Skip to main content

Ni 22.9.2020 (Thawhlehni) Champhai Chanchinthar

𝗖𝗛𝗔𝗠𝗣𝗛𝗔𝗜 𝗡𝗢𝗥𝗧𝗛 𝗠𝗟𝗔 𝗖𝗛𝗔𝗪𝗜𝗠𝗔𝗪𝗜 :

Larsap PS Sreedharan Pillai chuan Health and Family Welfare Board Vice Chairman MLA, Dr. ZR Thiamsanga chu Emergency Operation hmanga Naute leh a Nu nunna a chhanchhuah
avangin nimin khan Raj Bhavan-ah chawimawina a hlan.
Kumin August ni 10 khan Dr ZR Thiamsanga hian lirnghing in a sawi, a bial chhunga(www.champhai.net)  mipui thlamuan tur leh thil awmzia hrechiang turin a kal a. A zin kawngah Nu naupai dinhmun derthawng taka ding mek a awm thu
hriain Dr ZR Thiamsanga chuan Ngur khuaa Pi C.Lalhmangaihsangi nau vei, zai chhuah ngai chu Champhai District Hospital-ah hmanhmawh takin a zai nghal a. Nu leh Naute hi an damchhuah phah ta a ni.
Thil thleng chungchuang hi Larsap chuan Twitter kaltlanga lawmpuina ziakin, India ram Vice President, Prime Minister leh Home Minister te pawh a hrilh nghal a. He a hnathawh avang hian nimin khan Dr ZR Thiamsanga chu Larsap chuan lengah sawm in, Chawimawina Thuziak leh
Thilpek a hlan a ni.

𝗗𝗔𝗡 𝗦𝗜𝗔𝗠 𝗧𝗛𝗔𝗥 𝗛𝗠𝗔𝗡𝗚𝗜𝗡 𝗙𝗔𝗜𝗡𝗔 𝗞𝗔𝗪𝗡𝗚𝗔𝗛 𝗛𝗠𝗔𝗟𝗔𝗞 𝗧𝗨𝗠 :
Champhai Solid Waste Management Bye-Law, 2020 duan chu siamthat ngaite siam that niin pawm a ni a, hman theih tura hriattirna chhuah a nih hnuah a taka hman tan a ni ang.
Champhai khawpui thianghlim leh fai siam kawnga hmalakna tur pawimawh tak chungchang hi relin nimin khan (www.champhai.net) Champhai Bawrhsap Maria CT Zuali kaihhruaiin I&PR Conference Hall, CHANEM-ah thutkhawm a ni a.
Maria CT Zuali chuan faina kawnga Champhai district hmalak tawhnate tarlangin, Champhai District chu District zinga khawlaia inthiar awmlohna Open Defecation Free (ODF) hmasa ber a nih thu leh faina kawngah lawmman a lo dawn nual tawh thu a sawi a.
Bawlhhlawh paih fimkhur a ngaih thu sawiin, tawih thei leh theilo thliar thiam a ngai a, faina kawnga tan la chhunzawm zel chungin khualzinte hip thei turin faina kan nunpui a ngai a ni, a ti a. Green India Mission kaltlangin boruak hrisel leh thianghlim siam kawnga hmalak a nih thu pawh a tarlang a. Dan siam thar chu a taka hman theih mai tura hriattirna chhuah vat a nih tur thu sawiin, mipui hnenah a zau thei ang bera hriattir an ni ang, a ti.
Bawrhsap chuan nitin khawsaknaah faina nunpui a ngai tih sawiin, a tirah harsa deuh mah se tumna a awm phawt chuan tihlawhtlin theih a beisei tih a sawi a. Sawrkar hmalakna ngaihchan kher ngai lovin mahni theuhah bul kan tan thei a ni tiin, mimal atanga intan, khawtlang leh ram pum thlenga faina nunpuia midangte zirtirtu nih tum theuh turin District mipui te a chah nghal a ni.
He thutkhawmah hian faina kawnga mipui mawhphurhna leh zawm tur hrang hrang duante enho niin, chhungtin atanga bawlhhlawh bakah eizawnna hmun hrang hrang leh hmunhma dangte atanga bawlhhlawh khawnkhawm, paih leh sawngbawl kawnga man chawi ngai turte sawiho a bithliah nghal a ni a. Khawlaia bawlhhlawh paih, faina leh hriselna kawnga dan siam zawm lote hrem theihna tur hrang hrangte pawh thlirho hnuah chawi tur ngai zat bithliah fel a ni bawk.
He dan, Municipal Solid Waste Rules 2016 zulzuia duan hmang hian Champhai khawpui a lo thianghlim zawkna turin bawlhhlawh sakhat dahkhawm, lak khawm, sawngbawl, siam danglam leh tihral kawngah theihtawp chhuaha hma lak tum a ni.

𝗢𝗖𝗧𝗢𝗕𝗘𝗥 𝗧𝗛𝗟𝗔 𝗔𝗧𝗔𝗡𝗚𝗜𝗡 𝗛𝗠𝗜𝗡𝗚 𝗭𝗜𝗔𝗛 𝗧𝗛𝗘𝗜𝗛 𝗗𝗔𝗪𝗡 :
Mizoram State Health Care Scheme (MSHCS) leh AB-Pradhan Mantri Jan Arogya Yojana (PMJAY) 2020-2021 hnuaia inziahluh hun October ni 1 atangin hawn tan a ni dawn.
Champhai Main Centre leh Hnahlan PHC hnuaia ASHA, Health Worker, Medical Officer leh Supervisor-te puala Health Care Scheme leh AB-PMJAY 2020-2021 Enrollment chungchang  (www.champhai.net) zirhona nimina I&PR Auditorium, CHANEM-ah neihah he thu hi sawilan a ni a. He hun hi
Dr R. Lianmawia, CMO Champhai chuan kaihhruaiin, Health Care Scheme pawimawhna hre lo tam tak an awm thin thu leh mitinin he Scheme hi ngaihpawimawh a, an hriatchian theihna tura tan lak thar a ngai tih a sawi.
Dr Zatluanga, DMS chuan, Health Department-a thawkte chu hlawh la tur chauh a thawk lo va, theihtawp
chhuaha hna an thawh a tul tih
a sawi a. District Hospital Champhai chu thenawm ram thlenga pan a nih tawh avangin ngaih pawimawh a tul tih a sawi bawk a. Health Care Scheme a thara kalpui leh turah hian a pawimawhna leh a tangkaina chiang taka mipui hriattir chu an hna pawimawh tak a nih thu leh, an bial
chhunga mite chu Registration tih tir vek tum turin a chah a. District Hospital pantute'n Golden Card emaw, Health Care Scheme hmanga hamthatna an dawn ngei theihna tura tan lak a ngai tih a sawi a ni.
Dr C. Lalthanpara chuan Mizoram State Health Care Scheme chu, nikuma ennawn leh a nih hnuah natna zawng zawng deuhthaw a huam tawh a, kum khatah Cheng Nuai 2 thleng a Bill theih dawn a ni, a ti a. Tuna Health Care Scheme kal mek chu tun thla September Ni 30, 2020 ah a tawp tawh dawn a. October Ni 1, 2020 atanga September 2021 thleng huam tur Health Care Scheme chu
a thara kalpui leh tur a ni a, hemi atan hian October Ni 1, 2020 atanga December Ni 31, 2020 thleng inziahluh hun hawn a ni dawn tih a sawi a.
MHCS hi Mizoram bakah, Mizoram pawnah pawh hman theih a ni tih a tarlang bawk.

𝗧𝗛𝗨𝗧𝗛𝗔𝗡𝗚 𝗗𝗜𝗞𝗟𝗢 𝗔𝗩𝗔𝗡𝗚𝗜𝗡 𝗠𝗜𝗣𝗨𝗜 𝗥𝗔𝗟 𝗞𝗛𝗘𝗟 𝗛𝗠𝗔𝗡 :
Vawk natna hri hlauhawm tak, African Swine Fever (ASF) Champhaiah hmuchhuaka finfiah tawh ang a thuthang chu a dik loh thu Champhai Vety Dept. in an sawi.
Hemi chungchangah hian nimin khan Champhai Vety Dept. (www.champhai.net) chuan thuchhuah siamin, Inrinni liam taa Animal Husbandry & Veterinary Dept., Environment, Forest & Climate Change Dept. leh Champhai Police te tanghoin Zote kaia vawk an man te chu Court-ah hruai a ni a. Court thuchhuak angin heng vawk te hi AH & Vety. Dept.-ah endik tura hruai lehin hetah hian African Swine Fever (ASF), Classical Swine Fever (CSF) leh Porcine Reproductive & Respiratory Syndrome (PRRS) natna an neih leh
neih loh enfiah a ni a.
Enfiahnaah hian ‘result’ chiang lo, Laboratory changtlung zawka thawn leh enfiah ngai a awm avangin ‘sample’ thawn tur buatsaih a ni, an ti.
ASF hri kai Vawk a awm ngei anga thuthang awm chu thu belhchian dawl lo a ni tiin, Champhai Vety Dept. chuan mipui te chiai lo turin an hriattir a. Hetih rual hian, ASF hri hi Mizoramah leng thei reng a nih avangin mipui te fimkhura hmun dang atanga vawk la lut lo turin an
hriattir a ni.

𝗩𝗖 𝗛𝗡𝗘𝗡𝗔𝗛 𝗦𝗨𝗠 𝗣𝗘𝗖𝗛𝗛𝗨𝗔𝗞 𝗧𝗔𝗡 :
Nimin khan DLAO Champhai buatsaihin East Tuipui Assembly Bial chhunga Village Council Executive Body thlan tharte pualin DLAO Conference Hall-ah training buatsaih a ni a. East Tuipui Bial a Village Council 25-te hnenah Mizoram Finance Commission 2019-2020 atanga Work Order 1st Installment Cheng 23,63,427 sem chhuah a ni.
He (www.champhai.net) hun hmanpuitu Esther Leihang, DLAO Champhai chuan, Village Council Court-chu Sawrkar rorelna hniam ber a nih loh thu leh Sawrkar rorelna intanna a nih zawk thu a sawi
a. A bul tanna a dik loh chuan Sawrkar a kal dik theih loh avangin rorelna intanna VC te chu an pawimawhzia hre reng turin a chah a. Mipuite'n an aiawh tura an thlan tlin an nih hre reng tura chahin, mipui tana dik taka rorel tur an nih thu a sawi bawk. VC te chu khawtlang hmel lanna an nih avangin ro an relsak mipui tana entawn tlaka nung turin a chah bawk.
Vawiinah Lengteng Bial, Ni 23 ah Tuichang A/C, Ni 24 ah Champhai North A/C, Ni 25 ah Champhai South A/C te tan training buatsaih a ni ang.

𝗗𝗔𝗡 𝗕𝗔𝗪𝗛𝗖𝗛𝗛𝗜𝗔 :
Pathianni khan Champhai Police-te chuan inkharkhipna dan bawhchhia mi 8 an man a. An (www.champhai.net) vai hian vantlang hmuna hmai tuam lo niin, Cheng 100 theuh chawi tir an ni a.

𝗞𝗛𝗨𝗡𝗚 𝗛𝗥𝗔𝗡 𝗭𝗔𝗧 :
Champhai district chhunga sorkar inkhunghranna hmun hrang hrangah mipa 35 leh hmeichhia 9 khung hran mek an la ni.
DPRC Centre, Keifangtlang ah mipa 15 leh hmeichhia 5; Tourist Lodge-ah mipa 17 (www.champhai.net) leh hmeichhia 4 khung hran mek an ni a, mahni ina inkhung hrang mipa 2 an awm a. Covid Care Centre-ah mipa pakhat a la awm mek bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…