Skip to main content

Posts

Showing posts from August, 2020

Ni 30.8.2020 (Thawhtanni)

𝗜𝗡𝗧𝗘𝗥𝗡𝗘𝗧 𝗛𝗠𝗔𝗡𝗚𝗜𝗡 𝗗𝗢𝗖𝗧𝗢𝗥 𝗥𝗔𝗪𝗡 𝗧𝗛𝗘𝗜𝗛 (𝗭𝗶𝗿𝗻𝗮 𝗮𝗻𝗴𝗶𝗻 𝗿𝗲𝘁𝗵𝗲𝗶𝗵𝗻𝗮 𝗸𝗮𝗻 𝗰𝗵𝗵𝘂𝗮𝗻𝗹𝗮𝗺 𝗹𝗲𝗵 𝗮 𝗻𝗴𝗲𝗺 - 𝗺𝗶𝗺𝗮𝗹 𝗻𝗴𝗮𝗶𝗵𝗱𝗮𝗻)
COVID-19 hripui leng mek vanga damlo ten awlsam zawk leh pawn chhuak lova mahni inlum ngei atanga Doctor te an rawn zung zung theih na'n teleconsultation Service E-SanjeevaniOPD chu Mizoramah hman tan a ni ve dawn.
Mizo specialist doctor-te chu Thawhtanni atanga Zirtawpni inkar chawhnu dar 2 leh dar 4 inkarah rawn theih an ni dawn a. Thawhtanni-ah Medicine, Thawhlehni-ah hmeichhe natna leh nau pai leh hrin lam, Nilaini-ah naupang natna, Ningani-ah Surgery leh Zirtawpni-ah cancer enkawlna lamte rawn theih a ni ang. Ministry of H&FW chuan ruahmanna thar siamin Telemedicine E-Sanjeevani OPD Application chu mipui hman theih turin a phochhuak a, hemi bawhzui hian Mizoram National Health Mission (NHM) chuan mipuiten hlawk tak leh tangkai taka an chhawr thuai theih nan chak taka hma la nghalin teleco…

Ni 29.8.2020 (Inrinni)

𝗩𝗜𝗟𝗟𝗔𝗚𝗘 𝗖𝗢𝗨𝗡𝗖𝗜𝗟/𝗖𝗢𝗨𝗥𝗧 𝗧𝗛𝗟𝗔𝗡𝗡𝗔 𝗧𝗟𝗨𝗔𝗡𝗚 𝗧𝗔𝗞𝗔 𝗭𝗔𝗪𝗛𝗙𝗘𝗟 𝗔 𝗡𝗜 𝗧𝗔: Champhai District chhunga khua leh veng 62-a Vote tla te nimin zing lam khan chhiar zawhfel a ni a. MNF in VC seat 282 awmah seat 163 an la a, khua/veng 38-ah sawrkarna an siam a; Congress in seat 66 an la a, khua/veng 7-ah sawrkarna an siam a; ZPM in seat 38 an la a, khua/veng 3-ah sawrkarna an siam bawk. Kum 5 chhunga roreltu tur, Village Council Member inthlan chu Ningani khan. tluang taka neih zawh a ni a,. Champhai District chhunga Vote 50,453 awmah za zelah 75.03 a tla a. Vote nei mipa 24,623 zingah mi 18,670 (Za zelah 75.82) ten Vote an thlak a, Vote nei hmeichhia 25,830 zingah mi 19,183 (Za zelah 74.26) te'n Vote an thlak ve bawk a ni. Vote nei 618 awmna North Khawbung Village Council-ah Vote tla tha berin za zela 91.10 a tla a; mipa 280 leh hmeichhia 283, mi 563 ten Vote an thlak a. Vote nei 1085 awmna Champhai Electric Veng chu vote tlak chhiatna ber niin, za zelah 65.…

Ni 28.8.2020 (Zirtawpni)

𝗩𝗔𝗜 𝗦𝗜𝗣𝗔𝗜 𝗟𝗔𝗞𝗔𝗛 𝗠𝗜𝗭𝗢 𝗛𝗠𝗘𝗜𝗖𝗛𝗛𝗜𝗔 𝗧𝗘 𝗟𝗨𝗡𝗚𝗔𝗪𝗜𝗟𝗢 : MHIP Sub-Headquarters Champhai chuan 8th Assam Rifles pakhatin Sesih khaw nu pahnih feh hawng khuaikhem an tum chungchangah thuchhuah siamin an lungawi loh thu an tarlang. Thuchhuahah chuan August ni 15 tlai dar 4 vel a Sesih khaw nu pahnih feh hawng 8th Assam Rifles, Serchhip Headquarters mi pakhatin khuaikhem a lo tum chu an lungawi lo takzet tih an tarlang a. Kan ram leh hnam min veng a min humhimtu tura kan beisei laia hetiang a hmeichhe zahawmna tibawrhbang zawng a an che hi kan Ram leh Hnam leh Hmeichhiate min hmusitin min tham lo hleah kan ngai a; hmeichhiate kan ralmuang ta lo a ni tiin thuchhuahah hian an tarlang. Hemi chungchangah hian August ni 20 khan Champhai Police Station-ah FIR thehluh a ni a. He Assam Rifle mi, Hmeichhiate tiraltitu hi hi MHIP Sub-Hqrs, Champhai chuan Mizoramah awm ve tawh ngai lo se an duh thu leh a rang thei ang bera a chung a ACTION lak a, a na thei ang ber a hrem an phut…

Ni 26.8.2020

𝗡𝗔𝗨𝗣𝗔𝗡𝗚 𝗛𝗜𝗠𝗡𝗔 𝗗𝗔𝗡 𝗭𝗜𝗥𝗛𝗢 : Nimin khan Champhai I&PR Auditorium, CHANEM Building-ah District Child Protection unit leh Women and Child Development, buatsaihin Champhai District chhunga Child Protection Service Provider te tan Hursualna laka Naupangte Venhimna Dan (POCSO Rules 2020 and POCSO Act 2012 ) inzirtir a ni. He hun hi District Child Protection Unit Champhai Chairman, Maria CT Zuali, Champhai Bawrhsap chuan khuallian niin a hmanpui a. Naupangte pawimawhna leh naupangte venhim kawnga hnam anga tanho pawimawh zia sawiin, rilru lama piansualna neihin mi chunga harsatna an thlen thui thin zia leh a bikin hursualna rawngkaia Naupangin khuaikhem an tawk thin chu hnam ang pawh a thil pawi tak a nih thu a sawi a. State te reuhte ni chunga hetiang khawpa home hrang hranga fahrah enkawl tur an tam danah hian kan Kristianna ah inenchian a ngaih thu a sawi a. He hunah hian Child Care Institution a thawktu te, Child Welfare Committee Member, Juvenile Justice Board member …

Ni 24.8.2020 (Thawhtanni)

𝗗𝗔𝗠 𝗧𝗔𝗞𝗜𝗡 𝗗𝗔𝗠𝗗𝗔𝗪𝗜 𝗜𝗡 𝗖𝗛𝗛𝗨𝗔𝗛𝗦𝗔𝗡 𝗣𝗔𝗞𝗛𝗔𝗧 𝗞𝗔𝗡 𝗡𝗘𝗜 : Covid 19 kai enkawl dam 1 chuan Inrinni khan DCHC Champhai a chhuahsan. Covid 19 kai enkawl dam hi July ni 18-a Jammu & Kashmir atanga Champhai rawn thleng niin, July ni 22 khan Rapid Antigent Test hmangin Covid 19 a kai tih hmuh chhuah a ni a. Champhai district chhunga RAT hmanga Covid 19 kai hmuh chhuah hmasak ber a ni. July ni 22 khan Covid 19 kaite enkawlna tur bika duan, Dedecated Covid Health Centre-ah dah luh niin, Ni 31 enkawl a nih hnuah Covid 19 a kai tawh lo tih finfiah niin, Inrinni khan DCHC atang hian chhuahtir a ni a; Champhai DCHC-a Covid 19 kai enkawl rei ber a ni. Heti hian Champhai District chhunga Covid 19 kai hmuhchhuah 16 zinga 13-te chu enkawl dam tawh niin, mi 3 - mipa 2 leh hmeichhe 1 la enkawl mek an ni. Champhai-a Rapid Antigen Test hman tan a nih atangin Sample 189 endik tawh niin, Covid 19 kai mi 4 hmuh chhuah tawh an ni a. Silchar leh ZMC lab-a thawn tawh zawng zawng nen…

Ni 20.8.2020 (Ningani)

𝗩𝗢𝗧𝗘 𝗧𝗛𝗟𝗔𝗞 𝗗𝗔𝗡 𝗧𝗨𝗥 𝗦𝗔𝗪𝗜 𝗛𝗢 : Tunlai hri leng mek Covid-19 laka mipui himna tur ngaihtuah chungin, Village Council inthlan ni-a vote thlak dan tur chungchang nimin khan District Election Officer, Maria CT Zuali hovin rel a ni. DC Conference Hall-a thutkhawmah hian Champhai District Election Officer, Maria CT Zuali chuan Village Council inthlanna buaipuitu, State Election Commission duh danin, Covid-19 hri leng laka inkaihhruainate zawm chungin mumal leh awmze nei taka vote thlak a nih theihna turin ruahmanna siam tum a ni, a ti a. Covid-19 vangin inthlan tawh dan kal phung hmasate zawm a rem tawh loh thu leh hma lak dan tur ngaihtuah tura thut khawm chu koh a nih thusawiin; inthlanna muanawm leh felfai tak neih a nih theihna kawnga tangkai tak Mizoram People Forum-te nena tangkawpa hma lak leh a ngai dawn tih a sawi a. Hri pui leng laka fihlim turin kan zavaia tanho a ngai a; Official level atanga mipui himna tura mamawhte chhawp chhuah tum a nih thu sawiin, MPF leh …

Ni 17.8.2020 (Thawhtanni)

𝗠𝗜𝗡𝗜𝗦𝗧𝗘𝗥 𝗛𝗢𝗩𝗜𝗡 𝗜𝗡𝗗𝗜𝗔 𝗜𝗡𝗗𝗘𝗣𝗘𝗡𝗗𝗘𝗡𝗖𝗘 𝗗𝗔𝗬 𝗟𝗔𝗪𝗠 : Inrinni khan Champhai Bawrhsap Pisa tual, Keifangtlangah India ram zalenna ni Independence Day vawi 74-na lawmna hun chu I&PR leh RD Minister Lalruatkima hovin hman a ni. Khuallian Lalruatkima chuan Independence Day 2020 lawm tura kal zawng zawngte chibai bukin, India ramin zalenna a neih theihna tura nun hlantu te, an that lai hun zawng zawng lung ina hmang ralte leh tharum thawhna tel lova zalenna sual chhuaktute zahna chibai a buk a. Khawvel pumpui tuam mektu Covid-19 hripui do letna kawngah sawrkar duan inkaihhruaina leh mi thiamte thurawn ngai pawimawha zawm chu himna a nih thu a sawi a. Covid-19 mai bakah, khuarel chhiatna thleng thin vanga in leh lo, rohlu leh nunna hial chante a tawrhpui tak meuh thu leh sawrkar laipui, state sawrkar leh pawl hrang hrangin harsatna an tawh mekte sukiang turin theihtawp an chhuah mek zel a ni, a ti. Covid-19 do kawngah Mizoram sawrkarin rang taka hma a lak nghal …

Ni 15.8.2020 (Inrinni)

𝗖𝗛𝗔𝗠𝗣𝗛𝗔𝗜 𝗗𝗜𝗦𝗧𝗥𝗜𝗖𝗧-𝗔𝗛 𝗩𝗖 𝗦𝗘𝗔𝗧 282 𝗠𝗜 723 𝗧𝗘𝗡 𝗜𝗡𝗖𝗛𝗨𝗛 𝗗𝗔𝗪𝗡 : VC General Election 2020 lo awm turah Champhai District chhunga VC Seat 282 awmah, mi 723 ten hming an pe lut. August ni 11 khan mahni khaw RO hnenah theuh VC chuh tumte'n an hming pe lut a. Endikna neih zawh hnu leh inhnuhdawhna hun hawn a nih hnuah Ningani khan District Election Officer hnenah an hming an theh lut fel a. Lalnunfela Chawngthu, Addl. DEO sawi danin, Champhai District chhungah Village Council 62 awmin, Seat 282 a awm a. General Seat 208 awmah VC chuh tum mi 548-te'n hming an pe lut a; hmeichhe tana Seat hauhsak 74 awmah mi 175 te'n VC chuh tumin hming an pe lut bawk. Champhai District chhunga VC chuh tum zawng zawng hi an vaiin mi 723 an ni. MNF Party chuan General Seat leh hmeichhe tana Seat hauhsakte an chuh kim vek dawn a. New Hruaikawn leh Ruantlang Mualveng-ah te chuhtu nei lovin MNF atanga VC chuhte chu tlinga puan an ni a. INC chuan Seat 282 awmah Seat 229 c…

Ni 14.8.2020 (Zirtawpni)

𝗖𝗢𝗩𝗜𝗗-19 𝗛𝗥𝗜 𝗘𝗡𝗡𝗔 𝗞𝗛𝗔𝗪𝗟 𝗟𝗢 𝗧𝗛𝗟𝗘𝗡𝗚 :
Nimin khan Covid-19 hri kai leh kai lo enfiahna tura khawl pawimawh TrueNAT khawl chuan Champhai a rawn thleng a, nimin vek khan heng khawl enkawltu turte chuan Lunglei-ah training neiin, khawl hmanraw hrang hrangte hi rawn thleng hnai tawh tura ngaih niin, karleh lam khian heng khawlte hi bun tan theih beisei a ni. Champhai-a cham mek Health & Family Welfare Board vice chairman Dr. ZR Thiamsanga, Champhai North bialtu MLA hnen atanga thu kan dawn danin, Covid-19 hri kai leh kai lo enfiahna khawl TruneNAT bakah hian Bio-Safety Cabinet pawhin Aizawl a rawn thleng fel tawh a, District Hospital Champhai-a khawl bunna tur, laboratory atana ruahman Dental OPD building pawh tlema buatsaih leh cheibawl deuh a la ngai dawn a. Nimin khan heng khawl enkawltu tur Dr R.Vanlalchhuangi leh Technician pahnih - F. Lalnuntluangi leh Lalremfeli te chuan Lunglei-ah training neiin, an zo fel a. Hri kai leh kai loh enfiahna khawl bungraw hrang…

Ni 11.8.2020 (Thawhlehni) Champhai Tualchhung Chanchin thar

𝗖𝗛𝗔𝗠𝗣𝗛𝗔𝗜 𝗧𝗥𝗨𝗘𝗡𝗔𝗧 𝗞𝗛𝗔𝗪𝗟 𝗠𝗜𝗭𝗢𝗥𝗔𝗠 𝗟𝗢𝗟𝗨𝗧 𝗧𝗔𝗪𝗛 : Mizoram district hrang hranga hman tur Covid-19 hri kai enfiahna TrueNAT Micro RT-PRC chuan Mizoram rawn thleng tawhin, tunkar hian Doctor leh thawktute training pek an ni ang a, hemi hnu hian khawl hi hman theih a ni ang. Nimin khan Health & Family Welfare Board Vice Chairman, Champhai North bialtu MLA Dr ZR Thiamsanga chuan Champhai MJA Press Club-ah press mite kawmin he thu hi a sawi a. Vawiin atanga tunkar Ningani thleng khian district hrang hranga Truenat Micro RT-PRC viltu tur Doctor leh thawktute training pek an ni dawn a. Tunkar Ningani khian Champhai, Khawzawl leh Saitual district-a thawktute pualin training hi neih a ni ang a; training pe tur hi Champhai-ah rawn kalin zirtirna hi a pe dawn tih a sawi a. Training pek an nih hnuah heng khawl hmang hian district tinah endikna kalpui a ni tawh dawn a, he khawl hian ni khatah sample 40 atanga 60 bawr vel a endik thei a, screening kit 300 leh confirmati…

Ni 4.8.2020 (Thawhlehni) 𝗖𝗢𝗩𝗜𝗗-19 𝗣𝗢𝗦𝗜𝗧𝗜𝗩𝗘 𝗘𝗡𝗞𝗔𝗪𝗟 𝗗𝗔𝗠𝗧𝗘 𝗣𝗢𝗟𝗜𝗖𝗘 𝗜𝗡 𝗠𝗔𝗡 𝗡𝗚𝗛𝗔𝗟 :Nimin chawhma khan Covid 19 kai enkawl dam mi pahnihte leh Tourist Lodge a Quanrantine mi 11 te Sairang Police in man nghal.

𝗖𝗢𝗩𝗜𝗗-19 𝗣𝗢𝗦𝗜𝗧𝗜𝗩𝗘 𝗘𝗡𝗞𝗔𝗪𝗟 𝗗𝗔𝗠𝗧𝗘 𝗣𝗢𝗟𝗜𝗖𝗘 𝗜𝗡 𝗠𝗔𝗡 𝗡𝗚𝗛𝗔𝗟 : Nimin chawhma khan Covid 19 kai enkawl dam mi pahnihte leh Tourist Lodge a Quanrantine mi 11 te Sairang Police in man nghal.  Nimin a mi pahnih enkawl dam DCHC chhuahsan ta te hi Myanmar lam mi niin July ni 11, khan Delhi atangin Mizoramah an rawn chho a, July ni 16-ah Champhaiah rawn thawn chhoh niin, Tourist Lodge-ah khunghran an ni a. July ni 17 an Covid 19 an kai tih hmuhchhuah niin Covid 19 kaite enkawlna tur bika duan Dedicated Covid Health Centre Champhaiah dah luh nghal an ni a. July ni 30 khan an sample hi laknawn sak niin Covid 19 an kai tawh lo tih finfiah a ni a. DCHC Recovery Ward-a dah an nih hnuah nimin khan Covid 19 an kai tawh lo tih finfiahna lehkha pek niin hemi hnu hian DCHC atanga chhuah tir an ni. Covid 19 kai enkawl dam takte hi Myanmar lam mi Delhi atanga Mizoram rawn lutte an nih avangin Sairang Police Station-ah thubuai siamsak an ni a, DCHC atanga an chhuah hnu hian Sai…

ni 3.8.2020

𝗥𝗨𝗔𝗛 𝗦𝗨𝗥 𝗡𝗔𝗦𝗔𝗧 𝗔𝗩𝗔𝗡𝗚𝗜𝗡 𝗖𝗛𝗛𝗜𝗔𝗧𝗡𝗔 𝗧𝗛𝗟𝗘𝗡𝗚 𝗡𝗨𝗔𝗟 :
Inrinni chhun leh zan lama Champhai leh a chheh vela ruah nasa tak sur vangin Champhai Kanan Veng thlanmual a min a, thlan 42 a hnawl a;  Champhai khawpui chhung inkalpawhna hmun tam takah leimin hriat tur a awm a, In chhia leh luah zui ngam loh a awm nual bawk. Inrinni zing Dar 8:00 atanga nimin zing Dar 8:00 vel thleng khan Champhai leh a chheh velah ruah nasa tak a surin 198.2 mm laia tam ruah a sur a. Champhai Kanan veng Thlanmual, Kum 2 hma lam atanga an inphumna hmun zau tak a min a, hemi avang hian thlan 47 vel a min chhia a. Nimin khan Kanan Veng leh a chheh vel mi tlawmngai hnatlangte’n thlan chim senghawi hna thawkin ruang an seng hawi a. Lei laihna khawl (excavator) hmanga thlan khur laiin ruang hlui tawh an hmuh apiangte hi kuang an siam tharah khung zelin thlan an laih tharah a tahtawlin an phumtha nghal zel a ni. Ruahsur nasa vang hian Champhai khawpui chhung leh a chheh vel hmun hrang hrangah…

𝗡𝗶 3.8.2020 (𝗧𝗵𝗮𝘄𝗵𝘁𝗮𝗻𝗻𝗶) 𝗧𝘂𝗮𝗹𝗰𝗵𝗵𝘂𝗻𝗴 𝗖𝗵𝗮𝗻𝗰𝗵𝗶𝗻𝘁𝗵𝗮𝗿

𝗥𝗨𝗔𝗛 𝗦𝗨𝗥 𝗡𝗔𝗦𝗔𝗧 𝗔𝗩𝗔𝗡𝗚𝗜𝗡 𝗖𝗛𝗛𝗜𝗔𝗧𝗡𝗔 𝗧𝗛𝗟𝗘𝗡𝗚 𝗡𝗨𝗔𝗟 : Inrinni chhun leh zan lama Champhai leh a chheh vela ruah nasa tak sur vangin Champhai Kanan Veng thlanmual a min a, thlan 42 a hnawl a;  Champhai khawpui chhung inkalpawhna hmun tam takah leimin hriat tur a awm a, In chhia leh luah zui ngam loh a awm nual bawk. Inrinni zing Dar 8:00 atanga nimin zing Dar 8:00 vel thleng khan Champhai leh a chheh velah ruah nasa tak a surin 198.2 mm laia tam ruah a sur a. Champhai Kanan veng Thlanmual, Kum 2 hma lam atanga an inphumna hmun zau tak a min a, hemi avang hian thlan 47 vel a min chhia a. Nimin khan Kanan Veng leh a chheh vel mi tlawmngai hnatlangte’n thlan chim senghawi hna thawkin ruang an seng hawi a. Lei laihna khawl (excavator) hmanga thlan khur laiin ruang hlui tawh an hmuh apiangte hi kuang an siam tharah khung zelin thlan an laih tharah a tahtawlin an phumtha nghal zel a ni. Ruahsur nasa vang hian Champhai khawpui chhung leh a chheh vel hmun hrang hrangah …