Skip to main content

๐—ง๐˜‚๐—ฎ๐—น๐—ฐ๐—ต๐—ต๐˜‚๐—ป๐—ด ๐—–๐—ต๐—ฎ๐—ป๐—ฐ๐—ต๐—ถ๐—ป๐˜๐—ต๐—ฎ๐—ฟ : ๐—ป๐—ถ 24.7.2020 (๐—ญ๐—ถ๐—ฟ๐˜๐—ฎ๐˜„๐—ฝ๐—ป๐—ถ)

๐— ๐—œ๐—ก๐—œ๐—ฆ๐—ง๐—˜๐—ฅ ๐—œ๐—ก ๐—” ๐—•๐—œ๐—”๐—Ÿ ๐—–๐—›๐—›๐—จ๐—ก๐—š ๐—Ÿ๐—” ๐—–๐—›๐—”๐— ๐—–๐—›๐—œ๐—Ÿ๐—› :
Law & Judicial Minister TJ
 Lalnuntluanga, Champhai South bialtu MLA ni bawk chuan nimin khan a bial chhunga infiamna hmunhma leh inkalpawhna kawngpui siam that ngaite a enfiah a, leimin vanga harsatna thleng theite zirchiangin hmalak dan tur Official leh khawtlang hruaitute nen an ngaihtuah.
Minister leh amah tawiawmtute hian MGNREGA leh MLA Fund kaltlanga Dinthar Veng Football Field laih mek chu tlawhin infiamna hmunhma tha tak neih a nih theihna tura hmalak zel dan tur an rel a, mamawh angte a tul anga ngaihtuahho zel ni se, an ti. Dinthar Veng atanga Khankawn-Zotlang World Bank Road pawhtu kawng Kilometre 1.2 a thui tihzauh dan turte pawh en nghal niin, PWD Engineer-te chu hnathawh dan tur kimchang siam tura tih an ni a.
Hemi hnu hian leimin vanga harsatna tawk mek Zion Veng thlanmual leh Electric Veng huam chhung Sapsakei lamlian kawng kamte enfiah niin, hmalak dan turte ngaihtuah a ni.
Zion Veng VLTF te chuan Covid-19 hripui dona turin Bawrhsap Maria C.TnZuali kutah tanpuina pawisafai Rs 7,000/- CM Relief Fund atan an hlan a ni. 

๐—Ÿ๐—œ๐—ฅ๐—ก๐—š๐—›๐—œ๐—ก๐—š ๐—”๐—ฉ๐—”๐—ก๐—š๐—” ๐—›๐—”๐—ฅ๐—ฆ๐—”๐—ง๐—ก๐—” ๐—ง๐—”๐—ช๐—ž๐—ง๐—˜ ๐—ง๐—›๐—Ÿ๐—”๐— ๐—จ๐—”๐—ก ๐—ง๐—จ๐—ฅ๐—œ๐—ก ๐— ๐—œ๐—ง๐—›๐—œ๐—”๐— ๐—ง๐—˜ ๐—Ÿ๐—” ๐—–๐—›๐—”๐—  :
Lirnghingin a sawi East Tuipui Bial chu mithiamten an chamchilh mek zel.
Mizoram Sorkar hmalakna in, tunhnaia Lirnghingin a sawi thin East Tuipui bial Samthang ah, Doctor thiam - Dr Zothantluanga, Consultant NF, Civil Hospital Aizawl, Dr Lalhriatpuia, Senoir Resident, Zoram Medical College Falkawn, Jane Lalduhchhungi Vanchhawng, Clinical Psychologyist, District Mental Health Programme, Aizawl te chuan taksa leh rilru lama harsatna nei tan Free Clinic an buatsaih a. Samthang khuaah hian mi 197 te chuan an pan a ni. Vawiin hian Bungzung leh Vanzauah in entirna hi hawng lehin Aizawl an pan ang.
Nilaini khan Dr C.Lalhrekima, Dr Lalthafala leh Dr Lalbiakzuali te chuan Khuangthingah lirnghing avanga rilru leh taksa lama harsatna neite check up an lo nei tawh bawk a. Rilru lama harsatna nei inentir mi 109 an inentir a, chawhnu lamah Zawlseiah hun an hmang chhunzawm leh ang. 

๐—–๐— ๐—ข ๐—”๐—ง๐—”๐—ก ๐——๐—ฅ ๐—ฅ. ๐—Ÿ๐—œ๐—”๐—ก๐— ๐—”๐—ช๐—œ๐—” ๐——๐—”๐—›๐—ก๐—š๐—›๐—˜๐—ง :
Mizoram sawrkar, Health & Family Welfare Department chuan hriattirna chhuahin, Chief Medical Officer, Champhai charge la mek Dr R Lianmawia, Senior Medical Officer chu CMO atan dah ngheh a ni.

๐—”๐—”๐——๐—›๐—”๐—”๐—ฅ ๐—ง๐—›๐—Ÿ๐—”๐—Ÿ๐—”๐—ž:
Champhai Bawrhsap Maria CT Zuali chuan mipui mamawhna a nasat em avangin tun atanga thuleh awm hma chuan Champhai District chhunga Aadhaar thla la duhte chuan thlalak man mi pakhatah Rs. 50 zel chawiin lak chhunzawm leh theih a nih thuchhuah siamin a tarlang.

๐——๐—œ๐—ฆ๐—ง๐—ฅ๐—œ๐—–๐—ง ๐—ฃ๐—”๐—ฅ๐—ž ๐—ง๐—จ๐—ฅ  ๐—˜๐—ก๐—ž๐—”๐—ช๐—Ÿ ๐——๐—”๐—ช๐—ก :
Champhai DC hmun hlui chu District thuneitu ten Champhai Park atan siam tumin ruahmanna an kalpui mek a. Hei vang hian helai hmun hi huan, in sakna bungrua, cement, balu te hlanthlakna atan a rem tawh lo va. He hmun hi DC Office lamin an enkawl hma-in Thuampui Welfare chu an aiawh tur leh helai hmun neitu anga lo enkawl turin ruat an ni tih thu dawn a ni. 

๐—–๐——๐—ฃ๐—ข ๐—ฆ๐—œ๐—ž๐—ฆ๐—”๐—ช๐—œ :
Social Welfare & Tribal Affairs Deptt. chuan Nilaini khan hriattirna tichhuakin Zawlnuam ICDS Project atangin Champhai CDPO hna chelh turin Zothanmawia Hnamte chu sawn a ni a. Champhai CDPO Flora Laltanpuii chu Thingdawl CDPO hna chelh tura sawn niin, Khawbung CDPO C. Lalnunfela chu Darlawn CDPO tura sawn a ni bawk a. Champhai CDPO thar tur hian CDPO Khawbung charge a la tel nghal dawn bawk a ni.

๐—ง๐—จ๐—œ ๐—ง๐—Ÿ๐—” ๐—ฅ๐—จ๐—”๐—ก๐—š ๐—–๐—›๐—›๐—”๐—ฅ๐—ง๐—จ ๐—ญ๐—ข๐—ž๐—›๐—”๐—ช๐—ง๐—›๐—”๐—ฅ ๐—ง๐—›๐—”๐—Ÿ๐—”๐—œ๐—ง๐—˜ ๐—™๐—”๐—ž๐—”๐—ช๐—  :
Nimin khan Tiau luia chesual boral ruang chu tuia a tlak atanga darkar chanve vel chhungin Zokhawthar thalai ten chharin an la chhuak a.
Zokhawthar YMA ten kuang siamin, ruang hi kuanga an dah fel hnuah Myanmar lam unaute kutah nimin khan an hlan fel nghal.
Thu dawn danin nimin tlai lam dar 3 rik hma hret khan Mangsiankhuala, kum 23 s/o Dalzathanga, Hmunlai, Myanmar chu Zokhawthar Tiau luiah chesualin a tlazui a. Khawmawi, Myanmar hruaituten Zokhawthar YMA hruaitute telephone hmanga an rawn hriattir angin Whatsapp Information hmanga thalai inpunkhawm nghal a ni a. A hre hmasa apiang mahni awmhmun atanga Lui pana tlankhawm nghalin, a tlakna hmun atanga ft 500 chuang hret velah a Bag chhar zui nghal a ni a. Zokhawthar thalai zinga tuithiam leh vawi tam tak ruang lo chhar tawh Ramtharnghaka teho chu rang taka Tiau lui a lut nghalin, ruang lo changin an inzarpharh nghal a. Mahse, an inzarpharh vel chhung hian ruang hian anmahni hi a pel a. Ramtharnghaka hian ruang hi umzui nghalin, ft 500 dawna thuiah Ramtharnghaka chuan ruang chu umphakin a zuk man ta a. Vaukam lam atangin an lo pui bawk a, ruang hi lakchhuah a ni a, Myanmar lam unaute hnenah hlan a ni ta a ni. 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…