Skip to main content

Ni 21.9 2020 (Thawhtanni) Champhai Chanchinthar

 𝗗𝗜𝗦𝗧𝗥𝗜𝗖𝗧 𝗡𝗨 𝗟𝗘𝗛 𝗣𝗔 𝗡𝗜𝗛 𝗧𝗟𝗜𝗡𝗚 𝗠𝗔𝗥𝗜𝗔 𝗖𝗧 𝗭𝗨𝗔𝗟𝗜 :

Champhai Bawrhsap, Maria CT Zuali chuan Inrinni hian Hnahlan leh Ngur khuate tlawhin khawtlang mamawhte a enkual.
Maria CT Zuali hian Hnahlan Winery, Hnahlan Village Haat, Hnahlan Higher Secondary School leh khaw chhung inkalpawhna kawng laih mekte tlawhin, khawtlang hruaitute nen mamawhte an enfiah a, hmalak theih dan turte an sawi ho a ni.
Champhai District Bawrhsap chuan District mipui mamawh leh harsatnate a hmun ngeia tlawha hriatchian a duh thu a sawi a. Mamawh leh harsatna thlente tuna tih hlawhtlin mai theih ni lo mah se, a theih leh tul ang zela bawhzui tum a nih thu a sawi a. Khawtlang hmasawnna leh than zelna tur kawnga thahnem ngai taka thawktute chu fakawm tiin, lungrual taka hna thawk chhunzawm (www.champhai.net) zel turin a chah a. Zir thiamna chuan tawp chin a neih loh thu leh ni tina inzir thar reng tur kan ni tih a sawi a; chhiar hriatna mai ni loin, a taka hmang tangkaitu nih kan tum fo tur a ni, a ti.
Maria CT Zuali hian Inrinni chawhnu khan Champhai North bial chhung atanga Model Village atana puan Ngur khua tlawhin, khaw chhunga kawngpui kam hnaih lutuka insak leh tawt lutuk chinfel dan tur khawtlang hruaitute nen an enfiah nghal a ni.
Champhai District Bawrhsap Maria CT Zuali hi Dr.Lallawmkima, DIPRO leh Obed Lalmalsawma, DSYO-te'n an tawiawm a ni.

𝗗𝗔𝗠 𝗧𝗔𝗞𝗜𝗡 𝗖𝗖𝗖 𝗖𝗛𝗛𝗨𝗔𝗛𝗦𝗔𝗡 :
Champhai-a Covid 19 kai enkawl 1 chu hri a kai tawh lo ngei a ni tih finfiah a nih hnuah Inrinni khan Covid Care Centre atangin chhuahtir a ni.
Hri kai enkawl dam tak hi August ni 12 khan Covid-19 a kai tih hmuh chhuah niin, ni 37 enkawl a ni a; Zirtawpni khan Zoram Medical College RT-PCR Lab.-ah a sample endik nawnsak leh a nih hnuah Covid-19 a kai  (www.champhai.net) tawh lo ngei tih finfiah a ni a. Rapid Antigent Test hmanga a Sample endiknaah chuan Covid-19 a kai tawh lohna a rei tawh a, ICMR inkaihhruaina danah DCHC a dahluh
atanga ni 10 hnuah chhuah tir theih a nih laiin, RT-PCR hmanga a sample endiknaah a la positive si avangin RT-PCR-a a sample a negative hma chu enkawl a ni tih thu dawnna chuan a sawi a ni.
Champhai District chhunga Covid-19 hri kai mi 17 zinga 16-te chu enkawl dam tawh niin, tunah hian CCC ah mi 1 la enkawl mek a ni.

𝗗𝗔𝗡 𝗕𝗔𝗪𝗛𝗖𝗛𝗛𝗜𝗔 :
Ni 12.9.2020 atanga Inrinni liam ta thleng khan Champhai Police-te chuan inkharkhipna (www.champhai.net) dan bawhchhia mi 43 an man a. Dan bawhchhia an man zinga 42 hi Vantlang hmuna hmai tuam lo niin, Cheng 100 theuh chawi tir an ni a. Inrinni liam ta khan curfew laia lirthei tlanchhuak pakhat manin, Rs. 1000 chawtir a ni a. An mi man zawng zawngte pawisa chawi tling khawm hi Cheng 5,200 a ni.

𝗖𝗛𝗛𝗜𝗔𝗛 𝗟𝗨𝗧 𝗧𝗛𝗔 :
Kum 2019 atanga kum 2020 chhungin DTO Office, Champhai-ah chhiah Rs. 3,23,29,463 a lut.
Kum 2019 April thla atanga kumin March thla thleng khan District Transport Office-ah chhiah hrang hrang Cheng 2,75,49,367 a lut a, kumin April thla khan Cheng 82,781 lutin, May thla khan Cheng 7,89,809 a lut a, June thla khan Cheng 6,61,529 lutin, July thla khan Cheng 19,60,123 a lut a, August thla khan Cheng 12,85,854 a lut bawk. Kumin chhunga District Transport Office-a chhiah hrang hrang lut khawm hi Rs. 47,80,096 a ni.
Nikum April thla atanga kumin March thla thleng khan lirthei 1496 ziah luh a ni a; kumin April thla khan lirthei 7 ziah luh niin, May thla khan 57 ziah luh a ni a. June  (www.champhai.net) thla khan 46 ziah luh niin, July thla khan 113 leh August thla khan 68 ziahluh a ni a. Kumin April atanga August thla thleng khan District Transport Office-ah hian lirthei 291 ziah luh a ni a, nikum April thla atanga kumin August thla thlenga District Transport Office-a lirthei ziah luh zawng zawng hi 1787 a ni.

𝗛𝗥𝗜𝗣𝗨𝗜 𝗟𝗔𝗞𝗔𝗛 𝗛𝗜𝗠 𝗧𝗜𝗛 𝗙𝗜𝗡𝗙𝗜𝗔𝗛 :
Zirtawpni khan Champhai District Hospital TrueNat Laboratory-a Sample endik 14-te chu hri an kai lo vek a, Sample endikte hi State pawn atanga rawn haw, Quarantine  (www.champhai.net) Centre-a awm mek te, Frontline Worker leh Covid-19 an kai leh kai loh fiah duhte an ni.
Heti hian Champhai District Hospital TrueNat Laboratory-ah Sample 36 endik tawh niin, Rapid Antigen Test hmangin Sample 442 endik a ni tawh bawk a, ZMC leh Silchar-a thawn tawh zawng zawng nen chuan Sample 1923 endik a ni tawh a ni.

𝗧𝗛𝗟𝗔𝗞𝗧𝗨 𝗔𝗪𝗠𝗟𝗢 𝗜𝗡 𝗔𝗗𝗗𝗟. 𝗗𝗖 𝗦𝗔𝗪𝗡 𝗗𝗔𝗪𝗡 :
Champhai District Addl. DC Mark Lalthanliana chu Joint Director, ATI, Aizawl hna chelh turin sawn a ni a, tun dinhmunah (www.champhai.net) a aiawh tur hi dah a ni lo niin thu dawn a ni a.
R. Lalnghakliana, Project Director, DRDA Champhai chu a hna chelh lai bakah Addl. DC charge la tur hian ruat a ni. 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…