Skip to main content

Ni 23.9 2020 (Nilaini) Champhai Tualchhung

𝗗𝗔𝗡 𝗟𝗢𝗔 𝗟𝗔𝗞 𝗟𝗨𝗛 𝗩𝗔𝗪𝗞 10 𝗞𝗔𝗣𝗛𝗟𝗨𝗠 :
District Court Champhai thupek bawh zuiin nimin chawhnu khan dan lova Vawk phurh man, Vawk puitling 3 leh Vawk note 7-te chu AH & Vety Complex, Champhai-ah kahhlum a, phum fel a ni.
Vawk note 7-te hi August ni 19, 2020-a Tlangsam daia man a ni a. Vawk puitling talh rual 3 mante hi September ni 17, 2020-a Zote kaia man a www.champhai.net ni thung a. Heng Vawk an mante hi AH& Vety Department, Champhai ruahman angin PRRS, Classical Swine Fever leh African Swine Fever natna an vei leh vei loh endik a nih hnuah PRRS leh CSF natna an vei tih hmuh chhuah a ni a. Heng hri kai Vawk 10-te hian hri an tihdarh zel loh nan leh District Court Champhai thupek angin nimin khan kap hlumin, a phumna tur bika siamah uluk taka phum nghal a ni.
AH & Vety Department Champhai chuan District Magistrate-in ram dang leh state dang atanga Vawk, vawk sa leh vawk sa atanga siam Champhai District-a lak luh khapna leh, Champhai District chhung khawii khuaah mah Vawk, vawk sa leh vawk sa atanga siam lakluh leh phurhchhuah khapna thupek a chhuah hnu pawha dan lova Vawk phurh man tur a la awm fo chu pawi an tih thu sawiin, hri hlauhawm laka him tlan zawkna atan thupek hi zawm theuh turin mipuite an ngen a ni.

𝗞𝗨𝗠 𝗨𝗣𝗔𝗧𝗘 𝗘𝗡𝗞𝗔𝗪𝗟𝗡𝗔 𝗧𝗨𝗥 𝗜𝗡 :
Champhai-ah kum upa lamte enkawlna tur hmun, Special Shelter Old Age Home sakna atan Rs. 32,32,000 dah a ni.
He thu hi nimina UD&PA Champhai in Champhai khawpui chhunga Home hrang hrangte hnena sawrkar kum kal meka chhawmdawlna la dawng kim lote hnenah Shelter for Urban Homeless kaltlanga tanpuina a semnaah tarlan a ni.
He hunah hian District Urban Development Officer Vanlalchhuanliana chuan tanpuina hi a hlan a; Special Shelter Old Age Home sak nan hian Bethany Old Age Home, New Champhai chuan a thlawna ram hman an phal thu leh sak phalna, No Objection Certificate pawh UD&PA Department-in a dawng tawh tih tarlan a ni a.
Tunah hian ruahmanna kimchang leh Estimate buaipui mek niin, peihfel a nih veleh District Level Executive Committee pawmpui turin thlen a ni ang.
Shelter for Urban Homeless kal tlanga Home hrang hrangte www.champhai.net thawm that leh chei thatna Financial year tina pek thin chungchang pawh relin, sawrkar kum kal mekah home thawm thatna tur Cheng Nuai 1 la pek tlin lohte chu tanpuina sum pek tura ruahman a ni a; Refurbishment atana sum hman tur awm Cheng 1,50,000 chu Home 3-Rose Children’s Home, Champhai Vengthlang; Genesaret Gospel Home, New Champhai leh Bethany Old Age Home, New Champhai-ahte pek ni se tiin an rel bawk.

𝗪𝗢𝗢𝗗 𝗩𝗜𝗡𝗘𝗚𝗔𝗥 𝗦𝗜𝗔𝗠 𝗗𝗔𝗡 𝗭𝗨𝗥 :
Nimin khan Champhai Town Multipurpose Cooperative Society Ltd. leh ARCS buatsaihin Pradhan Mantri Vandhan Yojona leh Wood Vinegar siam dan zir ho a ni.
Ni 3 awh tur inzirtirna hun hi C. Lalbethlehema, Asst. Registrar Cooperative Societies, Champhai chuan khual lian niin a hawng a. Hma sawn tur chuan thawhhona tha a pawimawh tih a sawi a; lungrual taka thawkho tura chahin, an zir hun chhung chu hlawk taka hmang a, hlawhtlinpui ngei tura duhsakna hlanin a hawng a ni.
He hunah hian zirlai naupang leh Champhai-a Self Help Group-te koh khawm niin, C.Vanlalhruaia, Sr. Inspector, Cooperative Societies Champhai chuan PMVDY chungchang zirtirna a pe a. Van Dhan Mission in a tum ber chu Tribal-te'n an chheh vela ramngaw www.champhai.net hausakna hmang tangkaia intunnunna atana an hman theihna tura ruahmanna siam niin, awmze nei zawk leh an chheh vel ramhnuaia thil thar chhuahte anmahni ngeiin an sawngbawl a, a hralhna thlenga an kutken theihna tur scheme a ni tih a sawi.
PMVDY hnuaiah hian SHG pakhat tan Cheng 1,00,000 zel ruahman niin, inzirtirna atan za zela 30 leh hmanraw tenau leina atan za zela 67 ruahman niin, SHG 15-te'n Kendra khat siamin, Kendra-te hnathawhna tur hmun hi Van Dhan Mission-ah hian ruahman lawk tur niin, Beneficiary emaw VC-in emaw an remchan anga ngaihtuah tur a ni a. HS Vanlalfakzuala chuan Wood Venegar siam dan leh a tangkaina hrang hrangte a zirtir ve thung a ni.


𝗗𝗔𝗡 𝗕𝗔𝗪𝗛𝗖𝗛𝗛𝗜𝗔 :
Thawhtanni khan Champhai Police Flying Squad-te chuan Inkharkhipna dan bawhchhia mi 18 an man a; an vai hian vantlang hmuna hmai tuam lo vek niin, Cheng 100 theuh chawi www.champhai.net tir an ni. Dan bawhchhiate pawisa chawi tlingkhawm hi Cheng 1800 a ni a. Thawhtanni kha tun hnai ni 20 chhunga Inkharkhipna dawn bawhchhia, nikhata an man tam ber tum a ni.

𝗞𝗛𝗨𝗡𝗚𝗛𝗥𝗔𝗡 𝗭𝗔𝗧 :
Champhai District-a sorkar inkhunghranna hmunah mi 44 khung hran mek an ni.
DPRC Institutional Quarantine Centre ah mi 20, mipa 14 leh hmeichhia 6 khung hran mek an ni a, Tourist Lodge ah mi 21 khung hran mek niin, in www.champhai.net lama inkhung hrang mi 2 an awm mek a. Covid Care Centre-ah mipa 1 enkawl mek a ni bawk a. Khung hran
zawng zawngte hi mipa 34 leh hmeichhia 10 an ni.

𝗖𝗛𝗛𝗔𝗡𝗚𝗣𝗛𝗨𝗧 𝗞𝗛𝗔𝗥 𝗥𝗜𝗛 𝗗𝗔𝗪𝗡 :
Hri lengin kian lam a pan theih loh avangin Chhangphut field chu thu leh awm hma chu khar rih a ni a, a hmang duh tan pawh phalna a lak theih dawn rih lo tih inkhel tura kal thinte leh field-a kal thinte chu CDFA chuan an hriattir a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…