Skip to main content

Posts

Showing posts from September 10, 2019

CHHUNGKAW KAR HMANG

CHHUNGKAW KAR HMANG : Khawvel puma Seventh Day Adventist te chuan tunlai hian Family Togetherness Week an hmang mek a. Champhai North bial vawngtu Pastor Zosangkima Tlau chuan Inrinni khan Champhai Kohhran Biak Inah hun a hmang. Pastor hnen atang hian chhungkaw pawimawhna lam hawi thuchah ngaihthlak thin a ni.

KANAN VENG LEI TAWLH THUBUAI

KANAN VENG LEI TAWLH THUBUAI : Kum 2013 atanga min tan, Kanan Veng lei tawlh thenfai hna thawhna tura pawisa pek chhuah leh hnathawh in mil lo chungchangah Champhai Bawrhsap hlui H.Lalengmawia leh PHED Champhai SE hlui Er.Lalrammawia te chu Special Judge in thubuai a awrh tir. Aizawl Kartin Chanchinbu The Frontier Despatch in a tarlan danin Kum 2013 a Champhai Kanan Veng-a leimin, chhungkaw 30 dawnin an chenna in an rauhsan phahna kha a ni a. He leimin thenfai na atan hian State  Disaster Response Fund atangin Sorkar chuan Champhai Bawrhsap hnenah Cheng Nuai 40 a pe chhuak a, kum eng emaw zat a liam hnuah, khatih laia eiruk do pawl PRISM Champhai Hqrs chuan Chief Vigilance Office, Mizoram hnenah he leimin thenna sum atang hian pawisa hman pelhe a awm tiin complaint an theh lut a. State sorkar chuan complaint-a thil felhlel awm anga sawite hi chhui chiang turin ACB a ruat a, ACB hian kum 2016 August thla atanga chhui tanin, he leimin thenfaina tura sum  ruahman Cheng Nuai 9.85 chuang c…

GRASSROOT FOOTBALL TAN

GRASSROOT FOOTBALL TAN : Champhai District Football Association (CDFA) buatsaih Mipa leh Hmeichhe naupang kum 6 atanga 12 inkar tana Football zirna CDFA Grassroots Football Training Course vawi 12 na chu nimin chawhnu khan Chhangphut Field-ah Dr Lallawmkima, DIPRO Champhai chuan a hawng. Hawnna hunah thu sawiin Dr Lallawmkima chuan, thiam thil zir chak tak tak naupangte puala Football zirna hun hawn a ni leh thei chu lawmawm a tih thu sawiin, Champhai District chhunga Football hmasawnna thlentu Champhai District Football Association hnathawh chu fakawm a tih thu a sawi a infiamna chu tunlai khawvelah eizawnna tlak a nih thu leh Mizote zingah Football khelh hmanga eizawng tam tak an chhuah tawh thu sawiin, infiamna huanga tluantling chang thei tur chuan mahni inthunun, thuawihna leh taihmakna neih a ngai tel a ni, a ti a. Grassroots Football Training atanga  zirchhuak tawhten India rama Academy changtlung tak taka an awm chuan a  hlawhtlinzia a tarlang a ni, a ti a. Grassroots Football…

KAHRAWT KOHHRAN IN RUIHHLO DO NAN PAWISA SYMA PE

KAHRAWT KOHHRAN IN RUIHHLO DO NAN PAWISA SYMA PE : Nimin khan Kahrawt Presbyterian Kohhran chuan YMA Sub-Hqrs Champhai hnuaia SRS te hnenah an hmalakna tanpuina atan Cheng Sing khat an hlan. Hlanna hun, SYMA office, Tlangrawta neihah hian VL Chama Hnamte chuan ruihhlo do káwhgah YMA in theihtawp chhuah mah se mipui beisei an phak loh a rin thu a sawi a, YMA chuan larna leh hmingthàt aiin ruihhlo ngaite chhanchhuah chu thupui bera a neih thu a sawi bawk. Ruihlo do kawnga hna sawt zawka thawh a nih theihna turin Mizoram sawrkarah Vehicle Scanner dil an tum thu a tarlang a. Kahrawt Presbyterian Kohhranin Ruihhlo dona tura pawisa an pe chu lawmawm a tih thu sawiin, SRS te tha a tihchak leh a tihphur sawt a beisei thu a sawi bawk. Kahrawt bialtu Pastor RevR Lalthapuia pawhin thusawiin, YMA leh Kohhran chu a hming hrang mah se kal hrang thei an nih loh thu leh Pathian rawngbawl ve ve an nih thu a sawia. Kohhrana inzirtir ringawt lo va, tha thawh ve an duh avanga pawisa pe an nih thu sawiin,…

CHHIAH PEK HUN

CHHIAH PEK HUN : Sept. ni 12 atanga ni 30 chhung hian Champhai khawpui chhunga veng hrang hrangah Revenue Department chuan kum 2019-2020 atan chhiah chi hrang hrang an khawn dawn a, mipui lo inring turin Revenue Departnent chuan a ngen tih thu kan dawng.

TAXI STAND

TAXI STAND : Rex Zarzoliana Vanchhawng  Champhai SP chuan thupek chhuahin, Bethel kawn Pu Lianthuama in kawt Taxi stand chu Taxi 3 din theihna atan leh Pu C. Rohmingliana building leh Pu PC Lalhlira (L) nena an inrina thleng metres 8 a thui chu, kawng dung  zui zawngin Taxi 5 din theihna atan Bethel kawn Taxi Stand atan a puang.

FAINA HMALAKNA

FAINA HMALAKNA: Department of Drinking Water and Sanitation, Ministry of Jal Shakti (DDWS) ruahman angin nimin khan Khawbung Zawlbuk tualah  Khawbung WATSAN Sub-Division, PHED kaihhruaiin Swachh Survekshan Grameen 2019 hawnna hun hman a ni. He hun hi H.Vanlalmawia, JE, PHED chuan a kaihruai a. Khiallian BDO Vanlalchhuanliana, MCS, Khawbung RD Block chuan thu sawiin, mihring rilru chhungrila fai duhna tak tak thinlung a awm chuan, khawi hmunah pawh a tihnawktu, a tibaltu kan ni ngai lo a ni, tiin mipui chu faina lama tan la zel turin a chah a. Khawbung VCP F.Vanlalriana leh Khawbung Branch YMA President Lalrintluanga Hnamte te pawhin thu an sawi a ni. Swachh Survekshan Grameen 2019 hawnna hun hman zawh hian faina hnatlang nei tura mipui kalkhawmte chu YMA Section 4, anmahni huam chhung theuha hnatlang turin an insemdarh a. Khawchhung inkalpawhna penhleh hrang hrang, kawngko hnim leh tuiluan kawr te, niminpiah tlai ruah bawhawk  sura leimin leh kawngko lei tla te an thin fai nghal a ni.…