Skip to main content

Ni 26.8.2020

๐—ก๐—”๐—จ๐—ฃ๐—”๐—ก๐—š ๐—›๐—œ๐— ๐—ก๐—” ๐——๐—”๐—ก ๐—ญ๐—œ๐—ฅ๐—›๐—ข :
Nimin khan Champhai I&PR Auditorium, CHANEM Building-ah District Child Protection unit leh Women and Child Development, buatsaihin Champhai District chhunga Child Protection Service Provider te tan Hursualna laka Naupangte Venhimna Dan (POCSO Rules 2020 and POCSO Act 2012 ) inzirtir a ni.
He hun hi District Child Protection Unit Champhai Chairman, Maria CT Zuali, Champhai Bawrhsap chuan khuallian niin a hmanpui a. Naupangte pawimawhna leh naupangte venhim kawnga hnam anga tanho pawimawh zia sawiin, rilru lama piansualna neihin mi chunga harsatna an thlen thui thin zia leh a bikin hursualna rawngkaia Naupangin khuaikhem an tawk thin chu hnam ang pawh a thil pawi tak a nih thu a sawi a. State te reuhte ni chunga hetiang khawpa home hrang hranga fahrah enkawl tur an tam danah hian kan Kristianna ah inenchian a ngaih thu a sawi
a. He hunah hian Child Care Institution a thawktu te, Child Welfare Committee Member, Juvenile Justice Board member leh Special Juvenile Police Unit, Champhai
aiawhte an tel a. Lalchhuansanga Sailo, Assistant Public Prosecutor, District Court Champhai chuan Hursualna laka Naupangte Venhimna dan zirtirna a pe a. Champhai District chhunga hmalak dan
turte leh tun aia naupangte an lo him zawk theihna tura tan lakna tur kawng hrang hrangte zir ho a ni bawk.

๐—›๐— ๐—”๐—ช๐—ฅ ๐—•๐—”๐—ช๐—ž ๐—” ๐—ก๐—œ๐—ง๐—” :
Naktuka Village Council Inthlan, 2020 neih tur atan Champhai District chhunga inpuahchahnate chu a hmawr bawk tan a ni.
Nimin khan District Election Office, Champhai hmalaknain inthlan huna duty tur Returning Officer leh Presiding Officer, Champhai khawpui pawn khuaa duty turte pualin training hnuhnung Govt. GM High School, Vengsang-ah buatsaih a ni a, he hunah hian Returning Officer 30 leh Presiding Officer 33-te an tel a ni. Lalnunfela Chawngthu, Asst. District Election Officer chuan naktuka inthlanna neih tur a nih tawh avangin inthlan huna mamawh tur hmanruate leh tul dangte peihfela semchhuah tan a nih tawh thu a sawi a. Training
tawp ber hun rawn hmangtute chu
duhsakna hlanin, uluk taka ngaithla a, zawhna leh hriat chian duh an neihte inthlahrung hauh lova zawt fiah zel turin a chah a. Polling Official-te chu tih tur bituk angte tha taka hlen tum tur leh inthlanna felfai leh muanawm tak neih a nih theihna tura theihtawp
chhuah turin a chah a.
Covid-19 hri leng vangin vote thlakna hmunah sawrkarin inkaihhruaina a siamte zawm thlap tum a nih thu sawiin, vote thlak tura kalte hming leh biakpawh theihna phone number-te lehkhabu-ah a indawt dana ziah luh zel tum a ni a; kut tih thianghlimna hand sanitizer pawh chhawp vek tum a ni, a ti a. Vote thlak turte chu hmai tuamna vuah vek tur leh inhnaih lo thei ang bera awm tura chahin; hemi kawngah hian vote thlakna hmunahte a tul anga hmalak tum a nih thu a sawi bawk. Nimin training-ah hian Master Trainer pahnihte’n zirtirna an pe a. RO leh PRO-te mawhphurhna leh tih tur hrang hrang te, Electoral Offences leh form pawimawh hrang hrang chungchang leh tul dangte ngaihthlak a ni a. Vote tla chhiar dan tur leh vote tla chhiar huna hriattur tulte ngaihthlak a ni bawk.
Vawiin hian Champhai khawpui chhung leh a chheh vela RO leh PRO-te pualin training buatsaih zui leh a ni ang.

๐—ฆ๐—ฌ๐— ๐—” ๐—›๐—ฅ๐—จ๐—”๐—œ๐—ง๐—จ ๐—œ๐—ก ๐—ฆ๐—œ๐—”๐—  ๐—ฅ๐—˜๐—  :
Nimin khan YMA Sub Headquarters Champhai Executive Committee vawi 23-na neiha ni.
He hunah hian VC inthlan lo awm turah sawrkar thuneitu te'n YMA an ngen angin YMA mawhphurhna chungchang sawi ho a ni a. Mipui a tam thei ang berin a hun takah vote an thlak theihna tura hma lak dan tur sawi ho niin, Branch tinah Information Centre-a Vote thlak theih hun tur a tam thei ang bera puan ni se tiin an rel a.
Covid-19 hripui darh zau zel tur venga SYMA hma lak dan tur pawh sawi ho niin,
thenawm State leh Mizoram khawpui Aizawl-ah hri kai an pun chak tak em avangin Champhai District-a hri kai an pun lohna turin Essential Commodities phur lo luh dan tur chungchang an sawi ho a. Bungraw phurtu Driver-te chu a reilo thei ang ber khaw chhunga an awm theihna
tura ruahmanna siam ni se an ti. Bungraw rawn lut tur leh zin chhuak tur bakah mikhual nei turte chuan anmahni vengchhung VLTF-te hnenah hrilh hriat hmasak ni se an ti a, hemi chungchang hi
hriattirna chhuah ni se an ti bawk.
Sawrkarin chhiatni/thatni inkaihhruaina dan a siam chu sawi ho niin, sawrkar duan angin Chhiatni bikah social distancing zawm a nih theihna turin Kohhran Hall ah emaw, YMA Hall ah emaw a tlem thei ang ber punkhawm dan tur ngaihtuah ni se; mitthi vui tura kalte chu hming ziahna tur siam ni se, kawt kaiah hand sanitizer chhawp ni bawk se tiin an rel bawk. 

๐—–๐—›๐—”๐— ๐—ฃ๐—›๐—”๐—œ ๐—ง๐—”๐—ก ๐— ๐—Ÿ๐—”-๐—œ๐—ก ๐—›๐— ๐—”๐—Ÿ๐—” :
Champhai North Bialtu MLA Dr ZR Thiamsanga chuan District Hospital, Champhai-a hman turin nimin khan Ambulance tha chi TATA Winger BS6 chu Champhai a rawn chhohpui a. Champhai ta tur Dental Chair pawh rawn thleng thuai tura beisei a ni a. Truenat khawl pawh install zawh fel tawh niin Champhai ah Covid-19 kai leh kai lo endik theih thuai a ni dawn.

๐—ข๐—•๐—ฆ๐—˜๐—ฅ๐—ฉ๐—˜๐—ฅ ๐—œ๐—ก ๐—˜๐—ก๐—™๐—œ๐—”๐—› :
Champhai District chhunga VC Election 2020 felfai taka kalpui a nih theih nรขn District Election Observer Zosangzuali Pachuau chuan khaw hrang hranga Polling Station-te a enfiah. Champhai District chhunga khaw hrang hranga VC thlanna
hmun tur Polling station-te en fiah zel niin, Champhai District Election Observer Zosangzuali Pachuau chuan nimin khan Samthang, Vaphai, Farkawn, Khankawn,
Thekte leh Thekpuia VC thlanna tur Polling station-te a enfiah a.
Polling Station a felfai taka inthlanna kalpui dan tur leh hripui laka a him thei ang bera ruahmanna an siam tawh sa leh tih belh ngaite EO hian inthlan buaipuitu turte a hrilhfiah a. Inthlanna tur hmunhma an buatsaihte chu peih fel thawkhawt tawh niin a sawi. Election Observer hi ZD Lalramdintluangi, LO, Block Mission Manager ni bawk chuan a tawiawm a ni.

๐—ฉ๐—”๐—ช๐—ž ๐—ง๐—”๐—ก ๐—›๐—ฅ๐—œ๐—ฃ๐—จ๐—œ ๐—” ๐—Ÿ๐—˜๐—ก๐—š  :
Nimin khan Champhai-ah African Swine Fever chungchangah Awareness Campaign neih a ni.
He hun hi Dr. B. Zonghinga, District Vety Officer chuan kaihruaiin, Farmers Training Center, Champhai-ah neih a ni a. He hunah hian Champhai khawchhunga veng hrang hranga Community Animal Health Worker-te leh Myanmar ramri hnaih khuate an kal khawm a. Dr Zonghinga chuan ASF hlauhawmzia leh he hri laka inven dan turte sawiin, dan loa Myanmar atanga vawk lo lut awm lo tura tan la theuh turin kalkhawmte chu fuihin, a thil sawite chu ASF laka invenna atana pawimawh tak a nih thu uar takin a sawi bawk.
Tun dinhmunah ASF hi Mizorama-ah a la leng rih lo va. Chuvangin, mi tin tangrual a,
theihtawpa he hri hlauhawm tak lo lut tur danna kawnga hma la theuh turin Vety Department chuan mipui te an ngen bawk a ni.

๐——๐—”๐—ก ๐—•๐—”๐—ช๐—›๐—–๐—›๐—›๐—œ๐—” :
Champhai Police te chuan niminpiah khan inkharkhipna dan Section 4(1) bawhchhia, hmai tuamna vuah lo mi 7 an man a, Rs. 100 theuh chawitir an ni a. Nimin piah vek hian Mizoram pumah dan bawhchhia147 man niin an pawisa chawi hi a vaiin Rs. 47,800 a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…