Skip to main content

Ni 30.8.2020 (Thawhtanni)

๐—œ๐—ก๐—ง๐—˜๐—ฅ๐—ก๐—˜๐—ง ๐—›๐— ๐—”๐—ก๐—š๐—œ๐—ก ๐——๐—ข๐—–๐—ง๐—ข๐—ฅ ๐—ฅ๐—”๐—ช๐—ก ๐—ง๐—›๐—˜๐—œ๐—› (๐—ญ๐—ถ๐—ฟ๐—ป๐—ฎ ๐—ฎ๐—ป๐—ด๐—ถ๐—ป ๐—ฟ๐—ฒ๐˜๐—ต๐—ฒ๐—ถ๐—ต๐—ป๐—ฎ ๐—ธ๐—ฎ๐—ป ๐—ฐ๐—ต๐—ต๐˜‚๐—ฎ๐—ป๐—น๐—ฎ๐—บ ๐—น๐—ฒ๐—ต ๐—ฎ ๐—ป๐—ด๐—ฒ๐—บ - ๐—บ๐—ถ๐—บ๐—ฎ๐—น ๐—ป๐—ด๐—ฎ๐—ถ๐—ต๐—ฑ๐—ฎ๐—ป)
COVID-19 hripui leng mek vanga damlo ten awlsam zawk leh pawn chhuak lova mahni inlum ngei atanga Doctor te an rawn zung zung theih na'n teleconsultation Service E-SanjeevaniOPD chu Mizoramah hman tan a ni ve dawn.
Mizo specialist doctor-te chu Thawhtanni atanga Zirtawpni inkar chawhnu dar 2 leh dar 4 inkarah rawn theih an ni dawn a. Thawhtanni-ah Medicine, Thawhlehni-ah hmeichhe natna leh nau pai leh hrin lam, Nilaini-ah naupang natna, Ningani-ah Surgery leh Zirtawpni-ah cancer enkawlna lamte rawn theih a ni ang. Ministry of H&FW chuan ruahmanna thar siamin Telemedicine E-Sanjeevani OPD Application chu mipui hman theih turin a phochhuak a, hemi bawhzui hian Mizoram National Health Mission (NHM) chuan mipuiten hlawk tak leh tangkai taka an chhawr thuai theih nan chak taka hma la nghalin teleconsultation Service E--SanjeevaniOPD hmanga mipuite'n inenkawlna tha zawk leh mipui tam zawkin an chhawr tangkai ngei theih na'n doctor te rawn theiha an awm hun tur October ni 2 thleng ruahmanna a siam.
eSanjeevani OPD hi internet kaltlanga Video based clinical consultations tih theihna tura Center for Development of Advanced Computting(C-DAC) ten an siam a ni a. Computer leh Mobile application hmanga Doctor thiamte rawn theihna a ni. Playstore-ah eSanjeevani OPD-National Teleconsultation Services chhut a download theih a ni. Computer leh Laptop atanga lut duh tan www.esanjeevaniopd.in ah luh theih a ni bawk.

๐—ฃ๐—ข๐—ฆ๐—œ๐—ง๐—œ๐—ฉ๐—˜ ๐— ๐—œ ๐—ฃ๐—”๐—ž๐—›๐—”๐—ง ๐—˜๐—ก๐—ž๐—”๐—ช๐—Ÿ ๐— ๐—˜๐—ž ๐—Ÿ๐—” ๐—”๐—ช๐—  :
Champhai-a Covid-19 kai enkawl lai mi pahnihte chu dam taka chhuahtir an ni.
Inrinni khan Champhai Dedicated Covid Health Centre, Nursing School Building-a Covid-19 hri kai enkawl lai mi pahnih, mipa leh hmeichhia pakhat ve ve chu dam takin chhuah tir an ni a.
Hetih rual hian DPRC Institutional Quarantine Centre-ah mi 20, mipa 15 leh hmeichhia 5-te chu khung hran mek an ni a. Tourist Lodge Institutional Quarantine Centre-ah mi 14, mipa 12 leh hmeichhia 2-te khunghran mek an ni bawk a; Home Quarantine mipa 9 an awm a. Dedicated Covid Health Centre-ah mipa pakhat enkawl a la awm mek bawk a; heti hian Champhai-ah mi 44 khung hran an awm mek a ni.
Champhai District chhungah hian hri kai mi 16 awm tawhin, mi 15 enkawl dam an ni tawh a, mi pakhat enkawl mek a la ni.
Khawzawl District Quarantine Facilities-ah mi 13, mipa 10 leh hmeichhia 3-te khung hran mek ni bawk a. DC Rest House, Darngawn veng-ah mipa hlang 7 khung hran mek an ni a. PWD IB, Dinthar-ah mipa pathum leh Forest Rest House, Hermon vengah hmeichhia pathumte khung hran mek an ni bawk.

๐—Ÿ๐—œ๐—ฅ๐—ก๐—š๐—›๐—œ๐—ก๐—š ๐—ฉ๐—”๐—ก๐—š๐—œ๐—ก ๐—ง๐—จ๐—œ ๐—Ÿ๐—”๐—ž๐—ก๐—” ๐—–๐—›๐—›๐—œ๐—” :
Lirnghing in Khawbung-a Gravity Phase I tuilรขkna tuidawt a tih chhiat chu Khawbung WATSAN Sub-Division PHE SDO hovin siam that a ni a, Phase II tuilรขkna erawh a chhiatna lai zawn hmuh a la ni lo.
Samthang rama Khawbung khaw tuilak pahnih - Gravity Phase I leh Phase II chu kar kalta Ningani-a lirnghingin a tih chhiat ve ve avangin Inrinni khan Phase I chhe lai siamthat a ni a. Phase II erawh kilometer 5 vel uluk taka tuidรขwt chhe lai zawn a nih hnuin a chhiatna lai hmuh a la ni lo a; kilometer 13 vel chhui tur a la awm a, lir a nghin thut thut thin avangin hnathawktute chuan hmun chhengchhe lai deuhah chuan tuilakna 'pipeline' chhui zung zung a him loh avangin, a sawt lo hle tih an sawi. Khawbung WATSAN Sub-Division PHE Department hnuaiah hian khaw 25 leh thlawh bรขwk 2 enkawl mek an ni a. Tun hnaia lirnghing avang khan khaw hrang hrangin an khaw tuilakah harsatna an tawk a, hmanraw mamawh a awm chuan Khawbung Sub-Division Office-ah lamin khawtin WATSAN Committee te'n a siam hna an buaipui thin a ni.

๐—›๐—Ÿ๐—” ๐—ž๐—จ๐—ก๐—š๐—ฃ๐—จ๐—œ ๐— ๐—จ๐—”๐—Ÿ ๐—ง๐—œ๐—™๐—”๐—œ :
Hripui avanga hun eng emaw chen khar a nih hnuah Mizo Hlakungpui Mual leh a bula Tourist Lodge hmunhma chu Inrinni khan hnatlรขnga then fai a ni.
Khawbung Branch YMA hnuaia din Mizo Hlakungpui Mual Committee te chu Inrinni khan Mizo Hlakungpui Mual hmunhma leh ngaw hnuai thian faiin an hnatlang a. Khawbung Branch YMA-te'n an enkawl mรชk Khawbung Tourist Lodge leh a chheh vel pawh then fai nghal a ni. Khawbung Tourist Lodge hi Mizoram Tourism Department chuan kum 2015 December khan Privatize turin Khawbung Branch YMA nen inremna MoU an lo ziak tawh a. Mimal kuta hlan a nihna chhan hi hnathawktu indaih loh vang bakah heti lama tui mite tana eizawnna siamsakna a nih beisei vang niin Department chuan an sawi a. Department enkawlna hnuaiah chuan Tourist Lodge thenkhat chu a enkawltute hlawh tur pawh Department-ah sum chhun luh a nih loh thu leh, chawi belha enkawl an nih laiin Privatize a nih hnuah chuan Tourism Department-ah thlatin sum chhun luh niin mimal leh chhungkuate'n eizawnna an hmuh phah bawk tih thu dawn a ni.

๐—ง๐—›๐—œ๐—ฆ๐—˜๐—ก ๐—ง๐—จ๐—  70 ๐—ฃ๐—˜ :
Champhai district-a mi mala thisen pe hnem ber PC Lalchuangkima, Bethel Veng, Association for Voluntary Blood Donation (AVBD) Champhai Asst. Secretary ni mek chuan Inrinni khan a piancham pualin a vawi 70 nan District Hospital Champhai-ah a mamawh apiangte hman theih turin thisen a pe a. Mi tlawmngai leh mi dangte tana luangchhuak Champhai District-in a nei hi damdawi ina thawkte chuan lawmawm an tih thu an sawi a. Covid-19 hri pui leng karah District Hospital-a thisen pe an tam loh lai leh mamawhna a san chhoh mek laia tlawmngaia mimal leh pawl hminga thisen pe thinte chungah lawmthu an sawi bawk.

๐——๐—– ๐—›๐— ๐—”๐—Ÿ๐—”๐—ž๐—ก๐—” ๐—™๐—”๐—ž๐—”๐—ช๐—  :
SBI Champhai Branch peng, C. Denga ram kawng sira thlai leh sa zawrhna atana an siam chu Champhai District Bawrhsap hmalaknaa thiah a ni a. Helai hmuna inpho thinte hi Bazarpui (Rahsi Veng) leh Bethel veng Bazar-ah te an thutna tur siamsak an ni tih thu kan dawng. Champhai Bawrhsap hmalakna hi khawpui thangzel thlirin a fakawm hle.

๐——๐—”๐—ก ๐—•๐—”๐—ช๐—›๐—–๐—›๐—›๐—œ๐—” :
Champhai Police leh LTF-te chuan
inkharkhipna dan bawhchhia mi 1262 an man tawh.
Champhai Police leh LTF te hian May ni 4 atanga Inrinni thleng khan inkharkhipna dan bawhchhia mi 1262 an man tawh a; inkharkhipna dan bawhchhia an man zingah hian vantlang hmuna hmai tuam lo tam berin, mi 902 man an ni a. Curfew laia lirthei tlan chhuak 79 an man bawk a; Social Distancing zawm lo mi 65 bakah Vantlang hmuna chil chhak mi 1 leh Quarantine Centre dan zawm lo mi 2 an man bawk. Champhai Police-te'n inkharkhipna dan bawhchhia an man mi 1262-te pawisa chawi tling khawm hi Rs. 2,33,700 a ni.
Covid 19 mipuia a darh zel lohna tur hian Champhai District chhunga Police Station pathum - Champhai PS, Zokhawthar PS leh Dungtlang PS-te chuan an huam chhungah duty an insiam theuh bakah Covid 19 vanga din Flying Squad-te'n an huam chhung an vil reng thin a ni.

๐— ๐—œ๐—ก๐—œ๐—ฆ๐—ง๐—˜๐—ฅ ๐—œ๐—ก ๐—Ÿ๐—”๐—ช๐— ๐—ฃ๐—จ๐—œ :
VC inthlan neih zawh takah Champhai South A/C huam chhungah MNF chuan VC 11 ah sawrkarna an siam a. Bialtu MLA TJ Lalnuntluanga chuan Champhai South A/C a VC 20 awmah MNF in VC 11 laia hnehna an chang thei chu Pathian remruat a nih thu leh Pathian leh kan ram tan ngaihtuahna senga rinawm leh dik taka thawk a, bial dangte entawn tlaka hna thawk turin duhsakna a hlan a. Ram tan leh a bial chhunga lungrual tak leh theihtawp chhuaha hna thawhpuiah a sawm bawk. VC inthlana tling zo ve ta lote chu a tawrhpui thu a sawi bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…