Skip to main content

๐—ก๐—ถ 3.8.2020 (๐—ง๐—ต๐—ฎ๐˜„๐—ต๐˜๐—ฎ๐—ป๐—ป๐—ถ) ๐—ง๐˜‚๐—ฎ๐—น๐—ฐ๐—ต๐—ต๐˜‚๐—ป๐—ด ๐—–๐—ต๐—ฎ๐—ป๐—ฐ๐—ต๐—ถ๐—ป๐˜๐—ต๐—ฎ๐—ฟ

๐—ฅ๐—จ๐—”๐—› ๐—ฆ๐—จ๐—ฅ ๐—ก๐—”๐—ฆ๐—”๐—ง ๐—”๐—ฉ๐—”๐—ก๐—š๐—œ๐—ก ๐—–๐—›๐—›๐—œ๐—”๐—ง๐—ก๐—” ๐—ง๐—›๐—Ÿ๐—˜๐—ก๐—š ๐—ก๐—จ๐—”๐—Ÿ :
Inrinni chhun leh zan lama Champhai leh a chheh vela ruah nasa tak sur vangin Champhai Kanan Veng thlanmual a min a, thlan 42 a hnawl a;  Champhai khawpui chhung inkalpawhna hmun tam takah leimin hriat tur a awm a, In chhia leh luah zui ngam loh a awm nual bawk.
Inrinni zing Dar 8:00 atanga nimin zing Dar 8:00 vel thleng khan Champhai leh a chheh velah ruah nasa tak a surin 198.2 mm laia tam ruah a sur a. Champhai Kanan veng
Thlanmual, Kum 2 hma lam atanga an inphumna hmun zau tak a min a, hemi avang hian thlan 47 vel a min chhia a.
Nimin khan Kanan Veng leh a chheh vel mi tlawmngai hnatlangte’n thlan chim senghawi hna thawkin ruang an seng hawi a. Lei laihna khawl (excavator) hmanga thlan khur laiin ruang hlui tawh an hmuh apiangte hi kuang an siam tharah khung zelin thlan an laih tharah a tahtawlin an phumtha nghal zel a ni.
Ruahsur nasa vang hian Champhai khawpui chhung leh a chheh vel hmun hrang hrangah inkalpawhna kawngpui chu leimin leh lungrem chim vangin kawng ping a awm nual a. Hengte hi nimin khan PWD, VC leh veng hnatlangin, khawl leh mihring tha hmangin thenfai a ni hlawm a. Hriat theih chinah Champhai Bethel veng1 leh Vengsangah In 3 chu leimin vang hian luah ngam loh a rauhsan a ni a. Venglai atanga Bethel panna kawngpui chuan hnuaiah kawngko minin In ban leh a bang a delhchhiat vanga rauhsan a awm bawk. Kanan Veng Pu Zonunsanga te kawmchhak leiminin Maxi Cab 3 a delh a, lirtheite hi lakchhuah niin, a chhe nasa lutuk lo niin thu dawn a ni a, leimin hian rora herna khawl a chhilh bawk. Hmunhmeltha leh N.Khawbung inkarah leiminin kawngpui a hnawh a, kawngpui chhuat min bal a awm bawk.
Hetih lai hian ruahsur nasa avangin Electric transfomer 2 chhia-in Electric ban 6 a tlu chhe bawk a, nimin khan siam zawh hman a ni lo a, vawiinah siam chhunzawm leh a ni ang.
Kumin chhunga nikhat thil thu a Champhai leh al chheh vela ruahsur tam ber tum thleng vang hian, Champhai zawl leilet hmun zau tak chu tuilianin a chim a, Buh hmun leh sangha khawina dil hmun zau tak a chim bakah Champhai tuilakna lui tui chu a nut avangin hun eng emaw chen chhung chu Champhai-ah tui sem theih a ni lo ang.

๐—–๐—ข๐—ฉ๐—œ๐——-19 ๐—ž๐—”๐—œ ๐—ฃ๐—”๐—›๐—ก๐—œ๐—› ๐—ง๐—˜ ๐——๐—”๐—  ๐—ง๐—”๐—ž๐—œ๐—ก ๐——๐—–๐—›๐—– ๐—–๐—›๐—›๐—จ๐—”๐—›๐—ฆ๐—”๐—ก :
Champhai atanga ZMC Laboratory-a Sample endik tura thawn mi 3 te result a negative vek.
Kar kalta Zirtawpni a ZMC Laboratory-a Champhai atanga Sample thawn endik zinga 2 hi Myanmar lam mi, tun hnaia Positive hmuhchhuah Sample endik nawn sak leh te an ni a.
Heng mi 2 te hian July ni 11 khan Aizawl rawn thlengin July ni 16-ah Champhaiah rawn thawn chhoh an ni a. Tourist Lodge Quarantine Centre-a khunghran an nih laiin Positive an ni tih hmuchhuah an ni a, July ni 18 khan DCHC Champhaiah dah luh nghal an ni. July ni 30 khan sample laknawnsak leh niin an result hi a negative ta a ni. Inrinni khan fimkhur thilah DCHC- Recovery Ward-ah dah luh an ni a, harsatna dang a awm loh avangin vawiin  chawhma khan DCHC chhuahsan tir an ni. Result Negative pakhat erawh hi chu DCHC a thawk lai mek a ni thung.
Tarlan tawh angin Champhaiah District Hospital-ah Rapit Antigen Test bun a nih tak avangin Covid19 Symptom nei, Rapid Antigent Test in result Negative a pek chhuah si te tih loh chu Sample endik turin ZMC-ah thawn thlak ngai tawh lo mah se, Result Negative mi 2 te hi ZMC Laboratory-ah RTPCR atanga hmuhchhuah an nih avanga thawnthlak an ni.
Heti hian Champhai District chhunga Covid 19kai hmuhchhuah mi 13 zinga mi 12-te chuan Covid 19 an kai tawh lo va, DCHC-ah mi 1enkawl mek pawh hi Recovery Ward ah dah luh a ni ang.

๐—š๐—ฅ๐—”๐—ฃ๐—˜ ๐—Ÿ๐—˜๐—œ ๐— ๐—˜๐—ž :
Champhai Grape Growers Society chuan Tlangsam Winery-a her turin Champhai leh a chheh vela Grape chingtute Grape rah an leisak mek a, kumin atan tum 3 la tawhin a tum 4-na atan naktuk hian an la leh dawn a ni. Grape rah hi Qtl 380 chuang an lei tawh a, Kg 1 Rs 50 in an leisak thin a ni.

๐—ฅ๐—จ๐—œ๐—›๐—›๐—Ÿ๐—ข ๐— ๐—”๐—ก :
Nimin chhun dar 12:30 vel khan Champhai Police te chuan New Champhai, Chhanchhuahna In kiangah heroin gram 12 chu Dalsawmmunga (30) Nangsianchina fapa, Champhai Vengthar nia insawi kut atangin an man a, thubuai siam sak niin, vawiin hian District Court-ah hruai a ni ang. He ruihhlo an man hi Rs. 30,000 man vel niin thu dawn a ni.

๐——๐—”๐—ก ๐—•๐—”๐—ช๐—›๐—–๐—›๐—›๐—œ๐—” ๐— ๐—”๐—ก :
Champhai Police Flying Squad-te chuan kar kalta Ningani khan inkharkhipna dawn bawhchhia mi 21 an man a, tun hnaia nikhat thil thua dan bawhchhia an man tam ber tum a ni. Inkharkhipna dawn bawhchhia an mante hi vantlang hmuna hmai tuam lo vek niin Rs 100 theuh chawi tir an ni.
Champhai Police Flying Sqaud-te hian Zirtawpni khan inkharkhipna dan bawhchhia mi 8 manin vantlang hmuna hmai tuam lo vek niin Rs 100 chawitir theuh an ni bawk a. Ni 2 chhunga inkharkhipna dawn bawhchhiate pawisa chawi tlingkhawm hi Rs. 2900 a ni.

๐—ง๐—จ๐—œ๐—ฃ๐—จ๐—œ๐—ฅ๐—”๐—Ÿ ๐—Ÿ๐—”๐— ๐—”๐—› ๐—Ÿ๐—˜๐—œ๐— ๐—œ๐—ก :
Zirtawpni tlai ruah sur vang khan Tuipuirala lirnghingin leilung a lo sawi min leh lungrem a lo sawi derthawn tawh chim hmun hrang hrangah hmuh tur a awm nual. Kar kalta Zirtawpni tlai khan ruah tam tham tak sur avangin Vaphai PCI Pastor Quarters lirnghingin a sawi chim bak chu ruah sur vanglaiin a chim belh a, Khawbunga H.Rosiama lungrem a chim bawk. Heng bakah hian kawngko leh khรขm pang min neuh neuh hmuh tur a awm nual bawk a ni. Saikhumphai panna kawng chu hmun 5-ah leiminin lirthei engchimah tlan tlang theih lohvin a hnawhping a, kawngko lung tla neuh neuh leh kawngko chhak lam min thenfai tur hmun eng emaw zatah a awm bawk niin Excavator hmanga thian faitu MC Romawia chuan a sawi a. Inrinni khan Saikhumphai panna kawng hi thenfai ni mah se, khua a tui hul deuh loh chuan kawng a la nal hle niin a sawi bawk. Hetih lai hian Chawngtui panna kawng pawh lirthei eng chi mah kal theih lohvin leiminin a hnawh ping a. Inrinni chawhma khan thenfai niin, Thasiama Seno Neihna tlanga lei khi erawh a la him rih zel niin JH Lalkrosthanga chuan a sawi.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…