Skip to main content

MINISTER IN MJA PRESS CLUB HAWNG

MINISTER IN MJA PRESS CLUB HAWNG :
Transport Minister TJ Lalnuntluanga chuan, Zirtawpni kalta khan MJA Press Club, Champhai-a mi chu hawngin, Champhai DTO Ofice-ah lirthei pollution tihchhuah tehna khawl chu bun thuai a ni dawn tih a sawi.
MJA Press Club hawnnaah hian Minister TJ Lalnuntluanga chuan a hmalakna hrang hrang a tarlang a. Indo-Myanmar Border trade chungchangah sawrkar laipui dawra
hmalak zel a ni a, Immigration Check Post peihfel tep a ni a, Land Custom Station aia lian zawk Integrated Check Post siam tuma hmalak zel a ni a. Hei hian Zofate inpumkhatna leh zalen zawka inkalpawhna mai bakah insumdawntawnna a thlen thei dawn a ni, a ti. Sawrkarin inkalpawhna tha awm theihna turin hma a lak mek thu sawiin, tun atanga hun reiloteah Khawzawl leh Champhai inkar siam tum niin, Keifang leh Kawlkulh inkar siam mek zel a nih thu leh, Seling-Champhai double lane a siam
turin chak taka buaipui a ni, a ti a. Khawpui mumal leh felfai zawk din theihna turin Champhai Master Plan mumal tak pawh tun atanga hun reiloteah duanfel tum a nih thu leh Road Safety mumal tak bakah Building regulations nei hmasa ber nih tuma tanlak a nih thu a sawi a. Champhai khawpui velchhuaka Ring Road siam tur pawh chak taka bawhzui mek niin, mipute'n awlsam leh rang zawka an veivah zung zung theihna turte pawh ngaihtuah a ni, a ti bawk.
Minister chuan a enkawl department hmalakna thar turte tarlangin, boruak bawlhhlawh veng turin Aizawl leh Ľunglei a mi bakah District Transport Office awmnaah Pollution Test theihna khawl bun tum a nih thu sawiin, a khawl hi lei fel vek tawh a ni tih a sawi a. Champhaiah pawh thla hnih/khat chhunga bunfel hman tum a nih thu leh Champhaiah Mizoram hmun dangte tana entawn theih turin Botanical Garden siam tum a nih thu a sawi a. Zofate inpumkhatna-turin Aizawl- Churachanpur, Aizawl-Jampui, Champhai-Tahan inkar Bus service siam tum niin, a tul ang zela inrawnkhawma neih a nih thu a sawiin a taka kalpui thuai tum a ni, a ti.
MJA Champhai District President C. Lalhnunpuia chuan chanchinbumite chư mipui siam sawrkara fawng
chelhtu pawimawh tak, sawrkar kalphung leh hmalaknate mipui hnena a tha zawnga puangdarhtu an ni, a ti a. Mipui hnena chanchin thar dik leh rinawm tak an chhawr tangkai leh hmasawnpui theihna tur puangtu an nih avangin sawrkar pawhin nasa lehzualin hmang tangkai thiam se a duh thu a sawi bawk a ni.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…