Skip to main content

HRUAITU THLANA HUN LEH MEMBER BORAL SUNNA HUN HMANG

HRUAITU THLANA HUN LEH MEMBER BORAL SUNNA HUN HMANG:
Zirtawpni khan MJA Champhai District chuan Annual Conference vawi 32-na an hmang.
MJA Champhai District Annual Conference vawi 26-na Champhai Press club-a hman hi C.Lalhnunpuia, MJA Champhai District President chuan kaihruaiin C. Lalrinsanga, General Secretary hnen atang leh Lalnunsanga Fanai Treasurer hnen atangin MJA Champhai hmalakna hrang hrang leh sum dinhmun
ngaithlak a ni a. Kum 2020 chhunga hmalakna tur hrang hrang relin Chanchinbu chawlh hun tur, press club hman man leh MJA building luah man te an ennawn bakah ni 27.7. 2019 (Inrinni) a an member boral Pu DK Lalhruaitluanga sunna hun an hmang bawk.
Chawhnu lamah MJA Gen. Hqrs. hruaitute kaihhruaiin, Kum 2020-2022 chhunga MJA Champhai District hruaitu tur thlan a ni a. MJA Champhai District hruaitu thlanna hi Zonunsanga Khiangte, MJA Gen. Hqrs. President; Lalremsiama Renthlei, MJA Gen. Hqrs. Vice President leh RP Poudel, MJA Member-te'n hmanpuiin an kaihhruaina hnuaiah inthlanna hi neih a ni.
President- Lalhmingmawia Pachuau, Pasaltha Editor; Vice President-Lalhlupuia, Lenrual Editor; Treasurer- Lalhmingliana, CCN News Editor te thlan chhuah an ni a.
MJA Champhai District hruaitu thlan tharte hian an Secretary-te an ruat dawn a, Executive Member mi 5 an thlang chhuak bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…