Skip to main content

Posts

Showing posts from September 6, 2019

FAVANG CHHUNG NEIA MJA PRESS CLUB KAWNG SIAM PHUT

FAVANG CHHUNG NEIA MJA PRESS CLUB KAWNG SIAM PHUT : Inrinni khan MJA Champhai District chuan Press Club ah General Body Meeting nein kumin Favang chhung ngein hian PWD chuan an Press Club kawng chu black top sak turin an ngen. Нe Meeting hibC.Lalhnunpuia, President MJA kaihhruaia neih niin henhunah hian District Level Committee on cleanliness competition 2019 ChamphaibDistrict in Addl. DC Alexander V. Chawngthu kaihhruaina hnuai a faina hapta hman tura sawrkar Pisa hrang hrang fai leh, BDO Champhai kaihhruaina hnuaiah Hotel leh Restaurant fai endik turanChamphai District MJA te a ngenna chuntihhlawhtlin sak ngeini se tiin an rel a. I&PR Directorate in kumin November thla a India ram chhim lam fang a Study/Tour MJA te tana buatsaih turah Champhai District MJA atangin mi 2 kal turin an ruatani. MZI Headquarters Champhai in Zoawi Lelte leh Beat Contest, Champhai District MJA te nen tangkawpa thlanna nei tura rawtna an siam chu pawl pahnih hruaitute ve ve in zirchianga sawiho leh ni s…

ZIRTIRTU INDAIH LOH AVANGIN DISTRICT AIAWH THEILO

ZIRTIRTU INDAIH LOH AVANGIN DISTRICT AIAWH THEILO : Nimina Govt. R.Hranga High School a Zirtirtute Ni denchhena inkhawm buatsaihah Pu C. Lalhnunpuia, President MJA Champhai chuan Zirlaite chu kawng hrang hranga an mahni Zirtirtu, thiamna petu, nundan phung zirtirtute thu zawm a, an mahni zah a,  an mahni entawn tura fuihin zirtirtuten kawng thalo leh kawng chhia an kawhhmuh ngai lova, mihring puitlinga chher chhuak tur che u in an thiamna, tha leh tui, an ngaihtuahna an sengin an hmang a ni a ti. Zirlaite fuihna thu sawiin, Ruihhlo thalo kalkawng kan nih avangin ruihtheih thil lakah zirlaite chu fihlim tum hram hram turin a fuih. He huna thu sawitu dang Pu Lalhlupuia, MJA Information Secretary chuan Zirtirtute pawimawhna leh chawimawi an phu-na chi hrang hrangte tarlangin  zirlaite  tana  hlawhtlinna  thuruk pawimawh- Taimakna, Tumruhna leh Thuawihtheihna vawng nunga, khua leh tui tha ni tura an rilru te siam turin a fuih a, mahni kutke a ding thei te hi  mi chhawr nahawm mi hlawhtlin…

CHAMPHAIAH ZIRTIRTUTE NI VAWI 58-NA LAWM A NI

CHAMPHAIAH ZIRTIRTUTE NI VAWI 58-NA LAWM A NI : Ramchhung hmun dangte rualin nimin khan Champhai District-ah Zirtirtute Ni vawi 58-na chu Sikul hrang hrang ten an lawm a. District Level Teachers’ Day Celebration Committee-in a lo rel tawh bawhzuiin  ruat bik ten Zirna In hrang hrangah kalin he hun hi an hmanpui a. Pu Alexander V.Chongthu, Addl DC Champhai chuan Presbyterian English School (PES) Champhai Vengthlangah he hun hi khuallian niin a hmanpui a, Dr. Lallawmkima  DIPRO in  a  tawiawm a ni.  Pu Alexander V. Chongthu chuan  chuan Zirtirtute Ni pualin District chhunga Zirtirtute zawng zawngte chibai a buk a. PES Champhai Vengthlanga Zirtirtute puala ni pawimawh tak hmang tura  District Level Teachers’ Day Celebration Committee-in a ruat chu nihlawh a in tih thu a sawi a. Zirna In tha tak, a chhunga Zirtirtu  thahnemngai leh Zirlai naupang duhawm tak tak awmte zinga ni pawimawh tak a hmang thei lawmawm a tih thu sawiin, Zirlaite chu anmahni kaihruaitu Zirtirtute zah tur leh an thus…

ZIRTIRTU THA CHAWIMAWI

ZIRTIRTU THA CHAWIMAWI : Nimin vek khan Pu C.Hualrikhuma Dy DPC, RMSA hovin Pu Kulha Hall, Zawlsei-ah Teachers Day lawm a ni a. Champhai District chhunga Middle School zirtirtu tha ber thlan chhuah Pu F. Lalramliana hnênah   khuallianin chawimawina thuziak a hlân. Pu C. Hualrikhuma chuan chhungkua, khawtlang , ram leh hnam hmawsawnna leh siam thatna kawngah zirtirtute chu a vawnfung chelhtu an nih thu a sawi a. Zirna lama Mizo mipate dinhmun hniam zel chu siam tha turin zirtirtute’n theihna sang tak an nei tih sawiin kan hnam a him a, Mizote’n hnam anga zahawmna kan vawn nun zel theihna atana mipa dinhmun siam that a pawimawh hle niin a sawi bawk.

A vawikhatna atan kumin hian zirtirtu thawk tha bik te chawimawina District Teachers Award siam a ni a, Primary Section-ah Pi C. Tlangmawii, Headmaster, Govt. Mualkawi Primary School, Middle School Section-ah Pu F.Lalramliana, Headmaster, Govt. Zawlsei Middle School, High School & Higher Secondary Section-ah Pu R. Rohluma, Teacher, Govt.…

ZIRTIRTUTE NI PUALIN POOR FUND PE

ZIRTIRTUTE NI PUALIN POOR FUND PE: Nimin zing khan  Government Vengsang Comprehensive Middle School zirtirtute chuan Teachers' Day vawi 58 hmanna pualin Champhai District Hospital Poor Fund atan Rs 7000 an hlan. Zirtirtute hian Zirtirtute Ni puala luanchhuahna hun hman tha an tih avangin an sum thawhkhawm,  Rs 7000 chu Champhai District Hospital a damlote tana hman thin Poor Fund atan Headmaster Pu Zaihmingthanga chuan a hlan a ni.

ZIRTIRTUTE NI PUALIN THISEN PE

ZIRTIRTUTE NI PUALIN THISEN PE : Kum danga an lo tih thin tawh danin nimin Teachers' Day pualin PES Vengthlang te chuan Champhai District Hospital Blood Bank-a a mamawh apiangte hman turin thisen an pe a, thisen hi Unit 7 an pe a, tun hi PES Vengthlang zirtirtute hian tum 4 an pekna a ni.

HOSPITAL ENDIK

HOSPITAL ENDIK: Niminpiah khan District Hospital Champhai chu Kayakalp peer assessment (endikna) neih a ni. District Hospital endik tur hian Lunglei Civil Hospital atangin Dr.Lalhmachhuana Hmar MS Specialist(ENT) leh Dr.Lalnunpuii MD (Biochemistry) Medical Officer te an lo kal a. Champhai District Hospital hian Kolasib  District Hospital an endik veleh dawn a ni. Kayakalp (Hospital fai lama inelna) intihsiakna -ah hian Champhai District Hospital hian lawmman Pakhatna te, Pahnihna te leh Pathumna te an la dawng tawh thin a, tun tumah pawh hian Pakhatna nih ngei tumin tang nasa hle a, tun tum endikna hman chhawn zawh hian External Assessment hmachhawn leh dawn a ni. Hospital-in fai intihsiakná a lawmman an lo lak tawh thinna ah Champhai mipui te nena thawhhona thatak an nei thin te, NGO, Kohhran leh mimal tlawmngaite'n tha leh zung an senna zawng zawngah Hospital-a thawktute'n lawmthu an sawi an a; endikna pawimawh tak an la hmachhawn turah Champhai mipui thawhpuiah an sawm ngha…

LEI ZAWH KHAP

LEI ZAWH KHAP : Champhai Addl SP Francis Lalnuntluanga Ralte chuan tunkar Thawhlehni 3.9.2019 atang khan khapna thupek a chhuah a. Vaikhawtlang leh Kawlbem inkara Tuisa Bailey Bridge dawl zawh theih zat chu Ton 18 chin a nih laiin, he Lei hi tun hnaiah Ton 18 aia rit phur lirthei ten an zawh fo tih hriat a nih avangin, Ton 18 aia rit phur lirthei eng chi pawh he Lei hi zawh khap a ni tih a tarlang a. He  thupek hian thuleh awm  hma chu a huam ang.

KHAPNA THUPEK

KHAPNA THUPEK : Champhai District Magistrate Dr Naveen Aggarwal chuan tunlai hian Africa leh khawchhak lamah PRRS leh African Swine Fever a len avangin nimin, 5.9.2019 atanga

thla hnih chhung atan, Ramdang leh State thenawm atanga Vawk leh vawksa atanga siam eng chi pawh lakluh khapna thupek a chhuah.

LO ZAWH HUN HMANG

LO ZAWH HUN HMANG: Mizo pipute hun atanga loneitute'n hun hlimawma an neih "Lo Zawh" hunpui zovin, rim taka an hlo thlawh kalsanin favang awllen an hmang chho mek a, Khawbunga tlangram lo neitute pawhin niminpiah khan lo an zo fel. Khawbunga tlangram loneitute chuan lo ram bawh 3 neiin Tlaikuang, Pu Vara Mual leh  Zawngsih-ah te kumin hian thlawhhma an nei a. Kar-kalta khan loneitu tam zawk chuan an Lo zo tawhin tunkar khan Lo zo hnuhnung ber, mahnia khawsa Pu Ralliantawna chu a thiante leh lâwmte nen a Lo an zo a ni. Kumin hian buh to tha lo hle mah se, buh insiam hunah buh a insiam phui tha hman niin Lo neitute chuan an sawi a, hetih lai hian hló thlawh erawh a awl hle thung niin an sawi. Mizo Lo zawh hi August thla tawp atanga September thlatir inkar velah "hnuhthual" hmanga zawh a ni ber a. Buh seng huna  hnimin a tihbuai lohna atan loneitu thenkhat chuan Lo hi tlai deuha zawha tha zawk niin an sawi bawk. Khawbung tlangram Lo neitute zingah natna leh thihna…