Skip to main content

Posts

Showing posts from September 11, 2019

FAVANG CHHUNG NEIA MJA PRESS CLUB KAWNG SIAM PHUT

FAVANG CHHUNG NEIA MJA PRESS CLUB KAWNG SIAM PHUT : Inrinni khan MJA Champhai District chuan Press Club ah General Body Meeting nein kumin Favang chhung ngein hian PWD chuan an Press Club kawng chu black top sak turin an ngen. Нe Meeting hibC.Lalhnunpuia, President MJA kaihhruaia neih niin henhunah hian District Level Committee on cleanliness competition 2019 ChamphaibDistrict in Addl. DC Alexander V. Chawngthu kaihhruaina hnuai a faina hapta hman tura sawrkar Pisa hrang hrang fai leh, BDO Champhai kaihhruaina hnuaiah Hotel leh Restaurant fai endik turanChamphai District MJA te a ngenna chuntihhlawhtlin sak ngeini se tiin an rel a. I&PR Directorate in kumin November thla a India ram chhim lam fang a Study/Tour MJA te tana buatsaih turah Champhai District MJA atangin mi 2 kal turin an ruatani. MZI Headquarters Champhai in Zoawi Lelte leh Beat Contest, Champhai District MJA te nen tangkawpa thlanna nei tura rawtna an siam chu pawl pahnih hruaitute ve ve in zirchianga sawiho leh ni s…

THING ZAIRU TE VAIIN KHAWTLANG HNATLANG KO

THING ZAIRU TE VAIIN KHAWTLANG HNATLANG KO : Lungphunlian khawtlang chuan hnatlang kovin, an khaw ram Hnahlan nena inrina, Tuisa luikam Saisih chhuah velah a ruka thing zai an vai. Tuisa luikamah hian Lungphunlian khawtlangin a remtih loh, a ruka thingzai zawn chhuah hnatlang an neih mekah, a ruka thingzaitute hmanrua, Thingzaina khawl pathum an mansak bakah an thingzai-sa Cubic 270 vel chu an hren sak nghal bawk. Lungphunlian khawtlang hruaitute hnen atanga thu dawn danin, an khua hian an ram huamchhunga Thing leh Mau bakah nungchate an humhalh tlat a. Khawmual leh Lui-sa pelna hmanrua emaw Ramngaw suatna hmanrua hmanga an khaw ram chhungah mi-tumah luh an remti lo va. Ramngaw leh nungchate humhalhna kawnga hma an lakna hi mitin-ten zah sak tura an ngen rualin, an hmalakna pawisa lotute chungah zawl an
dawh bik dawn loh thu leh sorkar dan palzuttute man an nih chuan thuneitute hnenah an thlen dawn tih Lungphunlian khawtlang hruaitute chuan an sawi a ni.

MUP PUAL LENGKAWM ZAI INTIHSIAK

MUP PUAL LENGKAWM ZAI INTIHSIAK : Nimin khan Champhai East Area MUP Zaipawl Intihsiak neih a ni a. Hmingthanzuala, Director Arts&Culture Dept. chuan khuallian ni a hmanpui a; Lalhuapzauva, President, MUP Hqrs Mizoram, Aizawl chuan khual zahawm niin a hmanpui bawk. Khuallian Hmingthanzuala chuan lengkhawm zain intihsiakna hi Aizawlah neih thin niin Aizawlah chauh ni lovin District hrang hrangah neih thin nise tia rel a nih angin  District hrang hrangah neih thin niin, kuminah pawh Champhaiah he intihsiakna hi neih a nih thu a sawi. Hnam ziarang leh nunphung hrang hrang vawn nun that chu Arts & Culture Dept. in a tum ber a nih thu a sawi a, thil hlui apiang hi a hlu a ni tih chu an thupui a nih reng thu sawiin, Zoram Upa Pawl chu thangthar lo awm zel te tan hian an pawimawhin ram leh hnam tan an hlu tih a sawi a ni. Thangthar tam zawkin lengkhawm zai an hre mumal tawh lo va, Upa pawlte hian an hrilh thar zel a ngaih thusawiin, Aia upa te zahna a tlakhniam mek avangin Upa te zahn…

KAN NEIH HLU BER CHU MIZO NIHNA HI A NI - REX ZARZOLIANA

KAN NEIH HLU BER CHU MIZO NIHNA HI A NI - REX ZARZOLIANA : Nizan hmasa atang khan Tlangsam Branch YMA te chuan an Branch dinchampha phak an lawm a, he-hun hi Rex Zarzoliana Vanchhawng, SP Champhai chuan khuallian niin a hman pui. Khuallian Rex Zarzoliana Vanchhawng chuan thu sawiin, Y.MA chu Mizo nihna vawnghimtu pawimawh tak a nih avangin Mizo tawng hman kan uar deuh deuh a ngai a ni, a ti a. Kan neih hlu ber chu Mizo kan nihna hi a ni a, kan changkanna leh hmasawnnate hian kan Mizo na a than pel ang tih hi hlauhawm tak a ni. Changkanna leh Mizo kan nihna hi kalkawp tlat tur a ni, a ti a. Changkanna chu zirnaa  innghat a nih thu a sawi a, pawisa neih tam hi changkanna a ni ber loh thu leh changkanna  tluantling a thlen thei loh thu sawiin, mihring nun changkanna siamtu ber chu zirna a ni, a ti. Zirna kan uar poh leh chankanna kawng dik kan zawh dawn a. Dik taka kan thawhchhuah nena'nun ka hman hian kan hlim her a ni, a ti bawk. Rex-a chuan Mizo nun tibuaitu ber chu zuk leh hmuam …

LIRTHEI 134 ZIAK LUT THAR

LIRTHEI 134 ZIAK LUT THAR : August thla chhung khan District Transport Office ah lirthei 134 ziahluha ni. Lirthei ziahluh thar te hi 2 wheeler 89, Auto Rickshaw 3, Maxi Cab 1, Car 26 leh Truck 15 ziah luh ani a, hriat theih chin ah lirthei ziahluh hnuhnung ber hi MZ 04 A2940 ani. August thla chhung vek khan lirthei mihring phur chi atangin Rs. 5,83,622 hmuh a ni a, bungraw phur chi lirthei atangin Cheng 10,46,545 hmuh niin, Road Tax atang in Cheng 27,48,958 hmuh a ni a. MV Fee atangin Cheng 12,60,160 hmuh a ni a, Parking Fee atangin Rs. 43,910 hmuh niin, Compounding Fee atangin Rs.44,500 hmuh ni bawkin August thla chhunga chhiah hrang hrang tlingkhawm hi Rs. 57,27,695 ani.