Skip to main content

Ni 8.9.2020 (Thawhlehni)

𝗟𝗜𝗥𝗧𝗛𝗘𝗜 𝗧𝗔𝗪𝗧 𝗭𝗜𝗔𝗔𝗪𝗠 𝗗𝗔𝗡 𝗧𝗨𝗥 𝗕𝗔𝗪𝗥𝗛𝗦𝗔𝗣 𝗛𝗢𝗜𝗡 𝗘𝗡 :
Nimin khan District Bawrhsap hma laknain Champhai khawpui-a lirthei tawt tih ziaawm dan tur en ho a ni.
Awmpui-Phei atanga Bethel Kawn thleng ke-a kalin, mimal lirthei leh mipui phur lirtheite din dan chungchang uluk taka thlir ho a ni a. A bik takin Taxi stand, Auto-Rickshaw stand leh Sumo stand-te enho a ni a.
Champhai khawpui chhunga traffic kalphung felfai zawka kalpui a nih theih nan remchang hmasa berah hemi chungchangah hian thutkhawm koh thuai tum a ni bawk.
Nimina Champhai khawpui chhunga traffic kalphung enfiahnaah hian R. Lalnunkimi, DTO ; Mark Lalthanliana, Addl. DC ; C.Lalsawta, SDPO leh ZDU, CTOA, CAROA, CAMS, Vengthlang VC
aiawhte an tel a ni.

𝗭𝗜𝗥𝗧𝗜𝗥𝗧𝗨 𝗧𝗛𝗔 𝗖𝗛𝗔𝗪𝗜𝗠𝗔𝗪𝗜𝗡𝗔 𝗖. 𝗟𝗔𝗟𝗛𝗥𝗜𝗟𝗟𝗜𝗔𝗡𝗔 𝗛𝗡𝗘𝗡𝗔𝗛 𝗛𝗟𝗔𝗡 :
Inrinni khan Zirtirtute Ni pualin zirtirtu tha, District Award hlanna hun chu hman a ni.
He hun hi TT Laltanpuia, DEO kaihhruaiin I&PR Auditorium Hall, Chanem ah neih a ni a, zirtirtu tha chawimawina hi C.Lalhrilliana, Govt. Vengthlang Middle School, Champhai chuan a dawng a ni. Zirtirtu tha chawimawina hlantu District Bawrhsap Maria CT Zuali chuan zirna hian tawp chin a neih loh thu sawiin, sawrkar hna an thawh tak avanga zirna tawp san tam tak an awm thu a sawi a. Zir chhunzawm zel tur a awm tih sawiin hna neih vanga zirna chawlhsan te chuan thiamnaah tawp chin an nei thin a.
Zirlai ten an thanlenpui atana pawimawh leh tha an zirchhuah theihna tura tan an lakpui a ngai tih a sawi bawk.

𝗩𝗟𝗧𝗙 𝗩𝗖 𝗞𝗨𝗧𝗔𝗛 :
Village Council inthlan avanga Village Level Task Force body siam danglam lailawk chu VC insiam fel tawhte chuan an hruaitu nihna an keng chhunzawm leh tawh dawn a, VC la inform fel lo te erawh chu inthlan chhunga VLTF hruaitute chuan an la hruai zui dawn thung.

24 𝗞𝗨𝗡𝗚 𝗛𝗥𝗔𝗡:
Champhai District a Quarantine Facilities hrang hrangah mi 24 khung hran mek an ni a. DPRC Institutional Quarantine Centre ah mi 16, mipa 15 leh hmeichhia 1 khung hran mek an ni a. Mipa 7 mahni ina inkhung hrang awm mekin, Dedicated Covid Health Centre, Nursing School Building ah mipa pakhat enkawl mek a ni bawk.
Khawzawl district-ah mipa 7 leh hmeichhia 4, an vaiin mi 11 khung hran a awm mek bawk.

𝗛𝗥𝗜𝗣𝗨𝗜 𝗗𝗢 𝗧𝗨𝗥𝗜𝗡 𝗣𝗘𝗡𝗖𝗛𝗛𝗨𝗔𝗞 :
Vanlalhriatchhungi, kum 21, Lab Technician, Lalnghinga fanu Farkawn khua chu nimin khan Farkawn PHC-a Covid-19 dona kawnga a tul apiang thawk turin a inpe a. Farkawn PHC-a doctor leh staff-te chuan hetianga mahni nunna thapa mi dangte tana mi inpe thalai an nei hi vannei an intih thu leh a chungah an lawm thu an sawi a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…