsatna leh buaina kan tawk ta thin a ni, a ti a. Chung harsatnate chu ka pumpelh theihna tur chuan Health Insuran…

BLO TAN TRAINING BUATSAIH

BLO TAN TRAINING BUATSAIH : District Election Office Champhai bultumin nimin khan Booth Level Officer (BLO) te pualin I&PR Auditorium-ah training buatsaih a ni a. Special Summary Revision of Electoral Roll, 2020  neihna tura pawimawh  tak Electors Verification Programme (EVP), Forms pawimawh leh BLO Apps te he hunah hian zirtir an ni. Training hawngtu Pu Alexander V.Chongthu, Addl DC le ERO Champhai South A/C ni bawk chuan Training tura lokal khawm BLO lo ni tawh leh a tharte lawmna thu a sawi a.  Electoral Roll chu inthlan buaipuina kawnga pawimawh hmasa ber a ni a, inthlan felfai leh dik nei turin Electoral Roll   felfai tak neih a ngaih avangin hemi buaipuitu BLO te chu an pawimawh hle a ni, a ti a. Electoral Roll siam thar lehnaah pawh BLO te chu uluk leh fimkhur tur a chahin, a hnarkaitu an nih hre thar leh turin a chah bawk a ni. Inthlang ram kan nih angin inthlan apiangin ECI ruahmannain thil thar a awm zel a,  zawm thei   turin  thawktute   intuaithar zel angaih thu a sawi a…

RAN HRI DANNA PE DAWN

RAN HRI DANNA PE DAWN : India sawrkar ruahman angin tun thla chhung hian ram pumah ran ke leh ka na hri danna pek a ni dawn a. Hemi chungchang training hi vawiin hian Champhai ah neih a ni ang a, naktuk atangin FMD vaccine hi pek zui a ni ang tih thu kan dawng.

MIT PE MI 10 AWM TAWH

MIT PE MI 10 AWM TAWH : Nimin khan Champhai DIET multipurpose hall, Zotlangah District Blindness Control Society & Visual  Impairment buatsaihin DIET-a zirlai te leh staff te nen Eye Donation Fortnight  Programme hman a ni. He hun hi Dr R. Lalawmpuia, CMO Champhai in a kaihruai a. Dr Laltanpuia Chhangte, Eye Surgeon chuan eye donation chungchang report a pe a, awareness neih zui a ni. Mit pek a hlauhawm loh zia leh Mizo Kristian te tan chuan tih tur awm reng a nihzia te, mit donate kan intihhmuh a, midangte kan inzirtir zel a tulzia te ngaihthlak a ni. Champhai District ah hian mit donate tawh hi mi 10 an awm tawh a, heng zinga mi 5 te hi nikum lamah certificate pek an lo ni tawh a; a bak mi 5 te hi nimin khan pek leh niin, Dr. Zatluanga, Medical Superintendent, Distric Hospital in certificate hi a hlan a ni. Kal khawmte zing atangin mit donate tura pledge chhang mi 40 an awm a, nikum lam khan Champhai District  chhungah mi 300 vel pledge chhang hi an lo awm tawh bawk.

COLLEGE ENDIK

COLLEGE ENDIK : Mizoram Legislative Assembly hnuaia Committee peng pakhat Subject Committee-ll chuan an Chairman Dr F.Lalnunmawia, Aizawl South III bialtu MLA hovin niminpiah khan  Gov't Khawzawl College an tlawh a, RUSA hnuaia hnathawh hrang hrangte an endik a. Hemi hma hian Saitual College an tlawh a, nimin khan Champhai College tlawhin, tlai lamah khan Aizawl panin an kir thla leh ta a ni.

RUIHHLO MAN

RUIHHLO MAN : Pathianni tlai lam khan Zokhawthar ah Excise & Narcotics Enforcement Staff te chuan Heroin hawng hnih, gram 24.2 an man a, a neitu nia rin Zonunmawia kum 25, Roluahpuia, Champhai Electric veng fapa chu an man nghal a, Zonunmawia hi NDPS Act hnuai ah thubuai siamsak nghal a ni.