Skip to main content

𝗧𝘂𝗮𝗹𝗰𝗵𝗵𝘂𝗻𝗴 𝗖𝗵𝗮𝗻𝗰𝗵𝗶𝗻𝘁𝗵𝗮𝗿 - 25.7.2020 (𝗜𝗻𝗿𝗶𝗻𝗻𝗶)

𝗔𝗦𝗦𝗔𝗠 𝗥𝗜𝗙𝗟𝗘 𝗧𝗘 𝗛𝗜𝗔𝗡 𝗔𝗡 𝗛𝗠𝗔𝗟𝗔𝗞𝗡𝗔 𝗕𝗔𝗡 𝗥𝗔𝗪𝗛 𝗦𝗘 - 𝗝𝗢𝗜𝗡𝗧 𝗠𝗘𝗘𝗧𝗜𝗡𝗚 :
Champhai District chhunga Assam Rifle hleilenna tuartu pawl hrang hrang- Mizoram Truck Drivers' Association (MTDA), Champhai Transport Union (CTU), Zoram Drivers' Union (ZDU), Champhai Taxi Owners Association (CTOA), Champhai District Taxi OwnersAssociation (CDTOA), EXIM Union Champhai Headquarters (EXIM), Champhai Import Export Union (CIETU) leh SYNDICATE te ni 24.07.2020 (Zirtawpni) a MJA Press Club a joint meeting chuan, 8th/46th Assam Rifle ten chhuanlam dawrawm te te hmanga Champhai district mipui te leh khawchhak tlangdunga chengte tana harsatna hrang hrang min thlen chungchang kan sawi hova. Kan nunphung pangngai min tihbuai nasatziate kan sawi ho hnuah a hnuaia mi ang hian 8th/46th Assam Rifle chungchangah Resolution kan siam.
1. Champhai khaw kawtchhuaha mipui zin veivak lut leh chhuak, commercial vehicle leh private motor, damlo phurte leh ruang phur chena lo tidinga an lo lipse nghek thin bakah, mitthi ruang leh kuang thlenga min lipse sak an tum thin hi kan duh lo hle a. Mizo mipui zahlohna lian takah kan ngai a, ching chhunzawm tawh lo se kan duh hle a ni.
2. Assam Rifle te hian kan member driver te motor khalhlai an nunna atana hlauhthawnawm khawpa lung leh tiang hmanga an bei thin te, silai nena an rikrap thin mai bakah, hmeichhia pawh thliar lova tharum hmanga an bei duh mai hi kan duh lova, kan dem tak zet a ni. (Dt. 23.07.2020 a Champhai by pass road Khankawn leh Zotlang inkara thil thleng)
3. Border area chauha duty tura tih an nih lai a, Champhai district hmun hrang hranga an duhna hmun apianga puanin kaih a, hel ram ang mai a, mipui leh lirtheia eizawngtute kan zalenna min rahbehsak hi tuarthiam har kan ti a. Champhai district chhungah hian sawrkhar laka hel (Underground/insurgency) kan awm pawh kan hriat loh laia hel ram ang maia min rikrap thin hi kan duh lo hle a ni.
4. Kawnga thirhling phah (Road Spike Barrier) an duh hun huna an hmang thin hi hriatthiam har kan tiin kan duh lova, kan ram chhung khawiah mah heng hmanrua hi hmang tawh lo se kan duh hle.
5. Mizo historical places, a bik takin Rihdil tlawh tuma hmun hla tak tak atanga khualzin leh zirlai lo kal te tana harsatna an lo siamsak thin hi kan dem tak zet a, hetiang ang Mizo mipui te zahlohna hi tun hnuah lan tir tawh suh se.
6. Khawvel huap (pandemic) a hrileng hlauhawm tak laka Mizo mipui te thawhhona tha tak hnuaia kan fimkhur tlan em em lai a, Mizoram chhunga Covid-19 natna hrik pu darh nasa bertu sipai ten khualzinte min check thin hi a him lovin, dinhmun derthawng takah min dah niin kan hria a; he hripui len chhung hi chu heng sipaite hi mipui lakah inthiarfihlim hrih se kan duh hle a ni.
Heng a chunga kan tarlan hrang hrang vang te hian 8th/46th Assam Rifle te hian an hmalakna an bansan lo a nih chuan a tul angin hma kan la zel ang tiin an thuchhuah chuan an tarlang.

𝗦𝗔𝗪𝗥𝗞𝗔𝗥𝗜𝗡 𝗥𝗔𝗟 𝗗𝗔𝗪𝗡 :
Mizoram Sawrkarin Accredited Journalist sun takte ralna (ex-gratia) a hlan thin angin, vawiin chhun dar 12:00 hian Rihlipui Daily Newspaper Editor DK Lalhruaitluanga (L), ralna hun chu an chenna In, Champhai Vengthlang-ah hman a ni dawn a. Mizoram sawrkar aiawhin DIPRO Champhai chuan ralna hi a hlan ang a, MJA Champhai District member-ten an tawiawm ang.

𝗠𝗜𝗡𝗜𝗦𝗧𝗘𝗥 𝗟𝗢𝗞𝗔𝗟 𝗔𝗡𝗚 :
Education Minister Lalchhandama Ralte chuan, Zokhawthar leh Khawbung tlangdunga lirnghingin a tihchhiat sarwkar sikul hrang hrang tlawha enfiah turin karleh Thawhtanni zing khian Champhai panin a rawn chho dawn a. Thawhtanni khian Zokhawthar-a sikul te a tlawh nghal ang a, Champhai-ah zan riak turin a rawn kir leh ang. Thawhlehni-ah Samthang, Khuangthing leh Zawlsei tlawhin, Khawbungah a riak ang a.  Nilaini zingah Khawbung khuaa lirnghingin a tihchhiat hmunte a fang kual leh ang a, tukthuan ei khamah Aizawl lam panin a kir thla leh ang.
Hetihlai hian Power & Electricity Minister R.Lalzirliana chuan Tuipuiral tlangdunga lirnghing tuarte thlamuan turin karleh Thawhlehni khian Keitum lam atangin Farkawn a pan dawn a, Farkawnah hian zan riakin, Nilaini-ahVaphai, Samthang, Dungtlang, Leithum, Leisenzo, Sesih leh Khuangleng tlawhin YMA te a kawm ang a, tlai lamah zan riak turin Champhai a rawn pan ang. Ningani zingah Saitual lam panin Champhai a chhuahsan leh ang.

𝗕𝗢𝗥𝗔𝗟 𝗩𝗘 𝗟𝗘𝗛 :
July ni 19 tlaia New Champhai leh Zotlang inkara Accident tawk zinga pakhat, F. Vanlalzawma chu nimin zing dar 9:30 khan a boral.
Tarlan tawh angin July ni 19 khan New Champhai leh Zotlang inkar RD Filling Station bula Scooter chesualah Gospel Lalhmangaihsanga, Kum 26 Lalrinkimi pasal, New Champhai chuan nunna a lo chan tawh a. He chetsualna thlenga hliam tuar F. Vanlalzawma - kum 22, F. Tharzuala fapa Champhai Venglai chu Champhai District Hospital-ah dah luh nghal niin, a hliam tuar lo hian nimin dar 9:30 khan a boral ve leh a. F. Vanlalzawma ruang hi nimin Champhai Venglai Thlanmualah vuiliam a ni.

𝗗𝗔𝗡 𝗕𝗔𝗪𝗛𝗖𝗛𝗛𝗜𝗔 𝗠𝗔𝗡 :
Ningani khan Champhai Police Flying Squad-te chuan inkharkhipna dan bawhchhia mi 5 an man a, an vai hian vantlang hmuna hmai tuam lo vek niin, Dan angin Rs. 100 theuh chawitir an ni a; inkharkhipna dan bawhchhiate pawisa chawi tlingkhawm hi Rs. 500 a ni.

 𝗠𝗢𝗕𝗜𝗟𝗘 𝗣𝗛𝗢𝗡𝗘 𝗠𝗥𝗣 𝗟𝗢𝗔 𝗭𝗨𝗔𝗥 𝗠𝗔𝗡 𝗦𝗔𝗞 :
Enforcement Staff, Champhai chuan Champhaia Mobile Phone zuar dawr hrang hrang an tlawh kual a. Legal Metrology (Package Commodities) Rules 2011 bawhchhia in dawr pali ten Mobile Phone MRP aia to in an zuar tih hmuh-chhuah a ni a. An mobile phone zawrhte man sakin
dawr neitute hi an chungchang dan anga ngaihtuah turin Legal Metrology Office-ah koh an ni.
Maximum Retail Price (MRP) aia to a thil hralh thin hriate chuan Legal Metrology Office Champhai Vengsangah hriattir zel turin mipui an ngen a. Sumdawngte pawh MRP aia to a thil zuar lo turin an hriattir nawn leh a, a tilui an awm chuan dan angin an chungah hremna pek zel an ni ang tih an sawi. 

 𝗠𝗭𝗣 𝗜𝗡 𝗖𝗛𝗔𝗠𝗣𝗛𝗔𝗜 𝗖𝗢𝗟𝗟𝗘𝗚𝗘 𝗣𝗥𝗜𝗡𝗖𝗜𝗣𝗔𝗟 𝗛𝗠𝗨 :
College SU te chuan College Admission chungchangah Govt. Champhai College Principal P. Lalhmingliana chu a pisa-ah an kawm.
Pension leh boral ta te aiawh hnawhkhah a nih loh avangin Govt. Champhai Col- lege hian zirtirtu an indaihlo hle a, History leh Economics phei chu zirtirtu pahnih ve ve chauh an neih avangin 5th Semester ah admission tih loh mai tur nge ni ang tiin thu a thang hman deuh hial a. He hunah hian MZP chuan History leh Economics subject la duh apiangte admission lo pe turin Principal hian ngen a. Mizoram sawrkar nena inbiakna hnuhnung berah Zirtirtu lak a nih leh hmasak berah Champhai tana dah a nih tur thu tiam an nih thu te sawiin, Mizoram sawrkarah beiseina an nei mek tih an sawi bawk a ni.
Hemi chungchangah hian MZP leh SU te chuan inrawnkhawm hmanhmawh neiin, Zirlaite class tan a hnaih avang leh Govt. Champhai College zirlaiten an tawrh loh nan a rang thei ang bera a changtu Minister hmu tura Aizawl  pan  an  tum  a. Sawrkar chu zirtirtu la thuai tura an beisei bakah zirtirtu a lak hma pawha Champhai zirlaiten an tawrh loh nan ruahmanna  siam  tura Mizoram sawrkar ngen an tum a ni. MZP chuan zirlaiten zirtirtu an neih ngei theihnan hmalak an tum tih sawiin, hemi chungchangah hian Champhai mipui te pawh in hawng zau tur leh Champhai-in college a neih chhun tana theihtawp chhuah turin MZP chuan a sawm a ni.
Hetihlai hian tun thla ni 31  khian  MZP  ch uan HSSLC tithate lawmpuina hun hmang turin a inbuatsaih mek bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…