Skip to main content

𝗧𝘂𝗮𝗹𝗰𝗵𝗵𝘂𝗻𝗴 𝗖𝗵𝗮𝗻𝗰𝗵𝗶𝗻𝘁𝗵𝗮𝗿 𝗻𝗶 27.7.2020 (𝗧𝗵𝗮𝘄𝗵𝘁𝗮𝗻𝗻𝗶)

𝗗𝗞 𝗟𝗔𝗟𝗛𝗥𝗨𝗔𝗜𝗧𝗟𝗨𝗔𝗡𝗚𝗔 𝗥𝗔𝗟𝗡𝗔 𝗛𝗨𝗡 𝗛𝗠𝗔𝗡𝗚 :
Mizoram sawrkarin Accredited Journalist boralte ralna a pek thin Ex-Gratia Rs. 1,50,000/- chu nikuma boralta DK Lalhruaitluanga, Editor, Rihlipui Daily Newspaper nupui Laldinpuii hnenah Mizoram sawrkar aiawhin Dr.Lallawmkima, DIPRO Champhai chuan Inrinni khan an chenna In Champhai Vengthlangah a hlan.
Dr. Lallawmkima chuan Chanchinbu kaltlanga ram leh hnam rawngbawlna kawnga DK Lalhruaitluanga thahnemngaihna leh inpekna chu chhuanawm a tih thu a sawi a. Sawrkar thu leh hla mipuite hnena puanzar kawnga a tha thawhte chu sawrkarin a hre reng tawh dawn a ni, a ti.
DIPRO chuan sawrkarin Journalist-te hmakhua ngaiin hamthatna hrang hrang a siam tih a tarlang bawk. Ralna hun hi Lalhmingmawia Pachuau, President MJA Champhai District chuan a kaihruai a. Chhungkaw aiawhin DK Lalhruaitluanga nu Vanlalhmuchhuaki’n thu a sawi a. Lalhlupuia, Vice President, MJA Champhai District chuan lawmthu
sawiin hun a khar a ni.
D.K. Lalhruaitluanga (L) puala sawrkar ralna hun buatsaihah hian District Information & Public Relations Office, Champhaia thawkte leh MJA Champhai District member-te an tel a ni. Mizoram sawrkar chuan Accredited Journalist boralte Rs. 1,50,000/- leh Non-Accredited Journalist boralte Rs. 1,00,000/- in a ral thin a ni. D.K. Lalhruaitluanga hi R.Laihnuna DK (L) leh
 Vanlalhmuchhuaki te fa pali zinga a upa ber dawt niin, June Ni 14, 1980 khan Champhaiah a lo piang a. June Ni 25, 2003 atang khan Rihlipui chanchinbu chhuah tanin, February 2006 ah MJA Member atan lakluh a ni a. Kum 2012 atangin MJA Champhai District Executive Committee Member-ah lutin, kum 2012-2014 chhung khan Fin. Secretary hna a lo chelh tawh a ni.
Hetihlai hian, Inrinni vek khan MJA General Headquarters chuan tun hnaia MJA member boral, Francis Paul (Gerard-a pa) chu an chenna
In, Aizawl Zuangtui ah ralna hun an hmang bawk.

𝗠𝗜𝗡𝗜𝗦𝗧𝗘𝗥 𝗟𝗢𝗞𝗔𝗟 𝗗𝗔𝗪𝗡:
Education Minister Lalchhandama Ralte chuan, Zokhawthar leh Khawbung tlangdunga lirnghingin a tihchhiat sawrkar sikul hrang hrang
tlawha enfiah turin tukin hian Champhai panin a rawn chho dawn a. Vawiinah Zokhawthar-a sikul te a tlawh nghal ang a, Champhai-ah zan riak turin a rawn kir leh ang.
Naktukah Samthang, Khuangthing leh Zawlsei tlawhin, Khawbungah a riak ang a. Nilaini zingah Khawbung khuaa lirnghingin a tihchhiat hmunte a fang kual leh ang a, tukthuan ei khamah Aizawl lam panin a kir thla leh ang.
Hetihlai hian Power & Electricity Minister R.Lalzirliana chuan Tuipuiral tlangdunga lirnghing tuarte thlamuan turin naktuk hian Keitum lam atangin Farkawn a pan dawn a. Farkawnah hian zan riakin, Nilaini-ah Vaphai, Samthang, Dungtlang, Leithum, Leisenzo, Sesih leh Khuangleng tlawhin YMA te a kawm ang a, tlai lamah zan riak turin Champhai a rawn pan ang. Ningani zingah Saitual lam panin Champhai a chhuahsan ang.

𝗧𝗛𝗜𝗦𝗘𝗡 𝗣𝗘 :
Inrinni khan Chhura Hmun Welfare
Committee, Champhai Bethel veng chuan Champhai District Hospital Blood Bank a dah turin Blood Donation Camp an buatsaih a, District Hospital Blood Bank-ah kalchilhin thisen hi a mamawh apiangte hman turin an pe a ni. Chhura Hmunah hian In 80 vel awmin, tun hi tum 8 blood donation camp an neihna a ni tawh a,
tun tumah hian unit 10, mipa 8 leh
hmeichhia 2 ten thisen hi an pe a ni.
Veng pakhat welrafe bila blood donation pe hi Chhura Hmun bak hriat an la ni lo va, Blood Bank thawktute chuan hei hi Welfare hrang hrangte tan chona a nih thu leh Welfare hrang hrangte chu thisen pek lamah tan la thar tura chah in an ngen a ni.

𝗗𝗔𝗡 𝗕𝗔𝗪𝗛𝗖𝗛𝗛𝗜𝗔 𝗠𝗔𝗡 :
Zirtawpni khan Champhai Police Flying Squad-te chuan inkharkhipna dan bawhchhia mi 5 manin an vai hian Vantlang hmuna hmai tuam lo vek an ni a; Rs 100 theuh chawitir an ni a, an pawisa chawi tlingkhawm hi Rs 500 a ni. Tun hnaia Champhai Police-te'n inkharkhipna dan bawhchhia an mante hi an vaiin Vantlang hmuna hmai tuam lo te vek an ni.

𝗟𝗜𝗥 𝗔 𝗡𝗚𝗛𝗜𝗡𝗚 𝗟𝗘𝗛 :
Tuipuiral tlangdungah Inrinni zan dar 7:25 leh nimin zing dar 3:32 khan lir a nghing zui leh niin thu dawn a ni a. Thla khat leh ni 5 zet liam ta chhung khan Tuipuiral tlangdaungah hian lir hi tum 92 zet a nghing tawh niin heng lai khuaa chengte chuan an sawi. Tuipuiral tlangdungah hian lir hi a nghin zin tawh avangin mahni ina riak ngamlo te tan hmun remchangah buk sak niin, hetah hian an riak thin a ni. 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…